At he kain ratu aiba Syeba mene a'nogo nen a'nogo yagatikhesik, emas 4.000 kilo nen inom, helep enggen hombonundek onggo hokho mene, enu permata ebe mondok hokhorogo inom, yi mene ti mene amben fano mene inom, wogotikhe. Yi mene ti mene amben fano mene, he ratu aiba Syeba mene andi nen mondok hokhorogo at Salomo wogosi wagaikhe andi hangge hobuk it ekhe nen a'nogo ekhe wogosi waga lagaukwa mondok lek.
WAHYU 18:13 - Allah Wene Fano Wene Hupla Inane13 amben fano mene kami inom, heinde hangge mene inom, larengga hangge mene inom, e mur amusu inom, kemenyan amusu inom, anggur enggen amusu inom, wam amusu inom, tepung inom, gandum inom, wam sapi inom, kuda inom, domba inom, kereta inom, afuni inebe inamingmingengge logouwageluk inom, mondogat waluk laluk, sani inoba onggo wanhi logogun,” iluk le aga lagaikha. အခန်းကိုကြည့်ပါ။ |
WAHYU 18:13
25 ပူးပေါင်းရင်းမြစ်များ
Nen, andem helikhi lagaikhe mene re it onggo wanhi lagaukwa inaben inom, yi mene ti mene onggo palugun iluk waluk laga logolik onggo fuluk laga lagaukwa mene inom, it raja-raja o Arab oba nen fugu mene inom, nen it gubernur-gubernur o Israel oba werek mene nen fugu mene inom, omanogoet wenagaisogo re fuk.
It a'nogo waga logolik, inebe lombogen he, yi mene ti mene perak mene inom, emas mene inom, su labeti logogun mene inom, sikhe sige inom, yi mene ti mene enduk fano mene inom, wam kuda mene inom, keledai mene inom, weat Salomo wogosi waga lagaukwa. Tahun ebe lombok a'nogo nek wogosi waga lagaukwa andi.
Weim yafukwa mene andi re At Allah endawimo anggasikhe mene higithogo hilingi'mo re ap inaselei mene hokhorogo inoatukwa. A'nogo inoati logolik iren ap fena inebe 100.000 nen hele warinarek waga logolik he, inanggo unta ebe 50.000 nen inom, inanggo domba 250.000 nen inom, wam keledai 2.000 nen inom telasukwa. A'nogo hilingitukwa andi huli nen, it inebe o omanogo werek kwelek enek he it afuni Israel mene hele warogo huginabi logoin huli omanogo re o andoma welagaukwa.
A'nogo yagatikhesik he, at he ratu awi Syeba mene a'nogo nen he, aren onggo amolongge wogosigin iluk waluk wagaikhe mene omanogo emas enggin he 4.000 kilo nen inom, helep permata hokho-pokhorogo inom, amben-ambenengge mene inom, omanogo mondogat Salomo wogetikhe. Amben-amben engge andoma re hun Salomo nen ariginik mene ekhe wanhi lagaikhe lek oba nen he, he ratu awi Syeba mene andi nen waluk wagaikhe mene andoma re mondok fano mondok mene nek wogosi wagaikhe.
Kabogetugusik an nen yagaisikhi logolik he, ”Afuni Yahudi mene inebe it ap inunggulenu pok meneba onggo palinafi lagaukwa mene omanogo niren ninomamerogo lologo wulaginabik lagagu. Oba nen he yogondak he hirogo Yahudi hinap oba nen, he hiren he it inebe onggo huninabuogeluk hinane mondok ninghogo yagaisikhi lagep!” iluk yagaisasigi. A'nogo yagaisasigimo re inogogwi melalinafi lagaukwa mene omanogo re inane endephogo iluk ekhe isukwa lek.
Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!
Tuhan nen ikhi logolik, ”Afuni Israel mene hundik-handik weagenek hilingitu nen he, An nen eberogoat unggum wogisagain. Ap higithogo hilingitarek mene nen agaila'lak inangge we elama faget iluk wanhu mene nekhengge obali'mo fili'lagwi lek mene omanogo re iren inamingmingengge asuagaluk onggo huninafa. Andi hakhogo re iren afuni inenggi lek mene nen palegengge faget onggo obali'mo fou mondok elo'lek mene omanogo ogore, iren palegengge andi re, ineisok sandal wuthogo onggo fou hakhogo meneba nen he a'nogo nek hilingfisili'lagwi andi.
At hineisena Tuhan nen hit O Mesir en wokhinarek wulibi wagaikhesik, Aren ikhi logolik, o andoma nekhengge sugulogo kapal oba lakhinobagagin o. Andoma re, hit hinonggwaregen hinomamerogo afuni inamingmingengge logogun nen ninebe onggo paloageluk it hinaselei mene inoba onggo huniti logogun oba nen he, ap misigen iluk ogo ekhe onggo palu re elo'lek hilingik logogin o,” iluk yagaisasikhe.
aben hemi pailak fakfisigik, ap-ap fakfisigik, agarek mene inom, afuni ekhe inagainafuri mene inenggi abisak hinaginafarek mene inom, ineranen agarek mene inom, ”Wene eberogoat igin,” iluk Allah enu hombuk palilugat he, lalinafarek mene inom, it mondogat a'nogo hilingitarek mene faget isikhe. Nen, it ekhe inobabut ebe wene fanotninaferek wene andi sagalogo herakfisaluk weak hilingitarek mene an igi'lek mene mondogat ekhe faget inomat isikhe.
It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.
ကြော်ငြာတွေ