WAHYU 17:17 - Allah Wene Fano Wene Hupla Inane

¹⁷ A'nogo hilingisugun andi re, Allah nen isikhe mene higithogoat hilinglasuageluk, aren at endawimo anggikherek mene andi, it ap kaindek andi inendawimo kagalhemo, it inendawinggen misigat logolik, iren he, at mene olomene hangge a'nogo yagati logolik, nit kain ninenuwerek welago mene andi, hat kain henuwerek logoinogo, iluk eisewerek fuluk, inomen, he yanani nilik nikherek mene a'nogo ebe wasugun andi.

WAHYU 17:17 ပူးပေါင်းရင်းမြစ်များ

EZRA 7:27

Surat a'nogo palogo wogetikhemo re, at Ezra nen ikhi logolik mel isikhe: ”Tuhan Allah nit ninombawi nen fogerati lagaukwa mene a'nogo o Yerusalem At onggwarek awi a'nogo haluageluk raja endawimo kagalhemo, eil wo'ninafe andi nen At ebe fogerasuogo.

MAZMUR 105:25

At Allah nen he, afuni Mesir mene nen Allah againafuri mene inabiret fisaluk, lalinafi logouwageluk inendawimo hilingfisasikhe.

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

AMSAL 21:1

I lagarek mene Tuhan endawimo anggikherek higithogo laga logouwageluk halogo fikherek hak, at raja endawimo wenggelherek mene hilingisuageluk ogo Tuhan nenat halogo fikherek.

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

YEREMIA 32:40

An nen wene mondok-mondok wasigin mene andi re it ninom wasugun. An nen it inoba fanorogo hilingfisugu mene andi re palfagain lek. Iren An oboget nealuk lanogoluk he inendawinggen abirengge nen An noba inailorogo welagik, esinet nobagaluk legeisogo nobagagik, hilingiti logouwageluk hilinginabigin.

DANIEL 12:7

A'nogo heinok wokhugunem an nesanggo holhugunem en he malaikat a'nogo enggi pogoroba liak fikhi logolik Allah eluk mondok welagarek mene a'nogo enuba hombuk palhi logolik yi'nogo ikhi laga, ”A'nogo hilinglari'lago mene andoma re hilingiti logolik werek kwelek enek he tiga setengah tahun asigin o. Nen, afuni Allah againafuri mene inoba enggin-fenggin hilingfisikhi logogun mene andoma mondogat ambisangma asi lamo nek he, yi'nogo ti'nogo elalin mene ari'logo mene andoma ogo wurep kobokhogo asi lagain o,” ikhi laga.

LUKAS 22:22

Yonggo lamo an abat ta'lasi wagagi a'nogo at Allah nen he, at wasuak, iluk anggasikhe higithogoat noasugun meneat he, ap an noasuageluk yonggo lagain mene andi nek he, nendawi e. Alomat lakhagain o,” iluk yagaisasikhemo re,

LUKAS 22:3

A'nogo weim abok ugu kwelek he, it Yesus agoromi inebe 12 omanogo mene, ekhe enu Yudas Iskariot a'nogo endawimo Iblis kwisikhe.

LUKAS 22:37

An hilingnabugun mene faget lisu palogo fikhi logolik he, At andi afuni inobabut weak hilingitarek mene inom higithogo hilingnafa o, iluk isukwa a'nogo, an noba higit asigin meneat yogondak higit arik weri'lago andi nen yagahisigi o,” iluk yagaisasikhemo,

YOHANES 10:35

Wene Allah aneba lisu palek welagarek andi mondogat he, ekhe tagan ikherek lek anggigi. Andi nen he, irat ane yagaisasikhe mene faget, Hinebe allah aro, iluk isikhemo lisu palek werek kwelegat,

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

YOHANES 19:24

it-it ekhe nen ekhe yagaisikhi logolik he, ”Su yi tilibesugun lego. We sa hak helagain iluk oagengge walhouwogo,” iluk isukwa. A'nogo isukwa andi re, Allah ane lisu palogo fesukwama mene yi'nogo werek: ”An nasu nonggolek sumburagasik he, nasu endakwe mene heluogeluk oagengge lakfaga o,” iluk isukwa mene lisu palogo fesukwa mene werek higithogoat, it ap tentara mene nen a'nogoat hilingitukwama ebe agaikhe andi.

YOHANES 19:28

A'nogo arat hilingitukwasik oba nen, at Yesus endawimo nen he, ”Yi wene ti wene mondogat arat elugun warogo hilingiti,” iluk elu a'nogo nen he, Allah ane lisu palogo fesukwa mene higit asuageluk, ”An i nele,” isikhe.

2 KORINTUS 8:16

Niren hit faget ninghogo hilingisuogeluk hilingiti lago hak, at Titus a'nogoat hilingiti logouwageluk Allah nen endawimo kagalhunem hilingiri'logo andi nen he, Allah hai wati logouwogo.

WAHYU 10:7

We, malaikat inebe falfaligen inambinggong anet hagasik ekhe ambinggong anet hugunem he, at Allah nen wene endawimo hinago mene it ap amingmingengge ane yagaisikhi lagaukwa mene omanogo yagaisikhi logolik he, Hobuk an yi'nogo hilingisigin iluk wene warisasikhe hagat arat hilinglasigin o,” iluk hombuk palhe.

WAHYU 15:1

Neilenggen a'nogo yethigiri'mo nen, ombo'ne re, afuni nen futfouwageluk, elalin hokho inailo mene yi'nogo pogoroba weinam agunem yethigi. Allah a'mage wurep kobokhogo afuni inoba fembik weagerinabigin andi nen he, inenggi 7 ba weagerinabigin mene, malaikat inebe 7 nenat weinam agunem yerisigi.

WAHYU 17:13

It andi inendawinggen misigat logolik, at mene olo mene hangge a'nogo yagati logolik he: Nit kain logouwageluk menninobagagama ninenuwerek welago mene andi, harat henuwerek logoinogeluk eisewerek menhobagaga o, iluk yagata.

WAHYU 19:9

A'nogo ugunem holhiri'mo nen, at malaikat a'nogo nen yi'nogo yaganete: ”It afuni Domba Eak agwe hak ikhikhi logolik, seni isago na wesuageluk inayonggo faga mene halok inendawimo inagaiyek asuago, iluk lisu palino o,” iluk yaganetesik, hobuk yaganeti logolik: ”Wene yi re, eberogoat Allah nen ikhe mene o,” iluk yaganete.

WAHYU 6:11

aren he, ”Hinerugwi hinagaila'lak fenakwe hinom an faget hilingiti lagagip mene, hit hinoatukwa andi hak, inoasugun mene oan werek andi nen he, it faget nenangorogo set walogo eil misik logoino,” iluk yagaisikhesik, inasu kut mene inebe lombok ikfisugunem yerisigi o.