WAHYU 21:3 - Allah Wene Fano Wene Hupla Inane

³ A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.

WAHYU 21:3 ပူးပေါင်းရင်းမြစ်များ

1RAJA-RAJA 8:27

A'nogo meneat he, o Hat faget hilingiti logogin oba endebat wuthobagagimo re, Hat hebe pogoroba hobuluk hokho selek meneat he, Hat hebe logogin elo'lek. Andi nen he, o kweangma yoma Hat elok logogin a?

2 TAWARIKH 6:18

Oba nen he, neisena Allah, Hat he afuni inanggele'ma kweangma yoma higit logou hak nogo a? Pogot abirengge mene ogore Hat logou oba obalik higitsek lek, nen o kabogetuba iluk an nen wuti mene yi re mondogat ebenagaik!

KELUARAN 25:8

An nebe nagainafuri andi inanggele'ma andoma logogin nen he, iren An nobaget O Sabu fano hore'ma ekhe wusuakhogo yagaisan.

KELUARAN 29:45

An nebe it inunggulenu Israel mene inanggele'ma logolik he it Ineisena Allah Anat logogin.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YEREMIA 31:33

An nen nagainafuri Israel mene ninom wene ket mene wasugun mene andi ebere yi: An Nawene melalek a'nogo it inendawinggenma figik, inendawimo lisu palfisigik, igin o. An nebe re it ineisena Allah asigin, nen it he An nagainafuri asugun.

YEREMIA 32:38

It he An nagainafuri mene asumo, An he it ineisena Allah asigin.

YEHEZKIEL 37:27

An he hit ninom hundik mondok logolik it inebe An nagainafuri asugun nen An he it ineisena Allah asigin.

YEHEZKIEL 43:7

”Afuni wa'lagaikharek mene yi re, An nebe nagainafuri Israel mene inanggele'ma logolik it inebe nagainafuri nenggi mondok-mondok melalinafu logogin mene a'nogo re Nebe yi o. It inom ap raja inomen ogore, inandugwi kembu wurigik, nen it inogogwi raja inebe warek kweang yiba salinafik, ikhi logolik An nenu mondok horek mene a'nogo emerogo nobagakhi logogun lego.

YEHEZKIEL 48:35

Leget pa'leget andoma mondogat uanhogo re sembilan kilometer en. Yogondak yi huli nen enggere kota andi enu ikhi logolik he, ”Tuhan ANDOMA WEREK!” iluk agarek.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

ZAKHARIA 8:8

it inebe mo ero fikhiren inom, erumbul fikhiren inom woginarek wesumo re, it inebe nekhengge o Yerusalem logogun. It he An nagainafuri asumo re An he it ineisena Allah logogin. An nen he it inoba tiphogo hilingfisigik, higithogo ferinarek welagik ikhi logogin, ikhe ino,” iluk yaganete.

BILANGAN 9:16

Hundik-hundik linggene a'nogoat sebelek wela'lugen he, o hup agunem elokhe endu hangge a'luk welagaikhe.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

YOHANES 14:23

at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.

2 KORINTUS 6:16

At Allah awi wurik andi inom, tugwi kembu awi wurik inom, inom misi'mo lambuget fogoin nogo? At Allah eluk mondok welagarek mene awi wurik he, nit ninebe yiaro. Aren he, mel isikhe: ”It inendawimo an nawi wurogo logogin o. An nen it ninom logogin. It ineisena Allah anat logogin o. Nen, an nagainafuri irat logogun o,” iluk isikhe andi nen he,

2 KORINTUS 6:18

An hit hineisenaat logogin o. Nen, hit an nagainafuri logogun, iluk nineisena Enupogot yi mene ti mene hilingisu hak enek a'nogo nen isikhemo,” iluk lisu palogo fesukwa.

1 TESALONIKA 3:11

Nit hobuk hinoba wesugun en he, nineisena Allah onggwarek inom, ninoe Enupogot Yesus inom, emberegenat kwe higithogo ya'nisoak.

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.

IBRANI 8:10

Hobuk afuni Israel mene wene ket mene warogo woginabigin iluk igi andi, ebe yiaro: An nen wene komorinafirek wene andi inendawimo eberek mondok logouwageluk wogisigik, inendawinggenma lisu palogo fisigik, iluk he, an it ineisena logogin. Nen, it an nagainafuriat logogun o.

IBRANI 8:2

A'nogo werek andi, Allah awi su mene afuni nen elama faget wutukwaba werek fuk. Lego. We, Allah onggwarek awi ebe mene wutikheba andoma logolik nit faget hilingiterego.

WAHYU 10:4

Unggunggu ane a'nogo ugunem he, an lisu paligeluk igi meneat he, pogoroba nen mel yaganeta: ”Unggunggu ane 7 nen ugunem hesanggo holhen mene andi, lisu paligin lego. We, hendawimo kamo ino,” iluk yaganetama holhirik he, kamo igi.

WAHYU 10:8

A'nogo hombuk palhesi'mo nen ombo'ne re, pogoroba nen ane yaganete mene a'nogo nen hobuk mel yaganete: ”Lisu palek yinggilik fikhalek mene a'nogo at, malaikat eisok fenakwe i laut yenggelek oba, nen fenakwe re, kweang oba fikhesik mendek werek a'nogo, enggimo fisogo werek a'li wani lan o,”

WAHYU 12:10

A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.

WAHYU 21:7

At sa nen omame asigin mene halok, wene mondogat igi mene andi at eisewerek logogin o. A'nogo eisewerek logolik, an Allah at eisena endawinggen noba himbirik mene logogin, nen at an namlogoat logogin o.

WAHYU 22:3

Nen, attak Allah nen afuni inom, yi mene ti mene inom, homan fisasikhe mene a'nogo wokhasikhemo andi nen he, hobuk o andi homan oba kotemo welaga higi. Allah inom, Domba Eak inom, emberek kain welagaikharek inobulu'mo a'nogo, o kota andoma tulem werek kwelek, it afuni Allah amingmingengge mene inendawinggen at oba eberogoat himbirik logolik, at faget hilingiti logogun isigi.

WAHYU 7:15

A'nogo hilingitasik andi nen he, Allah kain welagarek mene obuluk oba ebe were'ma eilhanem mendek logolik, at awi wuri'mo at faget linggene hubanggo hilingitu were'ma, at kain welagarek obuluk oba werek a'nogo nen, afuni nen mo aik inoasinogo iluk, o wutarek andi hak, at ebe nen it sebelogo ferinarek logogin o.