WAHYU 14:6 - Allah Wene Fano Wene Hupla Inane

⁶ A'nogo higiri'mo nen, ombo'ne re, at malaikat ekhe wene fano wene mondok logogin mene afuni kweangma mene inunggulenu lombok, inane lombok, inagap lombok, inaiba lombok, yagaisilik pogot ebene tarogo nugunem yethigi

WAHYU 14:6 ပူးပေါင်းရင်းမြစ်များ

KEJADIAN 1:6

Hobuk Allah nen he, mel isikhe, ”I yi re, minggilogo ekhe ponggwe lagagik, ekhe manggwe pigik, ikhi logobagaigen, tulem huli warogo pogot talasuak, iluk at Allah nen a'nogo i minggilogo ekhe ponggwe liakfigik ekhe manggwe pelakfigik isikhesik he, huli warogo fesikhe andi.

2 SAMUEL 23:5

”Andi hakhogo nek, afuni an nen tagomangge mene ogore, At Allah nen fanorinafi logogin, An noba wene wa'nete mene andi re agaum esigin mondok lek. Nen aren yi'nogo hilinghafi logoin iluk abok wene yaganete mene andi re ekhe pelabigin lek. Andi re mondok-mondok logogin mene faget hilingi'mo re, Allah nen hilinghafi logogin iluk yaganete mene andi ebe asuageluk he, an nalonget nobagagik, an nendawimo anggigirek mene a'nogo re higithogo nek hilingnobagagik, nane hologo hilingnobagagik, ili'lago andi o.

MAZMUR 119:142

Haren wene katokhogo nek ikhi lagen mene andi re mondok-mondok logogin mene, nen Hat hawene melalek andi re mondok eberogo mene nek werek.

MAZMUR 139:24

An noba weak mene ekhe werek halok, Haren heilenggen nealuk he, ineluk mondok welagaikharek oba louwogoluk lagaikharekwe wo'narek laga logoino, iluk wuni watikhe.

MAZMUR 145:13

O kerajaan Haren ferinarek logogin mene andi re yi tahun ti tahun mondok-mondok logogin mene werek. Inebe hobuk ta'larik laga logogun mene re, Hat henggiba nek ferinarek mondok logogin. Nineisena Tuhan he, Aren wene wa'nisasikhe mene a'nogoba nek tiphogo hilingiterek. Aren yi'nogo ti'nogo hilingiterek mene andomaba re endawi hundik mondok welagarek.

YESAYA 40:8

Engga re puk agik, owil-owilengge re sawet agik ikherek, oba nen he nit nineisena Allah ane andi nek he etok mondok logogin,” iluk ikhe ino yaganete.

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

YESAYA 51:6

Pogot liakhaluk he kweangma hineilenggen lourogo pelakhani, Pogot he so'le higit mondogat legasigin, nen kweang he su tiliphogo lagarek hak legasigin, afuni elonggoma logogun mene mondogat he kolum wa'lagarek andi hak wa'lasugun. Oba nen he An nen woghisagain mene andi re hinagap telek mondok-mondok logogin mene, nen An nomame asigin mene andi re lek asigin lek mene wokhisagain o.

YESAYA 51:8

It mondogat he su eluk- elugengge nen palherek andi hak, kain domba esi mene pel-pel en palhunem hangge mondogat legasugun o. Oba nen he, inagap telhu mene An nen wogisagain mene andi re mondok-mondok logogin, nen An nen inalonget fisagain mene andi re hinerembul oba andoma mondok-mondogat logogin o,” iluk ikhe.

YESAYA 6:2

A'nogo were'ma era'lukwe haningisogo andoma re it ineluk welagaikharek mene it inebe re endu amulok hangge hilingi'mo re inebe lombok inagerabul falfaligen werek mene were'ma isigi. It inebe lombogen inagerabul pire re inelokhe salek welagaikha. Nen, pire ekhe re inebe salek welagaikha, nen pire ekhe re tarogo lagu mene faget langhogo welagaikha.

YEHEZKIEL 1:14

It ineluk werek mene andoma inonggwaregen weak-weakhogo nek eilabut kulunghogo lagarek hakhogo lakwak ikhi lagaikha isigi.

