WAHYU 2:7 - Allah Wene Fano Wene Hupla Inane

⁷ Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.

WAHYU 2:7 ပူးပေါင်းရင်းမြစ်များ

KEJADIAN 2:9

A'nogo fesikhesik he, e yi agayo ti agayo mondok fano mene enggen iti logogin mene mondogat fulelfesikhe. A'nogo fulelfesikhemo, e andoma enggen tulem he, e enggen nunggunem inebe inelugerinaferek mene fulelhik, e ekhe enggen nunggunem yi wene ti wene fano wene inelu agik, weak wene inelu agik, ikherek mene fulelhik, isikhe.

AMSAL 11:30

Ap fano hilingitarek mene re ineluk fanorogo halogo fakhaluk logogun, ap hebelek mene ombo'ne re ekhe inomat hokho aga logogun.

AMSAL 13:12

Eberek welagaikharek mene a'nogo tip ugu lek halok he, inendawimo weak agaikharek. Nen inamolo anggagarek mene andi tip ugu halok he inendawimo inagaiyek agarek.

AMSAL 15:4

Inane liokhogo agarek oba re ekhe inom inagaiyek agarek, inane inoba wusufuk lafuk agarek oba re inagaiyek lega'luk inoba lebelek agarek.

AMSAL 3:18

Ap ekhe nen hebelek mene andi enggi pukhogo fisogo logogin halok he, ebe eluk logolik agaiyekhogo mondok welagik, obabut fanorogo nek welagik hilingiti logogin.

YEHEZKIEL 28:13

Hat hebe re o Eden, Allah eabu yagoma welagagin. Hasu re, alilingge elokhe yinik hunik mene, helep permata onggo hokho mene: Helep delima inom, intan, topas inom, helep pirus helep yakut, ratna, cempaka inom, helep nilam, zamrud inom, helep alkali eil mene inom, meneba porogo wurik mene welagagin. Hangge halilingge emas mene ogo hokhorogo welaga. Hangge yi mene ti mene andoma re hat hobaget hebe walhafigi sambul andi elalhigi mene.

YEHEZKIEL 31:8

E laik o Eden Allah eabu yagoma andoma mene nen at inom higirabesu mene ekhe werek lek. Nen e laik at inom higiret ha mene ekhe werek lek, e enggi uanhogo lagarek mene andi higit ekhe werek legat, ibi-eberogo nen he Allah eabumo andi e fano mondok andi higit mene ekhe werek lek.

MATIUS 11:15

Hinesanggo holugun halok he, fanorogo holini o.

MATIUS 13:43

Nen, it afuni Allah endawimo anggikherek mene higithogo hilingitarek mene andi nek he, inebe o mo selekhogo yaterek hak, ineisena Allah awe a'ma logogun o, iluk hinesanggo holugun halok he, fanorogo holini o,” iluk yagaisasikhe.

MATIUS 13:9

Hit hinesanggo holugun halok he, furogo holini o,” iluk yagaisasikhe.

MARKUS 4:9

ekhe mel yagaisasikhe: ”Hit hinesanggo holugun halok he, fanorogo holini o,” iluk yagaisasikhe.

MARKUS 7:15

Afuni re, yi mene ti mene inambeba nen inalabutmo pelafarek mene andi nen, weagerinaferek he lego. Wene inendawimo nen kagalogo lagai wagunem agarek mene andi nek he, weagerinaferego.

MARKUS 7:16

Hinesanggo holugun halok he, fanorogo holhi logoni o,” iluk yagaisasikhesik,

LUKAS 23:43

at Yesus nen he, mel yagatikhe: ”O yogondak yibaat o fanoma Firdaus andoma nemberek kwimbik logogun o, iluk eberogoat yagaheti,” iluk yagatikhe.

LUKAS 8:8

Nen, fena re, kweang fanoma pisikhe mene re, fulelhikhesik he, hokho agaikhesik, ero lombok enggen 100 nen higik irik lagaikhe,” iluk yagaisasikhe. A'nogo yagaisasikhesik ane hokhorogoat ikhi logolik he, ”Hinesanggo holugun halok he, furogo holini o,” iluk yagaisasikhe.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

1 KORINTUS 2:10

Ninobagaikhe mene andi, at Allah Areagun en yi mene ti mene obabut palherek andi nen, Allah endawimo hinago welagarek mene andi inomat kwelakhikhi logolik, fakhogo yaganisasikhe o.

