WAHYU 2:9 - Allah Wene Fano Wene Hupla Inane

⁹ Hit ebe mene faget hinebe kain hineilmo werek meneat he, it afuni Iblis againafuri meneat he, ineranenat, nit ninebe Yahudi mene, iluk ikhi logolik, hit hinenu weak hilingisogo weak hilinghinafunem, hinebe hinelagaik weak welagep andi, an neluaro.

WAHYU 2:9 ပူးပေါင်းရင်းမြစ်များ

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

LUKAS 12:21

Andi hak he, it afuni Allah eilhanem inenggi werek isili'lago legoba nen, kweangma meneba nek inenggi werek hilingfakhili'lagwi a'nogo re, andi emberek higiraro,” iluk yagaisasikhe.

LUKAS 22:65

inane hokhorogoat li'no-pi'norogo enggali watik, ikhi lagaukwa.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

LUKAS 6:20

A'nogo hilingitunem, at Yesus nen agoromi ane wanhi lagaukwa mene omanogo eilenggen inoba fesikhesik he, mel yagaisasikhe: ”Hit hinelagaik mene halok, Allah awe a'ma hinobagagin andi nen he, hinendawimo hinagaiyek hikhi logoino o.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

KISAH PARA RASUL 26:11

A'nogo ikhi logolik he, an o afuni Yahudi mene samban agarek kwe lombok kuluk, it inendawinggen Yesus oba himbirik welagaukwa mene hebisoageluk nane ninghogo yagaisigik, yi enggin ti enggin hilinginafik, ikhi logolik, na'mage hokhorogo lagakhi logolik he, it ekhe o yatmaat esanggo-esanggo andoma mene sikmuk isikhi lagagiat,” iluk yagatikhe.

ROMA 12:12

Hiren he, ”Hobuk at Allah nen fano hilingisigin werego,” iluk, hinendawimo hinagaiyekhogo yi enggin ti enggin hikhi logolik he, hinafe morogo samban kamo igi'lek ugu mondok logoino o.

ROMA 2:17

A'nogo meneat he, hiren he, ”Nit ninebe Yahudi eberogo mene,” iluk ikhi logolik, hinendawinggen wene Allah nen komotninafikhe wene a'nogoba himbirik logolik, ”Allah andi nit nineisena o,” iluk fogerakhikhi lagep yoma ri!

ROMA 5:3

Andi faget enek ninendawimo ninagaiyek hikhi lago fuk. Yi enggin ti enggin hogorek andiba, ninendawinggen wurik agarek andi nen he, a'nogo weagetninafu kwelek, ninendawimo ninagaiyek hikhi lago aro.

ROMA 8:35

At Kristus ninebe endawi nen ninom hundik were'ma, sa nen minggilogo ninobagagin nogo? Yi enggin ti enggin hilingninafik, enggin mene ninoba figik umo, andi nen minggilogo ninobagagin nogo? Elo'lego. Afuni nen he, ”Hinebe Allah againafuri,” iluk weagetninabumo andi nen minggilogo ninobagagin nogo? Sumburu ouwak agik, ninasu yi mene ti mene ninelagaik agik umo, andi nen minggilogo ninobagagin nogo? Youk agik, ninebe ninoatik umo, andi nen minggilogo ninobagagin nogo? Elo'lego.

ROMA 9:6

Allah nen it inoba abok yagaisasikhe mene andi faget, ”Ebe legaga,” iluk igi fuk. It Israel en tagongge mene andi inebe mondogat he Allah againafuri nek asuageluk wenaginafikhe mene fuk.

2 KORINTUS 6:10

Ninendawinggen weak logoligat he, ninagaiyek hikhi logolik welago. Yi mene ti mene ninenggim lek meneat he, afuni hokhorogoat ebe mene ineilmo werek asuageluk hilingfisikhi lago. Ninagarek mondok lek meneat he, ebe mene mondogat eise agosik welago.

2 KORINTUS 8:2

It afuni ekhe nen yi enggin ti enggin hokhorogoat weagerinafu kwelegat he, it inendawimo inagaiyek hokhorogo anggili'lagwi andiba inobabut enegat aga. It inagarek mondok lek inelagaik logoligat he, it mene hokhorogoat, lebekhogo it afuni ekhe wogisili'lagwi andi.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

1 TESALONIKA 3:4

Nit attak hit ninom logolik: ”Hobuk yi enggin ti enggin hilingninafi logogun aro,” iluk, yagahisasugu a'nogo higithogo hilingninabi'lagwi andi hinelu o.

1 TIMOTIUS 6:18

It andi fanorogo hilingiti logolik, inagarek hokhorogo logou hak he, afuni ekhe fanorogo leberisikhi logolik, inagarek lek mene wogisigik, sumburisigik, ikhi logouwageluk komorinafi logoino.

WAHYU 1:9

An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o.

WAHYU 2:13

Hit he, Iblis ebe kain logolik afuni ekhe awe a'ma ferinarek welagarek oba welagep andi an nelu o. A'nogo Iblis awibaat logolik, an namlogo Antipas nen nabok aberali agi'lek, obabut humbunhogo yagaisilik nugunem, it ekhe nen ebe hinendawimo nen watunem, hiren he, nit ninendawinggen Yesus oba eberogoat himbirik welagorek andi lek, ninabit, iluk kobokhogo heraknobagagi'lek, ninom hundigat mondok welagep andi, hinobabut an nelu o.

WAHYU 2:2

Hiren an faget hinafe morogo hinomamerogoat hilingiti logolik, it ekhe weak hilingitunem he, inoba lombok, iluk, komorinafi'lek herakfisikhi lagep lek. Nen, it ekhe Yesus nen lakfisa wagunem hak hilingisogo we'luk ugunem, hiren he, ineranen ili'lagwi, iluk inobabut enegat palhi lagebat. Hinobabut a'nogo hilingiti lagep andi, an nelu o.

WAHYU 2:24

A'nogo meneat he, afuni ekhe nen, he andi Iblis awene endawimo mene yagaisikherek, iluk agarek mene andi re, hit afuni o Tiatira mene fenakwe nen, wene andi yagatik, hinelu agik, igi'lek andi nen he, hiren wene enggin mene ekhe hilingisubagaigen iluk yagahisagain lego.

WAHYU 3:9

Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.