”Hat hamlogo ari henggi fakfuluk at oba yi'nogo ti'nogo ekhe hilingitun o,” iluk malaikat en yagatikhe andi ebe re, nineisena Tuhan nen yagati logolik ekhe mel yagatikhe: ”Hat hamlogo ari ebe misik tago hilingi'mo re, hendawirati'legat, An wo'nesigeluk egen andi nen, haren An agaugwetnafendik nane hologo hilingiten andi nen hat hobabut yogondagen an arat nelu aga o,” iluk yagatikhe.
WAHYU 14:7 - Allah Wene Fano Wene Hupla Inane7 A'nogo nikhi logolik, ane hokhorogo mel ikhi laga: ”Nineisena Allah nen wene afuni inoba figik, kotik, igin a'nogo, arat horogasi waga andi nen he, Allah pogot inom, kweang inom, i laut yenggelek inom, i elesi agai mondogat inom, elalhikhe mene a'nogo hinailorogo logolik, hinendawinggen at oba eberogoat himbiret fuluk, fogerati logoino o,” iluk ikhi laga yethigi. အခန်းကိုကြည့်ပါ။ |
WAHYU 14:7
44 ပူးပေါင်းရင်းမြစ်များ
A'nogo isukwama, it afuni Israel mene nen Allah ayonggo fikhi logolik mel isukwa: ”Nineisena hat hami-hamuat Henupogot welagendego, neisena. Haren hesagal pogoroba welagarek mene elalhik, tulem huli warek welagarek mene mondogat elalhik, isigin. A'nogo isigindik he, i laut yenggelek ebe elalogo fesigindik elema welagarek mene mondogat elalhik, kweang ebe elalhigindik, oba welagarek mene mondogat elalhik, isigin. A'nogo elalogo fesigindik, eluk logouwagaluk hilingisogo figik, fisogo welagik, egendek andi, neisena. A'nogo elalogo fesiginmo, inomame hokhorogo pogoroba welagaikharek mene mondogaren inot soma iluk ineindep awi yagaisogo fogethafarek mene o, neisena.
An hineisena Tuhan nen kweang inom, pogot inom, laut yenggelek inom, yi mene ti mene pogot, kweang oba welagarek inom, mondogat walhilik waga lagarik, huli nenggi falfalik huliba walhasigi meneat he, nenggi ekhe sabit mene andiba re, set walogo weat welagagi. Andi nen An hineisena Tuhan nen o inenggi sabit oba welagaikharek andi ebe fanotfigirik, nonggwarek faget fakhasigi andi.
Tom uan mene ungguloba lagai lambik he, wene ebe mene o Yerusalem awene andi faget yagarisa lano o, hailo agi'lek hane hokhorogo kweti logolik wene fano wene andi o Sion faget yagaisano. It o kota-kota Yehuda ba andoma werek mene inoba yagaisikhi logolik he, Allah it ineisena re hobuk wesigin o, iluk yagaisano!
Hat pogot yi re, hagaiyegeti logoin, nen hit fena kweang elonggoma welagep mene nen ogore hinagaiyegeti logoni, Israel At againafuri a'nogo onggo palinafe andiba re, Tuhan omame hokho mene a'nogo inugisikhe. Andiba re, hit tom-tom andoma nen hinagaiyegetik, o engga ogoi andoma nen inom, nen e ebe lombok anggelekwe andoma mondogaren inom ogore inagaiyegesuagat!
Tuhan nen ikhi logolik, ”Ap inaselei mene re sue kuri nen senggelherek engge senggeligiluk sebeli wagarek hak, An naiba omanogo it selei mene nen weim yabi weri'lagwingge re, weim waga iluk enek engge re trompet ane fu'ni o! An nagainafuri nen he An ninom wene watugu mene a'nogo taganhogo hilingitik, An nen yagaisikhi lagi mene omanogo sagalogo hilingitik, ili'lagwi andi.
Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.
