WAHYU 18:7 - Allah Wene Fano Wene Hupla Inane

⁷ At he andi onggwaregen ikhi logolik: An nebe kain logolik, afuni nawe a'ma fisaluk ferinarek logolik he, sogwe nobagagama nen nendawimo weak a'luk le aga logogin nogo? Lego, iluk yi mene ti mene oba peterogo logolik onggwaregen hokhorogo fogerakhugu mondok werek andi hagat, heinet hokhorogo wati logolik, endawimo weak a'luk le aga logouwageluk unggum wogo'no o.

WAHYU 18:7 ပူးပေါင်းရင်းမြစ်များ

ESTER 6:10

Andi isikhemo raja nen Haman oba ikhi logolik he, ”Su andi inom, kuda andi inom weak-weak wani laluk he, hun Mordekhai ap Yahudi agun andiba alonghogo legeisogo fugu mene andi hilingfeino. Andi re misik ekhe pelak figi'lek, haren egen mene aremnogo higithogo nek hilingi'no. Nen at ebere o raja awi silimo kwe kwi weri'lagwi meneba ebekhalem en elokhoma hurek were'ma hagain logou hak,” iluk yagatikhe.

MAZMUR 10:6

It inendawimo nen anggikhi logolik he, ”An nen hilingisigin mene andoma re ambisangma ekhe weagasigin lek, nen hobuk logogun huli andoma ogore ap weak hilingiti'lek welagaikharek hakhogo logogun,” iluk anggagarek.

MAZMUR 45:9

Hat hasu ugu mene re amusu mur inom, gaharu inom, cendana inom, amben mondok fano mene sangeri'lago. Nen hat hawi istana gading andimuk oba nek wuri'mo, hat hebere it pinggong watu inaben watunem hagaiyegeti lagen.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

RATAPAN 1:1

O attak kota Yerusalem oba anggiluk welagaikhe aiba a'nogo re yogondak mondogat areng tiring-tereng ikhe yi, attak he yi afuni ti afuni inunggulenu lombok inanggele'ma nen at enu nek poksek welaga awi a'nogo yogondak he hemi sogwe higit aga. O kota andi attak he enu lego ratu higit welagaba nen, yogondak he enu sebelek inamingmingengge higit hilinglaga.

OBAJA 1:3

Hat he hendawimo wonoget fakhikhi lagen andiba re honggwarek lalfakhikhi lagen. Nen hat hawi ibu kota re helep unggul omame meneba wurik welagi, nen hawi hebe welagen oba re tom unggul uan meneba wurik welagi, iluk anggikhi lagen andiba re hat hendawimo nen he, ”Ap sa hagen an pelaknobagau hak nogo? Iluk foget fakhikhi lagen.

ZEFANYA 2:15

A'nogo o kota mondok inagaiyekhogo logolik fani-fanorogo logogun anggagarek mene andoma inoba a'nogo hilinglasigin. Afuni andoma logogun mene nen anggikhi logolik he, it inawi kota andi re kota amukwe o kweangma yoma werek mene nen he kota andi nek hokho mene werek anggagarek awi a'nogo. Oba nen he o andoma afuni le'ma we yi mene ti mene enggama mene nek he andoma inawi wurogo logogun! Afuni o kota andi kwe laga logogun mene nen he ineilenggen haluk youk laluk he inamel-mel eti logogun.

1 TIMOTIUS 5:11

It hemi sogwe tugum oan mene andi, Kristus inom hundik werek meneat he, herakfisaluk, agasabu nen inendawinggen sebelu lek hak agunem, ap ekhe wanigin andi nen he palu fugo.

WAHYU 18:9

At he andi ebe a'nogo endu ninggi logolik, esi hule lagagunem, it ap kaindek inenupogot kweangma welagaikharek mene, at he andi oba aigage lagagunem, sebelfigi'lek pailak fakfouwageluk hilingitunem, fakfikhi lagaukwa mene omanogo nen ineilenggen yethaluk obaget li le aga lagaikha.