WAHYU 19:4 - Allah Wene Fano Wene Hupla Inane

⁴ A'nogo ugu kwelek, it ap inaluendek inebe 24 en omanogo inom, it Allah nen elalinafikhemo ineluk welagaikharek mene inebe enggaminogo nen omanogo inom, inomen at Allah ebe kain welagarek obuluk oba were'ma awe a'ma kuluk, ineindep awi yagaisogo fogerati logolik mel ikhi lagaikha: ”Ebe asuak,” u hak, ”Amin,” igik, ”Fogethafi lago,” u hak, ”Haleluya,” igik, ikhi lagaikha.

WAHYU 19:4 ပူးပေါင်းရင်းမြစ်များ

1 TAWARIKH 16:36

Allah afuni Israel mene ineisena andi nek fogerati logoni, Yogondak inom hobuk inom mondok-mondok Arenek fogerati logoni o. A'nogo yagaisasikhemo it afuni Israel mene mondogaren he ”Amin”, iluk Tuhan fogeratukwa.

NEHEMIA 5:13

A'nogo yagaisasigisik an nen su mene nobakheba puksek welagagi mene a'nogo nonggologo wanhigisik yi'nogo isigi, ”Ap ekhe nen aneba wene wate mene tiphogo hilingitu lek mene andi re at Allah nen leget fagain. Nen leget fisambik he ap andi angge inom, awi inom, Allah nen mondogat wanumo re at ebe enggi lek mondok logogin!” iluk yagaisasigi. A'nogo yagaisasigimo re afuni wene kabogetunem kaboksek welagaukwa mene a'nogo nen he, ”Eberogo,” iluk u hak he, ”Amin” isukwasik TUHAN fogerati lagaukwa. Andiba re it afuni melalinafu mene a'nogo nen he wene watukwa higithogo re tiphogo nek hilingirik wagaukwa andi.

NEHEMIA 8:6

A'nogo menlagaukwama, Ezra nen he, mel isikhe: ”Nineisena TUHAN, Allah hebe hokho mene fogethafi lago, neisena,” iluk yagatikhemo, it afuni omanogo inebe mondogat inenggi uanhogo liakfesukwasik mel isukwa: ”Ebe asuak, u hak, amin, amin,” ugu welagaukwasik, ineindep awi yagaisogo Allah fogeratukwa.

MAZMUR 104:35

Afuni weak hilingitarek mene o kweangma yi awi ti awi welagaikharek mene andoma re, inebe mondogat lek akhoak. Afuni inobaharo weak mene andoma re, inebe mondogat lek akhoak. Neisena Tuhan an nendawimo nen he, fogethafi logogin o, iluk Haleluya, igi andi, iluk wuni watikhe.

MAZMUR 106:48

Yogondak huli nen hobuk mondok-mondok andoma huli re it afuni Israel mene ineisena Allah andi nek fogerati logouwak, nen it afuni mondogaren he, ”Amin!” ikhi logouwak.

MAZMUR 41:13

An nendawinggen sebel fakhaluk welagi andiba re Haren an lebetniikhi lagen, nen an nebe Hat ninom mondok-mondok logouwageluk hilingnobagakhi lagen.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 89:52

Tuhan neisena. Haselei mene nen ap raja Haren wenaten mene a'nogo inane asegen wokhili'lagwi o. Nen, at ebe yikwe tikwe lagunem he iren li'noratu mondok werego,” iluk Allah ayonggo fesikhe.

YEREMIA 28:6

”Fano egen o! Haren yi'nogo ti'nogo asigin iluk egen mene andi ebe eberogo tiphogo nek asigin logouwak, nen Tuhan nen eberogo yi mene ti mene o Tuhan aiba a'nogo mene inom, nen afuni inebe inom seberogo huginabi lagaukwa mene omanogo inom, nekhengge woginarek fisa wesigin logouwak.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

1 KORINTUS 14:16

Andi hagat he, hat ekhe nen Allah Areagun nen yagahetu kwelek inane honggot mene elalinat ikhi logolik, ”Allah neisena,” iluk hai wasigin halok he, at ekhe onggot mene nen futfigi'lek logolik, ”Wene ikhe andi ebe asuak,” iluk u hak, ”Amin,” iluk ugun nogo? Wene hat igin andi re, at onggoren, a'nogo ugun elo'lek andi o.

WAHYU 15:7

A'nogo wulibi wagaikhama re, it Allah nen elalinafikhemo ineluk welagaikharek mene inebe enggaminogo omanogo ekhe iwak ebe 7 nen emas oba hilingik meneba Allah eluk mondok welagarek mene a'mage i hak hinago a'nogo, Allah nen it malaikat inebe 7 mene omanogo wogisikhi laga yethigi.

WAHYU 19:1

A'nogo ugunem holhiri'mo nen, ombo'ne re, afuni hokhorogo pogoroba logolik inane hokhorogo mel ugunem holhi: ”Nineisena Allah homame hokho, Ninebe telninafendek, Harat fogethabugun, Fogethafi lago u hak, Haleluya ikhi lago.

WAHYU 19:3

”A'nogo watasigen, hobuk ekhe wati logolik he: Allah nineisena, Fogethafi lago, u hak, Haleluya ikhi lago, Afuni Babel mene inesi hule, Palagi'lek lagagu mondok werek,” iluk ikhi lagaikha.

WAHYU 19:6

A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o.

WAHYU 5:14

It a'nogo ugunem he, it Allah nen elalinafikhemo ineluk welagaikharek mene ekhe inebe enggaminogo mene omanogo nen mel ikhi lagaikha: ”Ebe asuak,” u hak, ”Amin,” ikhi lagaikha. Nen, it inaluendek inebe 24 omanogo nen ogo re, at awe a'ma kwagasik ineindep awi yagaisogo fogeratunem isigi aro.