WAHYU 15:8 - Allah Wene Fano Wene Hupla Inane

⁸ Wogisugunem, Allah awi wuri'mo Allah omame hokho fogeratarek mene a'nogo re endu so'le higit pete ikhemo, it malaikat inebe 7 omanogo nen afuni weagerinabigin mene a'nogo wurep kobokhogo weagerinafi'lek werek kwelek, afuni ekhe Allah awi wuri'mo andi kwikhi lagaikha isigi mondok lego.

WAHYU 15:8 ပူးပေါင်းရင်းမြစ်များ

MAZMUR 29:9

Tuhan ane nen he no rusa eak a'marek mene tatik, nen yi engga ti engga enggakwe wilibik mene omanogo lologo pelafik ikherek. A'nogo hilingitu kwelek At Tuhan againafuri mene re, At awi wuri'mo omanogo nen inane ikhi logolik, ”Tuhan andiat fogerasuogo!” iluk agarek.

KELUARAN 19:18

Were'ma, Tuhan ebe endu amuilok elema tom Sinai oba pi wagaikhe andi nen, tom Sinai oba mondogat he endu so'le nen salogo fesikhe. Endu so'le andi lei fatunem so'le mondok hokhorogo mon-mon lagaikherek andi hak lagakhi logolik, tom ebeet lang-fanget hasikhe.

YESAYA 6:4

A'nogo fogeratunem it inane nen he o Tuhan Awi hulu talek mene a'nogo leigeti laga. Nen, o andiba re endu so'le nen peterogo hilingik welaga.

YEREMIA 15:1

Tuhan nen an noba ikhi logolik, ”Musa inom Samuel inom ya mendek logolik afuni yi faget hendawirinabin iluk kino yaganesumo mene ogore it inunggulenu yi mene ari An nen nendawirinabu lek hago. An he it kwelagisa re mondok nabit nabi'lagonggere, unggulenu ari mene re hela loakhogo yagaisan o!

RATAPAN 3:44

Hat hanini re o hena mondok hik mene andi hak hilingi'mo re, Niren samban ugu mene re fanorogo lagai wesu re, elo'lek ari'lago.

IMAMAT 16:2

”Hat hoe Harun nen yi'nogo hilingiti logouwagen yaga'no: O An nonggwarek nawi hulu mondok wesama hangge hilingi'mo andoma Peti Wene Warogo wokhinafigi iluk hilingik werek mene a'nogo sebelogo nebe ohena anggele'ma logolik, hinelokhoma menlagirek andi nen he, at Harun nen An Nonggwarek nawi hulu su kain nen hulirogo senggele'ma andoma inenggi ti sambul kwikhi logogun iluk wene palek higithogo andi sambul enek kwikhi logogun en yaga'no o. Aren wene andi herakfisambik amukwe kigin halok, at ebe wa'lasigin o.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.

WAHYU 15:1

Neilenggen a'nogo yethigiri'mo nen, ombo'ne re, afuni nen futfouwageluk, elalin hokho inailo mene yi'nogo pogoroba weinam agunem yethigi. Allah a'mage wurep kobokhogo afuni inoba fembik weagerinabigin andi nen he, inenggi 7 ba weagerinabigin mene, malaikat inebe 7 nenat weinam agunem yerisigi.

WAHYU 21:11

O kota andi re, Allah ebe amulit fogeratarek hagatma re, helep amulitweak onggo hokho palharek mene enu pailuri pandan elokhonggen muli weak fano inafumak yabelanget hikherek andi hangge mene higi.