WAHYU 19:1 - Allah Wene Fano Wene Hupla Inane

¹ A'nogo ugunem holhiri'mo nen, ombo'ne re, afuni hokhorogo pogoroba logolik inane hokhorogo mel ugunem holhi: ”Nineisena Allah homame hokho, Ninebe telninafendek, Harat fogethabugun, Fogethafi lago u hak, Haleluya ikhi lago.

WAHYU 19:1 ပူးပေါင်းရင်းမြစ်များ

1 TAWARIKH 29:11

Hat he mondok hokho mene logolik halong welagen. Hat he hombak-pak logolik halong welagik, haren hilingiti lagen mene re ambisangma mondok tiphogo nek agik, Hebe mondok lego welagik, hilingik welagen. Yi mene ti mene pogoroba inom, kweangma inom andoma Hat honggwarek hangge nek. Hat he (Raja) mondok lego mene welagenma re, yi mene ti mene mondogat Hat homame a'ma nek werek.

MAZMUR 104:35

Afuni weak hilingitarek mene o kweangma yi awi ti awi welagaikharek mene andoma re, inebe mondogat lek akhoak. Afuni inobaharo weak mene andoma re, inebe mondogat lek akhoak. Neisena Tuhan an nendawimo nen he, fogethafi logogin o, iluk Haleluya, igi andi, iluk wuni watikhe.

MAZMUR 106:1

At Tuhan andi re ebe fano mene logolik, Aren endawi hundik ninaferek mene a'nogo re etok mondok logoginmo re, At oba hai watu mondok logoni o.

MAZMUR 111:1

At againafuri inebe andogore'ma inanggele'ma omanogo nen, an nendawinggen oba nenat neisena Tuhan hai wati lagi.

MAZMUR 115:18

A'nogo meneat he nit nineluk welago mene yi nen, hundik-handik nineisena Tuhan fogerati logouwogo, iluk Haleluya, igi andi.

MAZMUR 146:1

Tuhan enek fogerasuok! An nendawimo nen Tuhan enek fogerasigin!

MAZMUR 148:1

Hit pogot elonggoma welagep mene andoma monogaren he Tuhan fogera'ni! Nen hit hinebe legoma welagep mene andoma nen he Tuhan fogera'ni!

MAZMUR 149:1

Wuniba Tuhan fogerasuok! At Tuhan faget wuni ket mene wa'ni! Afuni At againafuri andogore'ma andoma nen At fogera'ni!

MAZMUR 150:1

Tuhan fogerasuok! At awi wuri'mo were'ma fogerati logouwok! Aren pogot walingisogo fesikhemo omamerogo welagarek andi nen fogerati logouwok!

MAZMUR 3:8

Tuhan neisena o, it ap an naselei mene andoma re Haren yei tamugethigik inoa'luk he wene inoba fuluk an nebe nek he nagap telnabime o.

MAZMUR 62:11

Hit hinenggi omameba afuni sebelinarek logolik inangge helikhi lagep mene andomaba hinendawinggen eberek lagou fuk, nen afuni inangge telikhi lagep mene andomaba hinendawinggen tibet fuluk logou fugat. Nen, hit hinangge yi mene ti mene hinenggi werek agunem oba nen ogore, hit hinendawinggen andiba tibet fuluk logou fugaro.

YEREMIA 51:48

Unggulenu utara fikhiren wesimbik Babel wolelenggenhogo fugunem andi re. Pogoroba inom kweangma inom werek mene omanogo nen he, Babel a'nogo ap selei mene enggimo aga o, iluk inagaiyegen a'mit suphogo hilingiti logogun.

YUNUS 2:9

A'nogo meneat he, an enek he, Hat faget wuniba fogethafik, hanggo ekhe warogo nolhetik, igin o. An nen, yi'nogo hilingisigin, iluk wene watheti mene andoma re, mondogat hilingisigin. Hat Tuhan he telinafendek mene o, neisena,” iluk ayonggo fesikhe.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.

WAHYU 12:10

A'nogo mabenet fisaluk, pelakfisa wagama, pogoroba nen inane hokhorogo mel ugunem holhi: ”At andi nen Allah eilhanem eranenat it ninerugwi ninagaila'lak linggene hubanggo wene inoba fugu mondok welagarek mene a'nogo arat mabenet fisaluk ebe wulakfisaga andi fano o. Nineisena Allah Enupogot ebe kain logolik, telninabuageluk Kristus menfesikhe a'nogo, yi mene ti mene mondogat eisewerek logolik, emberek inomame agaikhasik telninafasik, inawe a'ma arat ninobagaga yi o.

WAHYU 19:6

A'nogo ugunem nesanggo holhiri'mo nen ombo'ne re, afuni hokhorogo andogorek logolik, inane re, i hut hokho mene ane ikherek hangge inom, unggunggu ane hokho pak ilugen ane lulu lagarek hangge inom, mel ikhi lagaikha: ”Nineisena Allah fogethafi lago, u hak, Haleluya, ikhi lago. Hat homame mondok hokhoma, yi mene ti mene hilingitendek enek a'nogo nen, yogondak arat hawe a'ma ninobagegendik fetninarek welagen o.