WAHYU 20:11 - Allah Wene Fano Wene Hupla Inane

¹¹ A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 20:11 ပူးပေါင်းရင်းမြစ်များ

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

AYUB 9:6

At Allah nen enek o lugul langet hugunem kweang abolok mondok ikherek, kweang ari a'ma tik warogo liabek were'ma legeisogo werek mene a'nogo mondok abolok ikherek.

MAZMUR 102:26

o attak he Haren kweang tik warogo fesigin, nen pogot he Hat henggi nenat talogo fesigin.

MAZMUR 47:8

At Allah re o kweangma yi awi ti awi mondogat inobaget Raja werek. Andi nen he, wuni inendawinggen wanherek awuniba fogerati logoni.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

MAZMUR 97:2

Ohena inom, o mum inomen he At ebe maserogo kwelabek werek, At ebe lego logolik melalinaferek mene andi ero re Aren wene katokhogo hilingiterek mene andi inom Awene melalek werek mene andi inom oba werek.

YESAYA 6:1

Tahun hun raja Uzia ebe wa'lagaikhe andiba re, Tuhan ebe takhta mondok fano mene uanhogo wurogo liabek meneba hurek were'ma, asu jubah su a'nogo re o Tuhan Awi a'nogo abirengge salogo were'ma neilenggen higi.

DANIEL 2:35

Aremnogoat he, posiemanggen inom, kweang tangge mene inom, tembaga inom, perak inom, emas inom, omanogo mondogat wolelenggen tagalogo hilinglaga andi. A'nogo hilinglaga andi, o hibiba afuni nen gandum enggen folhi logolik afulfulengge wulakfisugunem sogoien funhogo waluk lagarek andi hak waluk lagama re, obuluk ekhe welaga hegen mondok lek andi. A'nogo meneat he, helep, afuni inalik waganek mene ebe wolelenggen tagalogo legetfikhe mene andi nek he, mondok hokho tom hangge hilinglagasik o kweangma yi awi ti awi mondogat sebelek were'ma yethegen andi, noe.

DANIEL 7:10

Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.

MATIUS 11:22

Meneat he, an nane eberogoat yagahisak. Hobuk o wurep oba Allah nen wene hinoba figik, kotik igin andi sambul he, it afuni o Tirus Sidon andoma wene inoba fembik serogo hak inoasigin meneat he, hit enek he, mondok engginhogo hak hinoasigin o, iluk yagahisigi.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

2 PETRUS 3:7

Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.

WAHYU 12:8

A'nogo yafi logolik he, at kisu hokho a'nogo mabenet fagasik, at ebe inom, malaikat at agoromi mene inom, ”O pogoroba yoma logogun mondok lego,” iluk kweangma pelakfisa wagunem isigi. Kisu hokho andi, enu re, Iblis igik, Setan igik, agarek mene attagaren afuni mondogat lalinaferek mene a'nogo aro.

WAHYU 16:20

Nen, i kweang enggen kwe mondogat inom, tom mondogat inom, legagik,

WAHYU 19:11

Wene a'nogo yaganetesi'mo nen ombo'ne re, pogot healagunem wam enu kuda esi kut mene amboroba, ap ekhe enu re Hombunhogo igik. at ekhe re Eberogoat igik, agarek mene, hurek logolik, weim higithogo yafik, wene higithogo inoba figik, kotik, ilik nugunem yethigi o.

WAHYU 20:2

A'nogo waluk pi wagasik, at kisu hangge hokho o endam en welagaikhe mene enu Iblis igik, Satan igik, agarek mene a'nogo, ebe fakfuluk, yi afuni ti afuni lalinaferek andi hak lalinafi'lek 1.000 tahun enggi hele warek kweang a'ma ma'lima logouwageluk pelafesik, kwe kolok yagarogo kwelakfisagarek andi hak, kwe kunci yagarogo fugunem higi. Andoma logombigen, fikhalogo liakfei wesugun obaat we endebat faget fikhalek logouwageluk fikhalogo liakfei wesigin.

WAHYU 21:1

A'nogo higiri'mo nen ombo'ne re, Allah nen pogot inom kweang inom attak mene legetfigik, i laut yenggelek legetfigik, ikhesik obali'mo re pogot inom kweang inom ket mene hilingisogo fikhemo were'ma higi.

WAHYU 21:5

Nen, at Allah ebe kain welagarek mene obuluk a'nogoba logolik, mel ikhe: ”Yi mene ti mene mondogat ket mene elalogo figi yoma yethani!” iluk ikhesik, an mel yaganete: ”Wene yi faget, afuni nen he, Wene andi eberogoat, iluk futfogoin mene andi nen he, lisu palin o,” iluk yaganete.

WAHYU 4:2

A'nogo yaganetu kwelek aremnogoat, Allah Areagun noba louk i wagama neilenggen yethigi re, pogoroba at kain welagarek obuluk oba were'ma yethigi. At ebe re obulu'mo aremnogo hurek welaga.

WAHYU 6:14

pogot andi re, lisu palek yinggilik mene andi hak, yinggilogo legagik, tom unggul inom, i enggen kwe inom, welagarek kwe omanogo lombogen higilogo amumu lagunem yethigik, ugunem yethigi o.