WAHYU 19:6 - Allah Wene Fano Wene Hupla Inane6 A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o. အခန်းကိုကြည့်ပါ။ |
WAHYU 19:6
25 ပူးပေါင်းရင်းမြစ်များ
Ap yonggo lakfisugu mene wagunem ineilenggen eberogo nenat hambik he inagaiyek asugun, at wesigin he tom unggulkwe andoma yaning-haning wesigin. Aren he wene fano lioksek awene waluk wesigin, wene o Sion agap teligin mene faget waluk wesimbik yi'nogo igin, ”Hit hineisena Allah andi re Raja werego!” iluk yagaisagain.
It ambi tarogo lagunem inogolabi abolok he, i hut ane tulungum eterek hak, nen, ap tentara esa hokho logalek mene lagunem ineisok abolok folongum-folongum ikherek hak igik, nen Allah Omame Mondok Hokho mene a'nogo ane ugunem hak igik, ugunem nesanggo holhi. Nen, it inebe tarogo lagi'lek alokhogo were'ma re, inogolabi yinggilogo welagaikha isigi.
andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.
Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.
A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.
A'nogo ugu kwelek, it ap inaluendek inebe 24 en omanogo inom, it Allah nen elalinafikhemo ineluk welagaikharek mene inebe enggaminogo nen omanogo inom, inomen at Allah ebe kain welagarek obuluk oba were'ma awe a'ma kuluk, ineindep awi yagaisogo fogerati logolik mel ikhi lagaikha: ”Ebe asuak,” u hak, ”Amin,” igik, ”Fogethafi lago,” u hak, ”Haleluya,” igik, ikhi lagaikha.
A'nogo higirik oba nen, hobuk silo fagarek andi hak, suesingga uan mene amusu ebe 7 ba te'merogo fesukwa mene a'nogo, Domba Eak a'nogo nen, ekhe omanggum fikhalhunem he, it Allah nen elalinafikhemo ineluk welagaikharek mene inebe enggaminogo mene ekhe nen omanogo mene ekhe nen he, ”Eme o,” iluk ane unggunggu ane hangge ugunem nesanggo holhi.
A'nogo hilingitesik, hobuk he, at malaikat a'nogo nen endu yi mene ti mene Allah faget noletarek a'nogo mene wanhesik, lemesak a'nogo elonggoma kwalogo re, kweangma woukhogo pelakfisa waga laga. A'nogo pelakfisa wagunem he, eilabut hobugalep yararethikhi logolik, unggunggu ane hokho mene pak ilugen ane lulu lagik, lugul hokho lang-fanget higik, ugunem higi o.
ကြော်ငြာတွေ