WAHYU 14:20 - Allah Wene Fano Wene Hupla Inane

²⁰ Nen, anggur enggen palek and o sili abel endakwe sagalhunem he, enggen sagalharek mene andi anggele'ma nen, mep i elesi higit fulogumhogo huli 2 meter hakhogo lagaikhesigen, hurogo re, huli 300 kilometer yatmaat andoma lagunem yethigi o.

WAHYU 14:20 ပူးပေါင်းရင်းမြစ်များ

KEJADIAN 49:11

Hat hanggo keledai eak hele anggur eroba kombi kelik werek andi. Hele anggur mondok fano mene andiba kelik werego. Haren anggur enggen amusu mep hangge mene a'nogoba hasu sobalikhi lagen.

YESAYA 66:24

It wesuogeluk waga logolik he, it afuni An nane oak sagalogo fuluk hilingiti logogun mene omanogo were'ma ineilenggen isikhi logogun. Nen, imbalo nen it inebe warek andoma ninggi logogin mene re wa'lasugun mondok lek, nen endu it nolinabigin mene ogore nagul aga logogin mondok legat. A'nogo hilingi'mo afuni mondogaren ineilenggen isaluk inali'lip mondok hikhi logogun o,” iluk ikhe isikhe.

RATAPAN 1:15

An nagoromi sikhe inenggi puk mene o ari faget ninghogo hilingitarek inap omanogo re Tuhan nen maben hak anggikhe. Aren he an nagoromi ap souge mene mondogat legasuageluk he ap tentara lit-lat isikhe. Aben anggur agai perelharek hak, Aren afuni an nunggulenu mene mondogat alperelogo fisikhe.

YEHEZKIEL 32:6

Hat hamep he, An nen kweisalisa pi wesumo re tom ebene inom i lagarek mene andoma mondogat ebene inom mep eil enek hilingik logogin.

YOEL 3:13

It afuni andoma inobabut weak mondok hokhorogo hilingiri'lagwi andi nen he, awi yago mene enggen arat wurik agunem palharek andi hak, karok waluk lambik inoasi lan o. Nen, anggur enggen sagalharek oba sagalhunem, amusu keralogo ambem hetok ikherek andi hak, inebe wulil tagalogo inoa'no o.

ULANGAN 32:14

Inanggo sapi kambing domba eilak amusu hokhorogo welagik, it inanggo fano mondok welagik, It mene gandum anggur enggen, amusu fano mondok logouwageluk hilingfisasikhe.

WAHYU 11:8

A'nogo warogo fisambik, inebe warek he, o kota kwe ebekwe ninoe eba menfuluk watukwaba andoma fisogoin o. O kota andi, o Sodom inom, Mesir inom, oba litarek a'nogo aro.