WAHYU 2:14 - Allah Wene Fano Wene Hupla Inane

¹⁴ A'nogo meneat he, wene endebat ekhe an nabit mene hilingiti lagep mene andi yagahisago. Fageat afuni Israel mene inebe weak asuageluk, wam tugwi anggo warek mene kurik ninggik, pailak fakfisigik, uageluk, ap Bileam en Balak yagatikhemo, aren inendawimo kagalhi lagaikhe mene andi, hit ekhe at awene andi fisogo welagep higi.

WAHYU 2:14 ပူးပေါင်းရင်းမြစ်များ

YESAYA 57:14

Ane ekhe ikhi logolik, ”An nagainafuri inobaget ebekwe pugunhogo yakfeni o, kwe palengge werek mene andoma mondogat waganogo lakfisani,” iluk ikherek.

YEREMIA 6:21

Andi nen he, An nen hilingik obare it ekhe ineisok temukhogo hulambesugun. A'nogo warikhi logolik it ap inaluendek mene inom, inagainafuri inom, inagaila'lak inom hundik mene inebe mondogat alomat lakhogoin o,” iluk ikhe.

YEHEZKIEL 3:20

Ap ekhe fano hilingiti logombigen hebekhogo weak hilingitu mene eroratunem, haren oan komot higi'le'ma An nen wene enggin mene oba foumo at ebe wa'lasigin. Nen at ebere onggwarek aweak ambisangma nen wa'lasigin, nen aren fano hilingiti logogin mene andoma An nen ebethagain lek. Oba nen he at ebe wa'lasigin mene andi faget enek he hat hoba hikhibet heagain.

YEHEZKIEL 44:12

Oba nen he, iren afuni Israel mene inobaget mondogat tugwi kembu fogeratu mene hilingiti lagaukwaba, afuni Israel mene yebet fakhagama re, weak meneba ke'nokhogo weak mene elema lisogo woginarek kwikhe andi, arigini'mo re An Tuhan Lego Mondok welagirek mene nen nane hombuk palhi logolik, it andi mondogat unggum wogisagain o, iluk igi andi.

BILANGAN 24:14

At Bileam en at Balak a'nogo yagatikhesik ekhe mel yagatikhe: ”An yogondak afuni an nunggulenu mene inoba nambotkwe lagain. A'nogo oan lagi'lek logolik, afuni inunggulenu Israel mene nen afuni inunggulenu hat mene hobuk hilinginabugun mene faget yagahesik,” iluk yagatikhesik,

BILANGAN 31:16

It hemi andoma nen he at Bileam ane komo wene isikhe mene holfuluk hilingitukwa andi nen o Peor omanogo afuni Israel mene Tuhan herakfisoageluk inendawimo kagalhukwa lek nogo? Andi hilingitukwaba re Tuhan nen afuni Israel mene inoba enggin-fenggin lakfei wagaikhe anggigi!

BILANGAN 31:8

Andi re it raja Midian mene inebe fuaben mene inenu re Ewi, Rekem, Zur, Hur, Reba inom aremnogo inom inoatukwa. Bileam hun Beor amlogo a'nogo ogo re watukwaat.

MATIUS 18:7

It afuni kweangma mene yoma, it ekhe nen an obokhogo heraknobagauwageluk inendawimo kagalumo mondok weak asugun andi nen, nendawilage. An obokhogo heraknobagauwageluk inendawimo kagalhi logogun meneat he, it inendawimo kagalugun mene andi, Allah nen mondok weagerinabigin werego.

KISAH PARA RASUL 15:29

Tugwi kembu harenggen oba himbirik logolik anggo waretarek mene andi kurik nogoin lek. Mep nogoin legat. Yi mene ti mene alonggop perelogo warek mene andi nogoin legat. Pailak fakfisogoin legaro, iluk wene palho. A'nogo hilingiti'legat kamo egep halok he, hit fano hilingiti lagep iluk ugun andi. Wene andiba arat yagahisogo. Nerugwi nagaila'lak,” iluk lisu palogo lakfisa wagaukwa.

KISAH PARA RASUL 21:25

Mene re, it afuni endakwe mene inendawinggen Yesus oba himbiret fagasik werek andi faget, wene attagat palhugusik lisu palogo lakfesugu anggigi. Lisu a'nogo palogo lakfikhi logolik he, tugwi kembu oba himbirik logolik anggo waretarek mene andi kurik nogoin lek. Mep nogoin legat. Yi mene ti mene alonggop perelogo warek mene andi nogoin legat. Pailak fakfisogoin legat, iluk wene palhugusik lisu palogo lakfesugu anggigi,” iluk yagatukwa.

