WAHYU 21:8 - Allah Wene Fano Wene Hupla Inane

⁸ A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

WAHYU 21:8 ပူးပေါင်းရင်းမြစ်များ

AMSAL 19:5

Ap wene sikhiphogo palharek oba andoma nen ineranhogo wene agarek mene andi re, oba unggum fugunem korologo wokhagain mondok lek.

AMSAL 19:9

Ap wene tiphogo pilingitarek oba omanogo nen ineranhogo wene agarek mene andi re ebe unggum woge'luk eiloak leget fogoin.

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

YESAYA 57:11

Tuhan nen ikhi logolik, ”Sa nen tugwi kembu andomaba hinailo mene hilingfugunem hiren hineranen wene ikhi logolik An noba ebetniikhi lagep lek nogo? An nane igi'lek aloksek welagi andiba hiren An fogetnafi lagep lega?

YESAYA 9:15

Afuni andoma inogogwi ferinarek welagaikharek mene nen he, it inunggulenu andi mene inendawinggen nong-hong isigik wene weak mene yagaisigik, hilingiri'lagwi.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MATIUS 10:28

Afuni nen hinareagun inom hinoasugun elo'lek. We, hinebe nek hinoasugun andi nen he, hinailorogo logogubo. Meneat he, at Allah nek he, hinareagun inom, hinebe inom, elok mondok warogo endu ai'mo lakhinobagagin werek andi nen he, at Allah oba nek hinailorogo logoino.

MATIUS 25:25

A'nogo hilingiti lagen andi nen, an nailo nen he, uang hat mene 1.000 a'nogo kweang habulogo hinakfei lagi o. Wo'netigin mene a'nogo ebe yi! Helan o,” iluk yagatikhemo,

MATIUS 8:26

A'nogo yagatukwama at Yesus nen he, ”Nenahalok hinailo aga lagep? Hinendawinggen an noba himbirik welagep lek yi ri!” iluk ane ilik-ilik menlagaikhesik he, sogoi a'nogo inom, i ha'labu a'nogo inom, ”Habolok,” iluk wenagetikhemo, abolok mondok legagaikhe.

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

ULANGAN 20:8

It sikhe fisogo mene inogogwi andi nen he wene yi'nogo ekhe inom yagaisogoin, ’Ap hit hinaggele'ma nen ik-ik hilingitu mene inom, hinailo mene inom ekhe welageba? Werek halok he at andi nen it ori fenakwe ko-ap kwelaginabigin enggere at awiba ambotkwe lagain fano,’ Iluk yaga hisogoin.

2 TESALONIKA 2:9

A'nogo leget fisagain mene oan werek kwelek he, at obabut mondok weak mene a'nogo, Iblis nen omame wogosumo afuni nen fogeratik, at oba ebetik, uageluk, yi mene ti mene hilingisu lek mene eberogoat iluk elalinat hilingiti logogin.

1 TIMOTIUS 4:2

Hilingiti logolik he, afuni inenggi senap agunem, ki mene fakfogo heat iluk agarek andi hak, it andi inendawimo min a'luk he, yi weak hilingitimo higi. Yi fano hilingitimo higi, iluk anggigi'lek hesanggeat hilingiti logogun. A'nogo hilingiti logolik, ineranen lalfalhogo hilinginafi logogun andi.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

IBRANI 12:24

Yogondak Allah nen nit ninom hunesuogeluk wene ket mene warogo wo'ninafikhesik, Yesus ebe wo'nisasikhemo hulisanem werek andi inom were'ma wagebo. Andi re, Habel oe nen watikhemo amep wene weak mene hilinglagaikhe mene andi oba wagep fuk. We, Yesus ebe watukwama amep oba legeisogo figik warogo fano wene hilinglagaikhe mene oba wagebo.

IBRANI 13:4

Ap inom, hemi inom, inobabut yanani nilik nikharek mene inom, Allah nen wene inoba fembik weagerinabigin andi nen he, aben hemi iginafarek andi, afuni mondogaren esinet fuluk, hesanggeat fakfisigi'lek hemiap waganek mene lombok inom fano nogo ikhi logogun o.