”Ap yi sani. Hit ninggi'nogo hilingiti lagep. Nerugwi nagaila'lak. Nit ninebe re, hit hangge afuni meneat. Mene re, hiren yi mene ti mene we tulemat hilingiti lagep mene andi herakfisaluk he, hinobabut hebelasimbik hinelokhe Allah eluk mondok welagarek mene andi wogosubagaigen iluk wene yagahisa wago mene o. At Allah andi re, pogot inom, kweang inom, i laut hokho yenggelek inom, yi mene ti mene pogoroba, kweangma, ima welagarek mene inom, walhasikhe mene o.
O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.
Afuni inunggulenu lombok mondogaren, Inanini hoba fikhi lagaikha mene, Haren ogo hanini inoba fagain andi. A'nogo inoba fikhi logolik, Afuni wa'lagaukwa mene ekhe, Wene inoba fikhi logolik, It ekhe wene inoba kosigin mene, Hat hane yagaisagarek mene inom, Hagainafuri inenu werek inom, inenu lek mene inom mondogat, Hat inailorogo logolik, Hane wanho welagaikharek mene faget, Onggo arat wogisagain andi. It ekhe o kweangma weagetfesukwa mene, Haren it arat weagerinabigin andi. A'nogo hilingisigin andi nen, Hai wathafi lago o,” iluk wuni wati lagaikha holhi.
Nineisena Henupogot hat halegat tegelek logolik, Afuni wene inoba figik, kotik, ikhi logolik, Afuni mondogat ineilhanem, Eberogoat mondok hilingitendek. Afuni inunggulenu lombok mondogat, Hawe a'ma kwi we'luk, Ineindep awi yagaisogo, Fogethafik, hai wathafik, ugunem, It afuni sani hagen hat inailo lek logolik, Fogethafi'lek kamo ugun, Lek,” iluk wuni wati lagaikha holhi.
A'nogo aigen endu hangge inoba hokhorogo nunggunem heinet wati logolik, Allah a'mage inoba fuluk weagerinabigin higithogoat weagerinafi laga meneat he, at ebe fogerasuogeluk weak hilingiti lagaikha mene herakfisaluk, inobabut hebelagi'lek logolik, iren he, ”Allah ebe ninggin la'lebe,” iluk, enu weageratoat welagaikha isigi.
Obaget le a'nogo aga logolik, ”At weagetfikhemo heinet wari'logo andi, nit ninom weagetninafunem heinet wathanogo,” iluk inailo nen inebe yatma mendek logolik, le yi'nogo aga lagaikha: ”At Allah nen, hit afuni o Babel mene hinomame hokho a'nogo re, we, misigam fagerat wene hinoba fuluk weagethinafe andi, eige, hweing,” iluk le aga lagaikha isigi.
A'nogo it malaikat pire inambinggong anet hagasi'mo nen ekhe ambinggong anet hugunem he, hesagal hokho mene pogoroba nen esage ibilik hak amulok ibilik hangge pi wagasik, i elesikwe inom, i ebe hokho asi wagarek mene inom, henagan oba minggilogo fuluk, pire herakfikhi logolik, ekhe ale weak mene hilingisogo fikhi laga higi. Hesagal andi enu re, Aleweak. Aren a'nogo i ale weak hilingisogo fikhesi'mo andi nen he, afuni i nunggunem inebe hokhorogoat wa'laga lagaikha isigi.
Andi nen he, hiren hinebene tugerik laga mene andi faget alik hilingitik, nen o hit were'ma yoma wusikham sakhogo kwi wagasik weak-peakhogo hilingiri'lago andi nen he, wusikham alik ekhe hilingitik, ini o. Hiren afuni Israel mene ineisena Allah agaukhogo a'nogo hilingisugun andi nen he, Aren hit hinebe inom, hinandugwi kembu inom, hinawi inom, wene hinoba fikhe mene andi korogo leget fagain anggikhi lago o.
ကြော်ငြာတွေ