WAHYU 21:15 - Allah Wene Fano Wene Hupla Inane

¹⁵ Nen, at malaikat an wene yaganeti laga mene a'nogo nen, o kota a'nogo inom, kwe ambe palek omanogo inom, leget pa'leget waganek a'nogo inom, ilirengge emas meneba walhageluk fisogo were'ma yethigi.

WAHYU 21:15 ပူးပေါင်းရင်းမြစ်များ

YEHEZKIEL 40:3

An wo'narek andoma lagama neilenggen hugunemen he ap mene ekhe amulit no perunggu amulit yararet hikherek andi hakhogo kwe hokho mene fikhit andem mendek welaga. Mendek logolik enggimore hele ilirengge linen mene fisogo logolik e ilirenggetu mene inom senek welaga.

ZAKHARIA 2:1

Nabikanggo ekhe hobuk meneba hasigi re ap misik ekhe hele ilirengge enggim fisogo were'ma higi.

ZAKHARIA 2:2

A'nogo higirik he, an nen heinok wokhikhi logolik, ”Koma lageluk?” iluk igimo re, Aren onggo yaganeti logolik, ”O Yerusalem andi uanhogo hilingik mene inom, nen elonggo wogologo hilingik mene inom he ki huliba hilingik iluk ilirengge walesigilugo,” iluk yaganete.

WAHYU 21:12

Nen, leget pa'leget hokho uan wagane'ma re, kwe ambe 12 nen palek. Nen, kwe ambe palek ebe lombok oba re, afuni Israel mene inunggulenu 12 nenat lisu pale'ma re, it malaikat inebe 12 nenat kwe ambe bene lombok kagalek welagaikha.

WAHYU 21:16

A'nogo fisogo logolik ebe walhikhi logolik, o kota a'nogo onggut enggaminogo oba hilingi'mo aleget fena-fena uankwe inom, horokwe inom, emberek higitse'ma re, ilirengge a'nogoba walhikhi laga. A'nogo walhugunem, leget aleget fena-fena inom, anduli elugun inom, huli it inenggi wenatarek higit he, 12.000 nen, nen nit yoma wenatorek higit he, 2.400 kilometer hilinglagunem higi.

WAHYU 21:21

Nen, kwe ambe palek ebe 12 nen omanogo kwe sou ebe lombok helep onggo hokho mene enu mutiara andi mene hilingitarek. Nen, o kota andi kwe nikherek kwe mondogat he, emas mene elokhonggen muli weak fano inafumak hangge mene talek were'ma higi.

WAHYU 21:25

Nen, o kota andoma o hubagi'lek linggene mondok logogin andi nen he, leget pa'leget waganek kwe ambe palek ebe lombok, kwe sou yagati'lek hurik mondok logogin higi.