1 YOHANES 2:22

At eranen ikherek mene andi ebe sa anggegep? At andi nen, ”Yesus ebe re, Kristus lego,” iluk kobologo lakfisikherek mene andi lek nogo? Andi aro. At Kristus inom mondok weak mene ebe re, nineisena Allah amlogo Yesus emberek inebe kofolo lakfisikherek mene andi aro.

1 YOHANES 3:15

Inerugwi inagaila'lak inabit welagaikharek mene andi, it inebe lombok afuni inoare mene aro. Nen, it afuni inoare mene andi, inebe lombok nabulal-habulal eise agi'lek mondok werek, iluk ninelu o.

1 YOHANES 5:10

Afuni inendawinggen Allah amlogo oba himbiret fili'lagwi mene halok he, ”Wene andi eberogo aro,” iluk inendawimo nen futfili'lagwi. A'nogo meneat he, afuni ekhe inendawinggen Allahba himbiret figi'lek mene halok he, ”Wene Allah onggwaregen amlogo faget abok isikhe wene andi eberogoat,” iluk anggigi'lek logolik, Allah eranen ikherek mene hak hilingisogo fili'lagwio.

WAHYU 14:10

afuni nen, i inom lek, we anggur enggen amusu nek ale weak mene hinatarek andi hak, Allah a'mage hit endawithinafi'lek, wene ninghogo hinoba fagain o. A'nogo hinoba fembik, nit malaikat Allah faget welagorek mene inom, Domba Eak a'nogo inom, nineilhanem hinebe, endu inom, hendali al hangge amben weak mene enu belerang inom, ninggerek oba andoma lakhinobagaumo heinet watu mondok logogun o.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.

WAHYU 2:11

Wene yagaisigi andi Allah Areagun en, Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin halok he, it ekhe wa'la'luk hobuk mondok-mondok wa'lasugun mene andi, inom weagerinabigin lego, iluk wene mondogat yagaisigi mene andi lisu palogo inoba lakfeino o,” iluk yaganete.

WAHYU 2:2

Hiren an faget hinafe morogo hinomamerogoat hilingiti logolik, it ekhe weak hilingitunem he, inoba lombok, iluk, komorinafi'lek herakfisikhi lagep lek. Nen, it ekhe Yesus nen lakfisa wagunem hak hilingisogo we'luk ugunem, hiren he, ineranen ili'lagwi, iluk inobabut enegat palhi lagebat. Hinobabut a'nogo hilingiti lagep andi, an nelu o.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.

WAHYU 9:17

A'nogo holhiri'mo nen, hobuk wam kuda inom, afuni amboroba hurek mene inom, nabikanggoba yethigi. It andi inamik oba su sing itarek andi hak ugu were'ma isigi. A'nogo isigi andi re, it ekhe inasu elokhonggen endu amulok hangge mene ugu, nen, it ekhe, inasu pogot elokhonggen muli hangge mene ugu, nen, it ekhe inasu elokhonggen wei aborok hangge mene ugu, nen, inanggo kuda omanogo ungguloak he, mene olomene enu singa andi mene ungguloak hangge. Nen, inambelema nen he, endu inom, so'le inom, hendali al hangge amben weak mene enu belerang andi mene inom, wulibi waga laga.

WAHYU 9:21

afuni ekhe inebe anggwe werek inoatik, anggwelek inoatik, pailak fakfisigik, inenggi abisak wanhik, ikhi lagaikha mene herakfisaluk inobabut hebelagi'lek logolik he, weak hundigat mondok hilingiti lagaikha isigi o.

HAKIM–HAKIM 7:3

Arigini'mo re, hat hagoromi inoba wene yi'nogo yagaisan: Ap ekhe endawimo nen, An nailo, iluk anggikhe halok, tom Gilead oba yoma herakfuluk aiba weak-weak lagain halok fano, iluk yagaisano,” iluk isikhemo yagaisasikhe. A'nogo yagaisasikhemo, afuni inebe 22.000 nen inambotkwe wagaukwama, inebe 10.000 nek kamo isukwa.