WAHYU 18:20 - Allah Wene Fano Wene Hupla Inane

²⁰ A'nogo ugu kwelek, at ekhe nen he, it Allah againafuri mene mel yagaisikhe: ”Allah nen he, hit hinunggulmo it o Babel mene wene inoba fuluk weagerinafe andi nen he, hit pogoroba mene mondogat hinendawimo hinagaiyegetik, hit Yesus nen hinayonggo fikhesik lakhinobagasikhe mene inom, hit at ane yagaisikhi lagep mene inom, hit Allah againafuri ekhe inom mondogat hinendawimo hinagaiyege'ni o,” iluk ugunem holhi.

WAHYU 18:20 ပူးပေါင်းရင်းမြစ်များ

MAZMUR 107:42

It inobabut higithogo hilingitarek mene re, a'nogo hilingitunem ineilenggen isaluk, inendawimo inagaiyek agaikharek. A'nogo meneat he, it inobabut weak hilingitarek mene andi re, inambe to'morogo welagaikharek.

MAZMUR 109:28

Iren an homan nobagagun oba nen, Haren enek an fanot nobagakhi logogin o. It inebe weinama asi wesugun oba nen he inenggali asugun, oba nen he an hamingmingengge yi nek he nagaiyekhogo hilingnobagagin.

MAZMUR 18:47

At Tuhan he eluk mondok welagarek mene o! An nili wo'naferek mene o, At enek fogerati logouwok! An neisena nagap telnaferek mene, Allah andi nek fogerati logouwok!

MAZMUR 48:11

Hat henu re, o kweangma yi awi ti awi lego were'ma sagarek mondok werek, Haren he katokhogo nek inawene palhu logolik he higithogo nek leberisugu welagen.

MAZMUR 58:10

Alok-alok engge oan engga heiselogo wilifi logolik hokho agi'lek were'ma nen, sogoien engga iringik mene furogo waluk lagarek a'nogo higit asuak, it inebe oan fut fisigi'le'ma nen he inebe mondogat lek asuak.

MAZMUR 94:1

Tuhan Allah nineisena, Haren he afuni nen hilingitu onggo tiphogo nek hilingfisikhi lagen, Haren onggo higithogo nek hilingfisikhi lagen mene andi inuknisan, neisena Allah.

AMSAL 11:10

Afuni higithogo hilingitarek mene angge fano mene ekhe helikhe halok, it afuni o kota logogun mene nen abok wialogo fogoin, nen it weak hilingitarek mene wa'lasugun halok he, afuni inagaiyegen inanggilugesugun.

YESAYA 26:21

Afuni kweangma mondogat weak hilingitu werek andiba Tuhan ebe pogoroba nen pi wesimbik unggum wogisagain o. Ap hinagaisogo inoari'lagwi mene andoma re mondogat weinam asigin. Ap warogo hinakfisagarek mene andoma re kweang en hinakfisagain mene ekhe werek mondok lego.

YESAYA 44:23

Hat pogot yi re, hagaiyegeti logoin, nen hit fena kweang elonggoma welagep mene nen ogore hinagaiyegeti logoni, Israel At againafuri a'nogo onggo palinafe andiba re, Tuhan omame hokho mene a'nogo inugisikhe. Andiba re, hit tom-tom andoma nen hinagaiyegetik, o engga ogoi andoma nen inom, nen e ebe lombok anggelekwe andoma mondogaren inom ogore inagaiyegesuagat!

YESAYA 49:13

At Tuhan againafuri koninabigiluk waga logolik, At unggulenu mene yi enggin ti enggin inoba fugu werek mene endawirinabigiluk weri'lago andi nen he: Hat pogot yi, wuni wulabin o, hat kweang yi re, hagaiyegesin o, hit tom-tom oma re, hinagaiyegen hinanggilukhogo hilingiti logoni o!

