WAHYU 18:6 - Allah Wene Fano Wene Hupla Inane

⁶ Nen, hit he andiba wene fogoin mene nen, aren it hilinginafi laga hagat, wene ebe oba fikhi logolik, ekhe inom oba loukhogo feino o. Nen, aren i melagisikherek andi hagat, anini inoba fikhi laga mene andi, onggo wene oba fikhi logolik, ekhe inom oba loukhogo feino o.

WAHYU 18:6 ပူးပေါင်းရင်းမြစ်များ

MAZMUR 137:8

Hit afuni o Babel mene re, yi enggin ti enggin hilingninafi lagagip onggo, nit ninunggulmo ninobagagun mene nen, inendawimo inagaiyek asuago.

MAZMUR 28:4

It inobabut a'nogo hilingiri'lagwi andiba unggum wogisan o, Nen it inaweak hilingiri'lagwi andiba re enggin mene inoba fein, It inobabut hilingiri'lagwi mene andoma higithogo nek unggum inoba fisano. Nen inaweak hilingiri'lagwi mene andoma higithogoat unggum wogisano.

YESAYA 40:2

Ap Yerusalem mene re inendawinggen hambukhogo logouwago, sebelhinarek mene a'nogo arat wurep kobok ikhe o. Kwanirek mene iren hilingiri'lagwi mene omanogo re An nen mondogat leget figi o, iluk ikhe yagaisano. Nen it weak inoba fili'lagwi mene andoma inoba re An nen unggum altap pireba wogisigi o” iluk ikhe.

YESAYA 61:7

It afuni ekhe nen hinenggi pireba hobugalep hinenggali watik, hinenu weak hilingisogo hinobagagik, inendawimo seramet hinobagagik, isukwama nong agagip mene andi obali'mo re, hinaiba yi mene ti mene eise asugun mene andi, hinenggi altap pireba eise aga logolik, hinendawimo hinagaiyegetu mondok logogun o.

YEREMIA 16:18

It inaweak inom kwanirogo hilingiri'lagwi mene inom andoma nen he An nanggweang a'nogo kembu areagun legenggeba nen emetfagama re An nen altap pireba unggum inoba fagain o,” ikhe.

YEREMIA 17:18

It ap an mu'niugu mene inom, an sebel nobagagu mene inom, andoma Haren inenggali watfisaluk it inoba inailo mene kwelakfisagain logouwak. Oba nen he Tuhan neisena, Haren an noba a'nogo ekhe hilingnobagau fuk. Haren enggin mene andi it inoba fisa wesumo re it inebe mondogat legasugun logouwak.

YEREMIA 50:15

Kota andi haningisogo andoma nen he weim abolok enek firip farap uak. Yogondak he at Babel en yi'nogo ti'nogo ekhe hilingisu elo'lek aga, at oba leget fak waganek mene re langgukhogo kwikhi logolik mondogat wolelenggenhogo taik ikhe. An nen he at Babel en hilingite mene omanogo ambisangma hilingfikhi lagi. Andiba re iren afuni amu mene inoba hilingfisikhi lagaikha andem higit he it inoba ogo a'nogoat hilingfisano.

YEREMIA 50:29

Tuhan nen ikhi logolik, ”Ap ekhe sikhe inenggi puk mene andoma nen Babel oba weim sineli kuakhogo yagaisani o. Ap sikhe wanhu aple hebelek inap andoma mondogat lirinapni. O kota andiba sali laluk he ap misik iluk ekhe polokhogo wilibuageluk herakfisa fuk. Aren he An Mondok Namu Horek welagi mene, Israel mene ineisena Allah a'nogo noba mondok nonghongsek mene hilingitenggere, at obabut hilingik mene andi higithogo, nen aren hilingite mene inom hilingiri'lago mene inom andem higithogo ambisangma at oba ogo hilingfeino aro.

YEREMIA 51:24

Tuhan nen ikhi logolik,” An nen Babel inom afuni andoma werek mene inomen o Yerusalem inaniniba hilingfisikhi lagaikha mene a'nogore ambisangma yogondak it inoba hilingfisikhi lagi mene andi hineilenggen tomok hili'lagwi o.

YEREMIA 51:49

At Babel en hilingiteba re, afuni o kweangma hokhorogo inoatama wa'lagaikha, oba nen yogondak he ap Israel mene inoatemo wa'lagaikha mene andiba re Babel mondogat sebelogo pelabugun. Iluk An Tuhan nen nane mondogat igi,” ikhe.

RATAPAN 3:64

Tuhan neisena, it andi re iren hilingiri'lagwi mene andem higithogo unggum wogisan o,

ZAKHARIA 9:12

Yago, hit afuni hele warek welagep mene yi sani, yogondak he hit ninendawimo eberek logogun mene werek andi nen he, sugulogo we'ni o. An nen hit fanot hinobagagu mondok logogin enggere, hit hinalong pale'ma andoma sugulogo we'ni o. Holini: Hiren yi enggin ti enggin hugu welagagip mene andem obali'mo re An nen altap pireba fanot hinobagagin o.

2 TIMOTIUS 4:14

Nen, at Aleksander tembaga mene posie hak hilingiterek mene a'nogo nen, an hokhorogoat weagetnafemo welagi. Mene re, at ninoe Enupogoren at hilingite andi higithogoat wene oba fagain werego.

WAHYU 14:10

afuni nen, i inom lek, we anggur enggen amusu nek ale weak mene hinatarek andi hak, Allah a'mage hit endawithinafi'lek, wene ninghogo hinoba fagain o. A'nogo hinoba fembik, nit malaikat Allah faget welagorek mene inom, Domba Eak a'nogo inom, nineilhanem hinebe, endu inom, hendali al hangge amben weak mene enu belerang inom, ninggerek oba andoma lakhinobagaumo heinet watu mondok logogun o.

WAHYU 16:19

A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.

WAHYU 17:4

Nen, he andi asu ekhe elokhonggen mep hangge, nen, ekhe elokhonggen kibi-kibi warek hangge, mene laberek. Nen, alilingge re, emas mene inom, helebenggen homboninggen onggo hokho palharek mene enu permata inom, mutiara inom, palek logolik, obabut weak hilingitik, pailak fakfouwageluk hilingitik, a'nogo yanani nilik nikherek mene andi, iwak emas meneba hinago enggimo fisogo welaga yethigi.

WAHYU 18:20

A'nogo ugu kwelek, at ekhe nen he, it Allah againafuri mene mel yagaisikhe: ”Allah nen he, hit hinunggulmo it o Babel mene wene inoba fuluk weagerinafe andi nen he, hit pogoroba mene mondogat hinendawimo hinagaiyegetik, hit Yesus nen hinayonggo fikhesik lakhinobagasikhe mene inom, hit at ane yagaisikhi lagep mene inom, hit Allah againafuri ekhe inom mondogat hinendawimo hinagaiyege'ni o,” iluk ugunem holhi.