ROMA 11:9

Wene andi higit, at Daud en mel isikhe: ”Afuni nen sue inom, paik inom, hele fugunem ke'nok ikherek hak, it andi seni hokho isari'lagwi andiba inonggwarek inebe ke'nok uago. Inebe nong akhigik, tunghogo hela pigik, uago.

ROMA 14:13

Andi nen he, nit-nit ekhe nen, ekhe wene oba figik, ekhe nen, ekhe wene oba figik, ikhi logogun lego. Niren he, ninerugwi ninagaila'lak ninom ninendawinggen Allah oba eberogoat himbiret fikhi lago mene, weagerinafik, inendawimo kwanit fisigik, inogo iluk hinobabut fanorogo hilingiti logoino o.

ROMA 14:21

Haren he, wam kurik ninggik, enggen amusu ninggik, yi mene ti mene hilingitik, ugunem he, herei hagailak ekhe weak asigin andi nen he, ninggi'lek herakfisikhi logoumo fano.

ROMA 9:32

Nenahalok halogen a'nogo elo'lek agaikhe nogo? Andi re, inendawingen Yesus oba eberogoat himbiret figi'lek, we, inonggwarek inendawimo anggaluk hilingiti lagaukwa andi nen aro. Afuni ebekhalem laga logolik helep oba ineisok a'lip silukhogo waragarek andi hak, nong akhasukwa andi.

1 KORINTUS 1:23

nit enek he, Kristus eba menfuluk watukwa wene a'nogoat yagaisikhi lago. Yagaisugunem he, it afuni Yahudi mene nen, ”Wene andi weak,” iluk obokhogo herakfisigik, nen, it afuni endakwe mene nen he: ”Wene andi, afuni kembu mene nen agarek hangge ili'lagwi,” iluk hebisigik, ili'lagwi o.

1 KORINTUS 7:2

Meneat he, pailak hilingiti logoinogo iluk he, ap inagagwi lombok waganek welagik, hemi inaguni lombok waganek welagik, ugun o.

IBRANI 13:4

Ap inom, hemi inom, inobabut yanani nilik nikharek mene inom, Allah nen wene inoba fembik weagerinabigin andi nen he, aben hemi iginafarek andi, afuni mondogaren esinet fuluk, hesanggeat fakfisigi'lek hemiap waganek mene lombok inom fano nogo ikhi logogun o.

YOSUA 24:9

A'nogo legetfisasigimo, ap kain Zipor amlogo afuni Moab mene inoe enupogot enu Balak en hit hinoasigiluk isikheat. A'nogo isikhesik, agoromi inayonggo fesikhesik he, ap Beor amlogo Bileam en hit homan hinobagauwagaluk ayonggo lakfisasikhe andi.

1 PETRUS 2:8

Nen, ekhe mel isikhe: ”Afuni helep andiba ineisok a'lip silukhogo waraluk, talorogo laga logoguno,” iluk isikhe. A'nogo talorogo laga logogun andi re, iren fano wene andi, ”Eberogoat,” iluk futfogoin lek andi nen, Allah nen anggasikhe hagat, warili'lagwi andi.

2 PETRUS 2:15

It andi re, kwe higithogo lagaikharekwe andi herakfisaluk he, attagat at Bileam Beor amlogo kwe kwanirogo lagaikhe andi kwe laga logogun andi. At Bileam endawimo nen he, ”An weak hilingitunem onggo wo'nesuak,” iluk endawimo amolo anggasikhemo,

YUDAS 1:11

It andi Allah nen weagerinabigin o! Attagat Kain hilingitikhe andi hak ombo'ne lili'lagwi andi. At Bileam weak hilingitikhe andi hak, inonggwaregen uang saburogo heluogeluk, a'nogoat hilingiri'lagwi. At Kora nen Allah faget, ”Anat hilingiti logogin,” iluk it ekhe sebelfisageluk hilingitikhe andi hak hilingiri'lagwi andiba, inebe nong akhili'lagwi andi.

WAHYU 2:20

A'nogo meneat he, at he Izebel a'nogo nen eranenat, An nebe Allah ane yagaisigirek mene aro, iluk afuni an namingmingengge mene inebe hokhorogoat pailak fakfisikhi logouwageluk yagaisigik, wam tugwi anggo warek mene kurik ninggi logouwageluk yagaisigik, ugu kwelek, hiren he, wenageti'lek, At oba lombok, iluk, herakfikhi lagep andi nek he, It weak hilingiri'lagwi, iluk hinobabut palhi lagi o.

WAHYU 2:4

A'nogo meneat he, omanggum hinendawinggen an noba hundik welagagip andi hak, yogondak a'nogo welagep lek andi nek he, weak hilingiri'lagwi, iluk hinobabut palhi lagi o.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.