WAHYU 21:12 - Allah Wene Fano Wene Hupla Inane

¹² Nen, leget pa'leget hokho uan wagane'ma re, kwe ambe 12 nen palek. Nen, kwe ambe palek ebe lombok oba re, afuni Israel mene inunggulenu 12 nenat lisu pale'ma re, it malaikat inebe 12 nenat kwe ambe bene lombok kagalek welagaikha.

WAHYU 21:12 ပူးပေါင်းရင်းမြစ်များ

2 TAWARIKH 9:19

Kursi a'nogoba kwe pelarogo liabek mene a'nogo ambisang ebekwe ogo harekwe ogo wam singga alik hilingik engge omanogo 12 nen hilingik welagaikhe. Kursi andi hak mene re it ap raja-raja amu mene welagaukwa kwe andoma andi inom higit mene ekhe welagaikhe mondok lek.

EZRA 9:9

Nen nit hele warek inamingmingengge higit werek kwelek Haren herak ninobagaluk lagalagen lek. It ap raja Persiaba welagaukwa mene omanogo nen nit inendawit ninafakwasik, o Hat hawi meisalogo kabok lagali'lago mene yi wusuakhogo loagen yagaisoageluk hilingiten. Haren enek nit o afuni Yehuda mene were'ma inom, it afuni Yerusalem mene were'ma inom, ninalong palogo welagen.

NEHEMIA 12:27

O Yerusalem oba leget pak leget legeisogo wanhukwa mene a'nogo faget seni isasuogeluk he it ap Lewi inap inawi lombok werek kwe omanogo nen we'luk andi hilingitunem wuni Allah hai warogo wilafik, musik enu gambus inom kecapi inom kong etik, hilingisuageluk inayonggo fesugu.

MAZMUR 122:7

O leget pa'leget waganogo kwelabek mene inawi elonggoma yoma re lioksek logouwago. Kaindek inaiba fano logouwak,” iluk Allah ayonggo fikhi logouwok.

MAZMUR 51:18

Hat he, wam warogo wokhesu re habit andi nen he, an nen Hat faget wam warogo nolhesigin mene ogore, Haren habirat andi.

KELUARAN 28:21

Helep misik amu tomok he hun Yakub againafuri inebe 12 nen misik mene enu ekhe afuni inunggulenu Israel mene a'nogo eberek logouwageluk hesesengge waganogo feino.

YESAYA 54:12

Leget pa'leget omame mene re helep enu delima meneba wusigin, kwe hokho ambe palekwe nen kugukwe re helep permata ba wusigin, pa'leget haren mene andoma re helep enu mutu matikam ratna ba wusigin.

YESAYA 60:18

Nen o kweang hat haiba andi re, ap ina'mage nen hilingita iluk ugunem ekhe holhi logogun lek, wilayah hiren meneba andoma nen o meisalhigik lakfisugu mene inom, weagerogo fugu mene inom, ariginha ugunem ekhe holhi logogun legat. An nebe re, leget pa'leget hakhogo fetharek were'ma re, hiren An hineisena nen telninabi'lago o, iluk fogetnafi logogun o.

MATIUS 18:10

A'nogo yagaisasikhesik he, ekhe mel yagaisasikhe: ”Malaikat Allah pogoroba yonggo pelakfisa wagarek mene nen yenggerugwi yi hangge kwelaginarek logolik neisena eilhanem mondok welagaikharek andi nen he,” yenggerugwi andi hinendawimo nen sebelfisagubo.

LUKAS 15:10

Andi hak, afuni weak hilingitarek mene misigat ekhe obabut hebelhe halok he, it malaikat Allah nen yonggo lakfisa wagarek mene omanogo inendawimo inagaiyek hokhorogo asugun o, iluk eberogoat yagahisigi,” iluk yagaisasikhe.

LUKAS 16:22

A'nogo ninggi logolik were'ma, at Lazarus enggi lek mene a'nogo wa'lagaikhe. Wa'lagaikhemo re, it malaikat pogoroba Allah nen yonggo pelakfisa wagarek mene omanogo ekhe wagaukwasik, ebe waluk he, ap Abraham era'lu fei lagaukwa. Fei lagaukwama nen he, hobuk ap kain enggi werek mene a'nogo wa'lagaikheat. Wa'lagaikhemo re, kweangma salhukwa.

KISAH PARA RASUL 26:7

Attagat nit afuni Yahudi mene ninunggulenu lombok 12 yoma mondogat Allah nen he, yi'nogo fanothinabigin, iluk wene warisasikhe andi, ebe hilinginabuageluk, Allah oba himbirik logolik, linggene hubanggo, at fogeratu mondok welagaikharek. An ogo re, wene warisasikhe andi eberogoat hilingninabigin aro, iluk eberek welagi andi nenat, it ap Yahudi mene yi nen wene noba fili'lagwi yi, noe,” iluk at Agripa yagatikhesik,

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

WAHYU 21:13

Nen, o kota andi, mo yegelogo liabi wagarek fikhit he, kwe ambe henagan mene palek welaga. Nen, poikwe higit he, kwe ambe henagan mene palek welaga. Nen, mayikwe higit he, kwe ambe henagan mene palek welaga. Nen, mo ubuk ikherek higit he, kwe ambe henagan meneat palek welaga.

WAHYU 21:15

Nen, at malaikat an wene yaganeti laga mene a'nogo nen, o kota a'nogo inom, kwe ambe palek omanogo inom, leget pa'leget waganek a'nogo inom, ilirengge emas meneba walhageluk fisogo were'ma yethigi.

WAHYU 21:25

Nen, o kota andoma o hubagi'lek linggene mondok logogin andi nen he, leget pa'leget waganek kwe ambe palek ebe lombok, kwe sou yagati'lek hurik mondok logogin higi.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.