WAHYU 2:21 - Allah Wene Fano Wene Hupla Inane

²¹ At he andi, pailak fakfouwageluk hilingiri'logo mene andi herakfisaluk obabut hebelasuageluk nenangorogo welagi mene re, at hilingiri'logo mene andi, herakfisaluk obabut hebelasu re, abiro.

WAHYU 2:21 ပူးပေါင်းရင်းမြစ်များ

ROMA 9:22

Andi hak, at Allah endawimo anggikhi logolik he: ”Afuni an nen elalinafigi meneat he, it ekhe na'mage liabi'lagwi andi nen, weagerinabigeluk, na'mage lagaikhe mene andi, iren nobabut palhik, nomame werek mene andi inelu agik, uago,” iluk afe morogo welagarek.

1 PETRUS 3:20

Inareagun andi inebe re, attagat at Nuh nen kapal wutu kwelek, Allah obabut fano nen kwelaginarek werek kwelegat he, wene wanhi'lek herakfisaluk weak hilingitu mondok were'ma i fu nen inoatikhemo wa'lagaukwa mene andi. A'nogo inoatu kwelegat he, it ekhe e so elema kuluk welagaukwa mene, inebe 8 en endebat i fu andiba telinafikhe andi.

2 PETRUS 3:15

A'nogo hilingiti logolik, hinendawimo nen he: ”Ninoe Enupogot endawimo nen menenei uan ebeterek andi nen, weak-weak wagi'lek oan werek andi re, telninabigeluk eranenat oan nenangotninarek werek,” iluk hinendawimo anggano. At ninoe Paulus ebe ninendawi mene a'nogo Allah nen endawimo kagalhikhemo wene a'nogo iluk lisu palogo hinoba lakfei wagaikhe andi.

2 PETRUS 3:9

It afuni ekhe nen he, ”Ninoe Enupogoren wene watnisasikhe wene a'nogo, ebe wagi'lek aninurogo werek,” iluk anggili'lagwi andi re, aninurogo werek fuk. Hit hinebe endawi nen, At endawimo nen he, ”It ekhe nong asinogo,” iluk afuni mondogat inobabut weak hilingiri'lagwi mene herakfisaluk inobabut hebelasuageluk, eranenat endawimo anggaluk aninurogo werek andi.

WAHYU 16:11

inobabut inetogat logolik weak hilingiti lagaikha mene herakfisaluk, inobabut hebelagi'lek logolik, iren he, ”Allah ebe ninggin la'lebe,” iluk Allah pogoroba mene enu weageratoat welagaikha isigi.

WAHYU 16:9

A'nogo aigen endu hangge inoba hokhorogo nunggunem heinet wati logolik, Allah a'mage inoba fuluk weagerinabigin higithogoat weagerinafi laga meneat he, at ebe fogerasuogeluk weak hilingiti lagaikha mene herakfisaluk, inobabut hebelagi'lek logolik, iren he, ”Allah ebe ninggin la'lebe,” iluk, enu weageratoat welagaikha isigi.