1 YOHANES 2:13

Neisenalage. At ebe o attak eroba nen welagarek mene a'nogo hinelu agagipsik welagep andi nen he, lisu palogo hinoba lakfei wagi. Nen, hit ap alage nagoromi e. Hiren at obabut weak mene a'nogo arat mabenet fisasigipsik welagep andi nen, lisu palogo hinoba lakfei wagi o.

WAHYU 13:9

Andi nen he, wene yagahisagain yi, hit hinesanggo holugun halok he, fanorogo holini o. At ekhe ebe hele warogo fogoin obaat, hele warogo fogoin o. Nen, at ekhe karok oba wasigin obaat, karok oba wasigin aro. A'nogo hilingisugun andi nen, ebe esin he, Allah againafuri mene halok, inendawinggen at oba eberogoat himbiret fuluk inafe morogo logogun andi aro.

WAHYU 14:13

Wene a'nogo ugunem holhiri'mo nen, ombo'ne re, pogoroba nen ane yi'nogo yaganetunem nesanggo holhi: ”Yogondak afuni ninoe Enupogot inom hundik logolik, at faget fano hilingitunem inoasugun mene re, inendawimo inagaiyek asugun o, iluk lisu palogo feino o,” iluk yaganetunem Allah Areagun pogoroba nen ane hokhorogo mel yaganete: ”Andi eberogoaro. It afuni andi Yesus faget set kwil-kwalhogo hilingiri'lagwi mene andi, ebe hilingiri'lagwi mene waluk logoin andi nen, set fanorogo walogoin o,” iluk yaganetunem nesanggo holhi.

WAHYU 15:2

A'nogo higiri'mo nen, ombo'ne re, i laut elokhonggen muli inafumak hangge mene endu inom nanggelek-hanggelek yenggelek mene yethigi. A'nogo higirik yethigi hak he, afuni ekhe inendawinggen mene olo mene hangge a'nogo inom, ilirengge at ebe hangge hilingitarek a'nogo inom, inoba himbiret fuluk fogerinafi'legat, nen enu inenggi wenagaisogo lisu palek mene a'nogo wanhi'legat, hilingiti lagaikhaba inomame agaikhasik, pinggong gitar hangge Allah nen wogisikhemo inenggimo waluk, i laut yenggelek andi esanggokwe mendek were'ma yerisigi o.

WAHYU 2:11

Wene yagaisigi andi Allah Areagun en, Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin halok he, it ekhe wa'la'luk hobuk mondok-mondok wa'lasugun mene andi, inom weagerinabigin lego, iluk wene mondogat yagaisigi mene andi lisu palogo inoba lakfeino o,” iluk yaganete.

WAHYU 2:17

Wene yagaisigi andi, Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. Sa nen omame asigin mene halok, sumburu enu manna hinago mene melagatik, enu ket mene salogo helep mola meneba lisu palogo wogetik, igin o. Enu palek andi re, it ekhe inonggot. We, at enu lisu palek helagain mene andi nek elu asigin mene wogosigin, iluk mondogat yagaisigi mene andi, lisu palogo inoba lakfeino o,” iluk yaganete.

WAHYU 21:7

At sa nen omame asigin mene halok, wene mondogat igi mene andi at eisewerek logogin o. A'nogo eisewerek logolik, an Allah at eisena endawinggen noba himbirik mene logogin, nen at an namlogoat logogin o.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

WAHYU 22:2

o kota andi, kwe ebekwe esanggo fena-fena lagaikharek oba were'ma, i a'nogo tulem lagare'ma higi. A'nogo lagu kwelek, i aik eliba, yiba, e awi yago were'ma higi. E andi enggen nunggunem inelugerinaferek mene a'nogo, tugi misigat oba enggen ekhe itik, tugi ekheba enggen ekhe itik, mo lagagik, pigik, ugu kwelek tahun misigat oba enggen huli 12 nen iterek mene welaga. Nen, enggaba re, yi afuni ti afuni inunggulenu lombok fanorinaferek mene higi.