”Hit afuni an nen fethinarek welagirek oba welagep mene mondogaren he, Daniel eisena Allah fogeraterek mene andiat hinailorogo welagik, fogeratik, ikhi logoino o. At andi re, hundik-hundik Allah eluk mondok welagarek mene, o wurep kobokhogo andoma afuni arenat ferinarek mondok logogin. Aren ferinarek welagarek mene andi re lek agi'lek, At enggiba mondok-mondok logogun.
WAHYU 15:1 - Allah Wene Fano Wene Hupla Inane1 Neilenggen a'nogo yethigiri'mo nen, ombo'ne re, afuni nen futfouwageluk, elalin hokho inailo mene yi'nogo pogoroba weinam agunem yethigi. Allah a'mage wurep kobokhogo afuni inoba fembik weagerinabigin andi nen he, inenggi 7 ba weagerinabigin mene, malaikat inebe 7 nenat weinam agunem yerisigi. အခန်းကိုကြည့်ပါ။ |
WAHYU 15:1
21 ပူးပေါင်းရင်းမြစ်များ
afuni nen, i inom lek, we anggur enggen amusu nek ale weak mene hinatarek andi hak, Allah a'mage hit endawithinafi'lek, wene ninghogo hinoba fagain o. A'nogo hinoba fembik, nit malaikat Allah faget welagorek mene inom, Domba Eak a'nogo inom, nineilhanem hinebe, endu inom, hendali al hangge amben weak mene enu belerang inom, ninggerek oba andoma lakhinobagaumo heinet watu mondok logogun o.
A'nogo higiri'mo nen ombo'ne re, it malaikat inebe 7 nen Allah a'mage i hak hinago waluk kweisalha mene omanogo mene ekhe wagasik mel yaganete: ”It afuni o kota Babel mene, he kain yanani nilik nikherek mene hangge andi, i hokhondek mene esanggoma were'ma, ap kaindek inenupogot kweangma mene nen at pailak hilingitik, afuni ekhe nen anggur enggen amusu nunggu mondok logolik, lugulugwi palharek andi hak, afuni kweangma mene nen at pailak hilingitu mondok welagik, agarek mene andi, Allah nen, he andi wene oba fembik ebe weaget feigeluk aweim kabelhe mene yagahesigen eme o,” iluk yaganete.
At a'nogo nikhi logolik, afuni inunggulenu lombok mondogat mabenetfisagain mene, karok enggat hokho mene ambelema nen wulabi waga laga higi. A'nogo mabenetfisaluk sige tomuk posiemanggen omame hokho andi hak, at ane omameba afuni fakfisaluk, eisena Allah omame mondok hokho yi mene ti mene hilingisu hagenek a'nogo a'mage lagaluk, wene inoba fugunem anggur enggen amusu keraluogeluk obuluk oba sagalharek andi hak, at eisogen al perelinabigin mene higi.
A'nogo yaganetesi'mo nen ombo'ne re, Allah nen wurep kobokhogo afuni weagerinabuageluk, it malaikat inebe 7 nen Allah a'mage i hak hinago waluk kweisali wagaikha mene omanogo mene ekhe wagasik mel yaganete: ”Domba Eagen agwe ikhikhe mene andi ebe yagahesumo heilenggen yethanogen eme o,” iluk yaganete.
A'nogo ikhesi'mo nen, hobuk yethigi hak he, sue pim hangge mene pogot halianggen oba ogolabi langhogo tarogo nikhi logolik, ane hokhorogo mel ikhi laga: ”Malaikat inebe enggaminogo inambinggong anet hagasi'mo nen, hobuk malaikat inebe henagan mene nen inambinggong anet hugunem, afuni mondogat kweangma welagaikharek mene, mondok weagerinabigin andi re, Eige! Nailo e! Nendawilage!” iluk ilik nugunem nesanggo holhi o.
A'nogo meneat he, it afuni fenakwe inoati'lek mene andi nen, munggwarengge obabut weak mene oba himbirik logolik, inenggi nen tugwi kembu emas mene inom, perak mene inom, tembaga mene inom, helep mene inom, e mene inom, wurogo hilingitarek andi. A'nogo wurogo hilingitarek andi, it tugwi andi nen, ineilenggen isagarek legat, inesanggo holharek legat, kwe lagaikharek legat, meneat he, a'nogo wurogo fesukwasik,
ကြော်ငြာတွေ