DANIEL 4:1

At raja Nebukadnezar en a'nogo menfisasikhesik, afuni inunggulenu lombok, ineisok erokwe lombok, inane lombok, o yi awi ti awi welagaikharekwe mondogat yagaisa loagaluk wene ero yi'nogo menfesikhe: ”Nerugwi nagaila'lak, hinendawinggen hambukhogo logobagaigiluk hai wathinafi o.

DANIEL 9:21

Samban a'nogo ugunem, afuni nen o hu'mokokwe Allah anggo warogo noletarek oba andem higithogo, malaikat enu Gabriel an attagat nabikanggoba neilenggen yethasigi mene a'nogo noba higit tarogo waga.

MATIUS 10:27

Nen, an nen hit o mum oba yagahisigi mene, hiren o selek oba ikhi logoino. Nen, hinesanggoma nane samik-samok yagahisigi mene andi, hiren o weinam oba lagaluk he hinane fakhogo yagaisikhi logoino o.

MARKUS 16:15

A'nogo wenagisasikhesik, wene ekhe mel yagaisasikhe: ”Hit he, afuni inunggul enu lombok o yi awi ti awi a'lima mondogat wene fano wene yi yagaisilik laga logoino o.

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

KOLOSE 1:23

Halok he, fano wene hinesanggo holhigipsik he, hinendawimo nen: ”Hobuk fano asigin,” iluk, anggasigip mene andi, hinendawinggen abolok iluk kobokhogo herakfisigi'lek ninghogoat fisogo logoino. Fano wene andi, aren o yi awi ti awi afuni inebe mondogat yagaisasikhe wene andi yagaisilik nikhi logouwageluk, an Paulus nayonggo fesikhe andi.

2 TESALONIKA 2:16

At ninoe Enupogot Yesus Kristus, nineisena Allah inom inobabut fano a'nogo nen, inendawit ninafukwasik, ninendawinggen abolok lek mondok logouwageluk ago watninobagagik, fano asigin iluk oba eberek logouwageluk ninendawimo kagalhik, agarek.

IBRANI 13:20

Nineisena Allah lambulogo ninobagaikherek mene a'nogo nen, ninoe Enupogot Yesus wa'lagaikhemo nen ebe elugetfesikhe. At ebe amep wulagaisogo watukwa andiba, Allah nen wene mondok logogin mene warogo wo'ninafikhesik, nit mondogat Yesus nen anggo domba higit kwelakninarek logouwageluk ebe menfesikhe andi.

1 PETRUS 1:25

Mene re, ninoe Enupogot ane andi etok mondok logogin o,” iluk isikhemo lisu palogo fesukwa andi. At ane andi ebe re, niren Fano Wene yagahisogorek mene andi aro.

WAHYU 10:11

A'nogo higirik hobuk pogoroba nen wene mel yaganete: ”Haren wene Allah nen afuni inunggulenu lombok, inawi ero lombok, inane lombok, inogogwi kaindek inenupogot hokhorogoat inenu lombok hobuk hilinginabigin wene andi, yagaisikhi logoino o,” iluk yaganete.

WAHYU 10:7

We, malaikat inebe falfaligen inambinggong anet hagasik ekhe ambinggong anet hugunem he, at Allah nen wene endawimo hinago mene it ap amingmingengge ane yagaisikhi lagaukwa mene omanogo yagaisikhi logolik he, Hobuk an yi'nogo hilingisigin iluk wene warisasikhe hagat arat hilinglasigin o,” iluk hombuk palhe.

WAHYU 13:7

Andi hagat, afuni inunggulenu lombok, inane lombok, inagap lombok, inawi lombok, mondogat aren awe a'ma fisaluk ferinarek logouwageluk menfikhemo eisewerek a'luk, Allah againafuri inom weim yafi logolik, mabenetfisikhi laga higi.

WAHYU 3:10

A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.

WAHYU 8:13

A'nogo ikhesi'mo nen, hobuk yethigi hak he, sue pim hangge mene pogot halianggen oba ogolabi langhogo tarogo nikhi logolik, ane hokhorogo mel ikhi laga: ”Malaikat inebe enggaminogo inambinggong anet hagasi'mo nen, hobuk malaikat inebe henagan mene nen inambinggong anet hugunem, afuni mondogat kweangma welagaikharek mene, mondok weagerinabigin andi re, Eige! Nailo e! Nendawilage!” iluk ilik nugunem nesanggo holhi o.