WAHYU 17:15 - Allah Wene Fano Wene Hupla Inane

¹⁵ At malaikat a'nogo nen a'nogo yaganetesik, ekhe mel yaganete: ”At he yanani nilik nikherek mene hangge andi, ebe kain welagarek oba i hegen andi ebe re, afuni mondogat inunggulenu lombok, inagap lombok, inawi lombok, inane lombok mene heilenggen isegen o.

WAHYU 17:15 ပူးပေါင်းရင်းမြစ်များ

MAZMUR 18:4

At Tuhan andi re enu hombuk palu higit obaat ayonggo fugu welagimo re, Aren an naselei mene inoba nen fikhalogo wulak nobagali'lago.

MAZMUR 65:7

Hat homame hokho logolik legaisogo hobagali'lagwi mene a'nogo enek asuageluk, Hat henggi homamerogo o tom mondogat menhigik fesigin.

YEREMIA 47:2

Tuhan nen ikhi logolik, ”Futfeni o, it he o abel utara fikhiren i fu wagarek hak waga logolik o kota inom afuni werek mene inom, kweang abirengge inom, inoasi wesigin o. Afuni nen lebetninabuageluk hum ngai etik, afuni mondogaren lenggu figik, ugun o.

YEREMIA 51:13

O kweang andiba yi mene ti mene mondok hokhorogo were'ma re agai lagarek mene andoma ogo hokhorogo werek, oba nen at eluk werek mene ogore arat lek aga, nen ebe legasigin oba ogore arat asi waga.

YEREMIA 51:42

I laut kerak-kerak he o Babel huli lagai waga, i agum fonyak lenggak hikhi logolik he o kweang andiba sebeli laga.

YEREMIA 51:55

An nen he Babel wolelenggenhogo fikhi logolik inane anggilukhogo ili'lagwi mene omanogo palfisikhi lagi. Ap selei menere i laut agum founyak lenggak hikherek hak hilingirik weri'lagwi, nen tentara re weim eindep ane firirip-farap kwili'lagwi.

YEHEZKIEL 31:4

At agai hokhorogo hilingi'mo re ebe fanorogo wiliferek, i kweang a'ma nen nunggu mene wogeterek, Omanggen ebene mondogat higithogo lagik nen e amu mene wilibikwe andoma ogore minet filik lagik ikherek.

WAHYU 10:11

A'nogo higirik hobuk pogoroba nen wene mel yaganete: ”Haren wene Allah nen afuni inunggulenu lombok, inawi ero lombok, inane lombok, inogogwi kaindek inenupogot hokhorogoat inenu lombok hobuk hilinginabigin wene andi, yagaisikhi logoino o,” iluk yaganete.

WAHYU 11:9

A'nogo fisamo were'ma, afuni inunggulenu lombok, inane lombok, inagap lombok, inawi lombok, inebe mondogaren warek salinafi'lek herakfisaluk, ineilenggen kwelaginarek werek kwelek, inenggi henagan logombigen inenggi ekheba linggene huliba logogun.

WAHYU 17:1

A'nogo higiri'mo nen ombo'ne re, it malaikat inebe 7 nen Allah a'mage i hak hinago waluk kweisalha mene omanogo mene ekhe wagasik mel yaganete: ”It afuni o kota Babel mene, he kain yanani nilik nikherek mene hangge andi, i hokhondek mene esanggoma were'ma, ap kaindek inenupogot kweangma mene nen at pailak hilingitik, afuni ekhe nen anggur enggen amusu nunggu mondok logolik, lugulugwi palharek andi hak, afuni kweangma mene nen at pailak hilingitu mondok welagik, agarek mene andi, Allah nen, he andi wene oba fembik ebe weaget feigeluk aweim kabelhe mene yagahesigen eme o,” iluk yaganete.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.