WAHYU 22:1 - Allah Wene Fano Wene Hupla Inane

¹ A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,

WAHYU 22:1 ပူးပေါင်းရင်းမြစ်များ

MAZMUR 46:4

i laut ha'labu esinggen founalek lenggalek lakfei wesigin oba nen, a'nogo hilingiti logolik tom-tom omanogo erak kwerak isagain oba nen, nit he, ninendawinggen abolok igi'lek hambukhogo mondok logogun.

YESAYA 41:18

An nen punu esi mondok lek mene andomaba nen i waga logouwageluk hilingfigik, tonggo obabe le'ma tulem andoma nen i elesi fulogoumhogo wulibuageluk hilingfigik, ikhi logogin. Ilingage lei andoma re i mogo yenggelogo hilingfigik, kweang iringikwe nen he i elesi wulibisogo lakfei wagik igin.

YESAYA 48:18

An nen nawene melalek yagahisigirek mene andoma hiren futfikhi logoumo nen he, fanot hinobagagu mene andi re i firitok igi'lek lagu mondok welagarek andi hak hilinghinobagakhi logou hago, nen haren ambisangma hilingirik lagain kwe andoma re i laut agum aloget figi'lek founalhu-lenggalhu mondok welagarek andi hak logou hagaro.

YESAYA 66:12

Andi re, nineisena Tuhan nen ikhi logolik, ”Hit he An nen i lagu agai lagu mondok welagarek andi hak hinebe fano mondok logobagaigen iluk hilingisogo hinobagagin o. Nen i fu waga logolik esanggo mondok hetok-hetok lagarek hak it afuni inunggulenu amu amukwe logogun mene nen inangge yi mene ti mene andoma hit were'ma wokhisa waga logogun. Hit he omalik inagaisawi nen walingik logolik eilak huninafarek hak, athe agaisa agoma walingi'mo ebene hothikhi logolik welagaikharek hak hilingik logogun.

YEREMIA 17:13

Tuhan nineisena, Hat he afuni Israel mene nen inendawinggen hoba eberek mene welagen o. Nen i inelugerinaferek mene re Hat hebeat welagen. Oba nen he it Hat herakhobagaluk lagaikharek mene inebe mondogat he inenggali asugun o. It he kweang welago mene yiba nen longgo imbik he afuni wa'la'luk lagaikharek oba andoma hela pugun.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

ZAKHARIA 14:8

Inenggi andi sambul i eil habup mene o Yerusalem en wulibi wesigin. Wilibi wesumo re, i andi minggilogo re Laut Mati ba kwelabi lagik, nen fena re, Laut Tengah ba kwelabi lagik, ikhi logogin. I andi re tahun hundik-hundik andoma o hibiba ogo nen meisoba ogo lagu mondok logogin.

YOHANES 13:32

Nen, an nen hilingisigin andiba Allah fogeratu halok, at onggwarek ebe fogeratarek andi hak, an nemberegat fogetninafi logouwageluk, aren weak-weak esinet nobagagin o.

YOHANES 15:26

Hit lebethisikhi logouwageluk Allah Areagun ebe wene yagaisoageluk wagarek mene andi, an neisena were'ma nen hit hinoba lakfei wagunem he, aren an nabok fakhogo yagahisikhi logogin o.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

KISAH PARA RASUL 2:33

At ebe Allah nen eluget fikhesik, era'lu kain logouwageluk menfikhemo werego. Logolik, Allah nen, Nareagun wokhisagain, iluk wene wa'nisasikhe hagat Yesus wogetemo, aren hokhorogoat nit ninoba pelakfei wagama re, nit hilingitunem hineilenggen nisigik, hinesanggo holhik, ikhi lagep andi.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 21:11

O kota andi re, Allah ebe amulit fogeratarek hagatma re, helep amulitweak onggo hokho palharek mene enu pailuri pandan elokhonggen muli weak fano inafumak yabelanget hikherek andi hangge mene higi.

WAHYU 21:6

A'nogo yaganetesik hobuk ekhe mel yaganete: ”Ero inom erembul inom anatma, An nebe re eroba nen pikhit, erembul oba netok mondok logogin mene nen, i nele agunem i inelugerinaferek mene i elesimo nen hinagaisogo we onggo legat wogisikhi logogin o.

WAHYU 21:9

A'nogo yaganetesi'mo nen ombo'ne re, Allah nen wurep kobokhogo afuni weagerinabuageluk, it malaikat inebe 7 nen Allah a'mage i hak hinago waluk kweisali wagaikha mene omanogo mene ekhe wagasik mel yaganete: ”Domba Eagen agwe ikhikhe mene andi ebe yagahesumo heilenggen yethanogen eme o,” iluk yaganete.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

WAHYU 22:6

A'nogo isigirik were'ma, at malaikat a'nogo nen hobuk yaganeti logolik: ”Yi wene ti wene hilinglagunem yethilik wagen andi re, afuni nen, Wene andi eberogoat, iluk futfogoin mene o. Wene andi re, eil misigat welagi'lek weak-weagat hilinglasigin mene o. A'nogo menere, nineisena Enupogot Allah Areagun it ap at ane yagaisagarek mene wogisikherek mene a'nogo nen, an malaikat en, at amingmingengge mene yagaisoageluk laknobagai wagama wagi o,” iluk yaganete.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

WAHYU 5:13

Andi hak, it Allah nen elalhikhe mene mondogat, pogoroba mene inom, kweangma mene inom, kweang a'ma mene inom, i laut yenggele'ma welagarek mene inom, mondogaren ikhi logolik: ”At kain welagarek obuluk oba werek andi, Domba Eak a'nogo emberegat, Irat inomame werego, iluk hai warinafik, agaugwerinafik, fogerinafik, ugu mondok logouwogo,” iluk ugunem holhi.

WAHYU 5:6

A'nogo iluk yaganetesik oba nen, ombo'ne re, it Allah nen elalinafikhemo ineluk welagaikharek mene ekhe inebe enggaminogo omanogo inom, ap inaluendek inebe 24 en omanogo inom, at kain welagarek obuluk era'lukwe werek kwelek, inanggele'ma tulem he, Domba Eak arat watukwa mene ungguloa'ma aik 7 nen wulibik, nen, eilenggen 7 nenat mene mendek welaga. Eilenggen 7 nen andi ebe re, Allah nen Areagun o yi awi ti awi lakfisikherek mene omanogo aro.