WAHYU 21:2 - Allah Wene Fano Wene Hupla Inane

² A'nogo hilingisogo fikhesik, at onggwarek awi sili o kota Yerusalem ket mene, hemi inaguni helowogeluk inalilingge li'lukhogo wanharek andi hak, at were'ma pogoroba nen pelabi wagunem higi.

WAHYU 21:2 ပူးပေါင်းရင်းမြစ်များ

MAZMUR 87:3

Hit afuni Allah aiba kota welagep mene andi hinesanggo holini o. Hit hinawene mondok fano mene ikhi logolik he, mel ili'lago:

YESAYA 1:21

Hit afuni o Yerusalem welagep mene yoma sani! Hit hinobabut attak he hinebe Allah ba katokhogo welagik, higithogo hilingitik, hilingiti lagagip oba nen, yogondak he hemi uang helouwogeluk yanani hilingirik nikharek mene hak a'luk hilingiti lagepkwe omanogo re, ap ware mene nen sebelfakhilik lagaikha andi.

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YESAYA 62:4

Hat henu re, ”Linhaluk” ikhi logogun lek, nen hanggweang he, ”Ap le'ma,” ikhi logogun legaro. Hat faget he, ”Allah nen endawiraterek mene,” ikhi logogun, Hanggweang faget enu re, ”Agun helikhe,” ikhi logogun. Andi re Tuhan hat faget endawimo agaiyek asumo re, At he hat hanggweangma andoma hagun higit hilingik logogin.

YEREMIA 31:23

Tuhan Omame Mondok Hokho mene, Allah Israel mene ineisena a'nogo nen ikhi logolik, ”An nen nagainafuri andoma attak welagaukwa hakhogo inenu legeisogo fisigi halok he, o Yehuda ba inom nen desa-desa haningisogo kwelabek mene andoma nen inom afuni nen ikhi logolik, ”Tuhan andom punu horek mene o Yerusalem oba At ebe werek oba nen mondok fano horek oba andi fanot fikhi logouwak,” ugunem holugun o.

YOHANES 3:29

Nen, ap ekhe agwe ikhikhe halok he, he andi ebe agun ap andi aro. Nen ap agwe ikhagain mene werek andi agailak ekhe era'lu mendek logolik, at ane ugunem esanggo hologo logolik endawimo nen agaiyek hikherek hak, an yogondak a'nogo nendawimo nagaiyek hokhorogo hikhi lagi o.

2 KORINTUS 11:2

Helime yenggerugwi inobabut ap inom nogo igi'lek mene, inaguni inoba lombologo fisagarek hak, an nen he, hit Kristus oba lombologo hinobagagi meneat he, hiren ap hunogo mene ekhe lombolhep halok he, Allah a'mage lagagik, an na'mage lagagik u hagaro.

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 1:4

An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.

WAHYU 1:9

An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o.

WAHYU 11:2

A'nogo henggi wenasi lagain meneat he, o silimo Allah awi wuri'mo abel endakwe nek he, Allah nen it afuni at ebe inonggot mene wogisikhemo, iren o silimo andoma inom, Allah onggwarek awi kota ari inom, ineisogen al perelhu kwelek tugi 42 nen logogun. Nen, ninenggi re 1.260 nen logogun andi nen he, haren walhagain mondok lego. It a'nogo werek kwelek, an nen ap inebe pire su pelagwi su labetarek andi hak laberek logolik, an nane fakhogo yagaisikhi logouwageluk lakfisa wesigin o,” iluk yaganete.

WAHYU 21:10

A'nogo yaganetu kwelek, Allah Areagun noba louk i wagama re, at malaikat a'nogo nen wo'narek tom hokho uan meneba lagaikhesik, Allah onggwarek awi o kota Yerusalem pogoroba Allah nen pelabi waga mene a'nogo yaganetemo yethigi.

WAHYU 21:9

A'nogo yaganetesi'mo nen ombo'ne re, Allah nen wurep kobokhogo afuni weagerinabuageluk, it malaikat inebe 7 nen Allah a'mage i hak hinago waluk kweisali wagaikha mene omanogo mene ekhe wagasik mel yaganete: ”Domba Eagen agwe ikhikhe mene andi ebe yagahesumo heilenggen yethanogen eme o,” iluk yaganete.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

WAHYU 22:19

Nen, sa nen yi wene ti wene hobuk hilinglasigin mene yaganete mene lisu palhi mene yi werek kwelegat he, wene andi mene ekhe sebelogo pelafe halok he, e enggen nunggunem inelugerinaferek mene andi enggen ekhe at noageluk werek meneat he, Allah nen he, Hat nagain lek, iluk yagatik, nen, o Allah onggwarek awi kota a'nogo at andi eisewerek asimbik wulifik-kwigik ikhi logouwageluk werek meneat he, Allah nen, Hat kwigin lek, iluk, yagatik, igin,” iluk yagahisigi andi o.

WAHYU 3:12

Nen, sa nen omame asigin mene halok, o anduli liafarek andi hak, at a'nogoat Allah onggwarek awi wuri'mo menogo fagain, neisena Allah enu inom, awi kota Yerusalem ket mene pogoroba nen pelabi wesigin mene andi enu inom, an nenu ket mene inom, an nen, at andi oba lisu palogo foumo re, at ebe o andoma nen wulibi wesigin mondok lego,