ZEFANYA 3:15

Tuhan nen he, hit hinaselei mene felelenghogo mugisogo wulakfisikhi logolik, hit hinoba unggum wokhisagain iluk mene a'nogo herakfisikhe o. Hit inebe re afuni Israel mene hineisena Raja a'nogo awe a'ma fethinarek werek, At Tuhan onggwaregen hilinghinobagaikhemo re, Yogondak hiren hinailoti lagep mene a'nogo hinailoti logou fugo.

EFESUS 2:20

At Kristus Yesus ebe o tik esin hangge warek were'ma re, it ap aren inayonggo fuluk lakfisasikhe mene omanogo inom, it ap Allah ane yagaisili'lagwi mene omanogo inomen, oba loukhogo wuti lagaukwama re, hit hinebe niren oba loukhogo wurogo hinobagasugumo welagebo.

EFESUS 3:5

Fageat he, wene andi afuni ekhe fakhogo yagaisigi'le'ma, inonggorat welagaukwama re, yogondagen Allah Areagun en, it ap Allah againafuri Yesus nen inayonggo fuluk lakfisasikhe mene omanogo inom, Allah ane yagaisili'lagwi mene omanogo inom, fakhogo yagaisasikhemo inelu agaukwa andi, wene ebe re, yi'nogo.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

ULANGAN 32:42

It inamep an nandok ebene, hokhorogo labulasigin, Noasuogoluk agarek mene, nenggarok oba inoasigin, Afuni an naselei mene, tok warek, hele warek, ineluk herakfisigi'lek, mondogat inoasigin, iluk ikhe.

2 PETRUS 3:2

Wene andi, it ap attagat Allah nen inayonggo fesikhemo at ane yagaisikhi lagaukwa mene nen isukwaat. Nen, ninoe Enupogot ninebe telninaferek mene a'nogo nen wene komotninafikhe mene, nit ninayonggo fesikhesik hinoba lakninobagai wagaikhemo yagahisasuguat.

YUDAS 1:17

Menere, nerugwi nagaila'lak. Hinebe nendawi e. It ap ninoe Enupogot Yesus Kristus nen inayonggo fuluk lakfisa wagaikhe mene nen wene fageat yagahisasukwa mene andi hinendawimo ebe'no o.

WAHYU 12:12

Andi nen he, hit pogoroba welagep mene mondogat yi sani! Hinendawimo hinagaiyek hikhi logoino. Hinendawimo hinagaiyek agu kwelek, hit kweangma mene inom, i laut yenggele'ma mene inom, enek he, Iblis a'nogo hinoba pelakfisa wagama, at enggi endebat logogin mene futfikhesik, aren he, nenggi endebat enek logogin andi nenahalok, iluk a'mage lagaikhesik weagethinabigin andi nen he, eigo! Nendawilage,” iluk ugunem holhi o.

WAHYU 18:6

Nen, hit he andiba wene fogoin mene nen, aren it hilinginafi laga hagat, wene ebe oba fikhi logolik, ekhe inom oba loukhogo feino o. Nen, aren i melagisikherek andi hagat, anini inoba fikhi laga mene andi, onggo wene oba fikhi logolik, ekhe inom oba loukhogo feino o.

WAHYU 6:10

It a'nogo logolik, inane hokhorogo mel ugunem holhi: ”Nineisena Allah homame hokho tegelek mondok logolik, higithogo nek hilingitendek mene nineisena. Henggi miren logombigen afuni kweangma mene nen nit ninoatukwa a'nogo ninunggulmo wene inoba fembik inoasigin nogo?” iluk yagati lagaikhama,

HAKIM–HAKIM 5:31

Nineisena Tuhan, at Sisera wato andi hak, afuni hat haselei mene ogo, a'nogo wa'lasuak. A'nogo meneat he, hat hagainafuri hendawi mene nek he, mo eil tilelek-walelek wagarek andi hak, it mondogat liarogo logouwago, iluk wuni watukwa. A'nogo hilinglagaikhesik oba nen, 40 tahun weim lek liolek fano welagaukwa.