WAHYU 16:4 - Allah Wene Fano Wene Hupla Inane

⁴ A'nogo higiri'mo nen, ombo'ne re, at malaikat henaganek mene ekhe nen Allah a'mage i hak hinago a'nogo mene ekhe kweisalogo i elesikwe inom, nen i ebe hokho asi wagarekwe inom oba pelafunem he, i mondogat elokhonggen mep aga laga higi.

WAHYU 16:4 ပူးပေါင်းရင်းမြစ်များ

MAZMUR 78:44

It inagai lagu agai omanogo Aren elokhe munenogo mep mene hilingfugunem he, iren na re elo'lek aga lagaikhe.

KELUARAN 8:5

A'nogo yagatikhesik, Musa ekhe mel yagatikheat: ”O Mesir yi awi ti awi mondogat yagaise mondok hokhorogo sik-pik imbik pete uageluk, at Harun nen arige tomuk a'nogo wanhikhesik he, i hokhokwe endep kwe mondogat inom, kalok waganekwe i wagarek mene inom, mogo yenggelek mene inom, enggi pisarogo i agum oba higit lakfouwageluk yagaom o,” iluk yagatikhe.

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

YEHEZKIEL 35:8

Tom-tom andoma hit hinebe warek enek sagarek logogin, punu-punukwe inom fanggong-fanggong andoma inom ap weim oba nen warek mene nek hoporek logogun.

HOSEA 13:15

Israel mene re kweang muli fanoma engga mondok muli welagarek andi hak, fano mondok werek meneat he, An nen sogoi aganhan hokho mene o leimo mo liabi wagarek fikhiren inoba lakfei wesigin o. A'nogo lakfei wesumo, sogoi andi nen i elesi wiliferek mene inom, i mogo habulikwe yenggelek mene andoma inom mondogat firok ilik lagunem, yi mene ti mene onggo hokho mene andoma mondogat lek arik lagain o,” ikhe.

WAHYU 11:6

Nen, iren Allah ane yagaisikhi logolik, ”Meiso pogoroba nen pi wesigin lek,” iluk elogat yagatik, i mondogat mep asuageluk elogat hilingitik, nen inendawimo amolo anggogoin oba, ”Afuni kweangma mene yi ou ti ou inoba fouwok,” iluk elogat ou ero inoba figik, ikhi logouwageluk, Allah nen eisewerek fisikhemo a'nogo hilingisugun isigi.

WAHYU 14:7

A'nogo nikhi logolik, ane hokhorogo mel ikhi laga: ”Nineisena Allah nen wene afuni inoba figik, kotik, igin a'nogo, arat horogasi waga andi nen he, Allah pogot inom, kweang inom, i laut yenggelek inom, i elesi agai mondogat inom, elalhikhe mene a'nogo hinailorogo logolik, hinendawinggen at oba eberogoat himbiret fuluk, fogerati logoino o,” iluk ikhi laga yethigi.

WAHYU 16:5

A'nogo hilinglagunem he, at malaikat i eisewerek mene nen Allah mel yagate: ”Allah hebe attak welagagindik, yogondak hetok mondogat logolik, tegelek welagandek mene nen, afuni wene higithogoat inoba fegen o.