WAHYU 14:2 - Allah Wene Fano Wene Hupla Inane

² A'nogo logolik, inane pogoroba nen he, i hut hokho mene ane hangge igik, unggunggu ane hokhorogo ikherek hangge igik, it afuni ekhe gitar watarek mene nen ebe watunem ane ikherek hangge igik, inane hokho ugunem nesanggo holhi.

WAHYU 14:2 ပူးပေါင်းရင်းမြစ်များ

2 SAMUEL 6:5

A'nogo wagunem, at Daud ebe inom, afuni Israel mene mondogat inom, Peti a'nogo elokhoma attagat waga logolik, wuni nineisena Tuhan fogerasuogoluk, yi pinggong ti pinggong gitar hokho mene inom, gitar endep mene inom, inenggi nen watarek mene iwak hangge mene inom, ane lelo'lelogengge watarek mene ebe mage mene inom, piring hangge hokho mene inom, wati logolik wuni inomamerogo warik wagaukwa.

2 TAWARIKH 20:28

It a'nogo wagaukwasik he, o kota kwi waga logolik he, it inebe erarogo lak fesukwasik pinggong kecapi inom, trompet inom, anet higik hilingirik lagaukwasik he o Tuhan Awi wuri'no omanogo lagaukwa.

MAZMUR 147:7

Nit nineisena Tuhan obaget wuni fogeratarek awuni wulagaisogo wa'ni o, nit nineisena Allah obaget pinggong kecapi kong e'ni.

MAZMUR 149:3

Mulugeti logolik At enu fogera'ni, hiren no kecapi inom, rebana inom oba fogera'ni!

MAZMUR 33:2

Hinambinggong kecapi aneba hineisena Tuhan hai watik, fogeratik, ikhi logoino o.

MAZMUR 43:4

An nebe Hat faget mezbah wam yi mene ti mene warogo nolhetarek oba andoma nen an nendawimo nagaiyek higirek mene re, Hat hebeat welagen andi nen he nendawimo hokhorogo nagaiyek hikhi lagi mene andi, pinggong aneba fogethafi logogin o. A'nogo hilingiti logolik, neisena Allah, neisena Allah, iluk hai wathafik, fogethafik, ikhi logoigeluk yagaheti lagi o.

MAZMUR 57:8

Neisena Allah, an nendawinggen eberogo nenat Hat hoba tibet figirik welagimo re, an nen Hat hoba nek hai wathafik, wuniba legeisogo hobagagik, ikhi logogin o.

MAZMUR 92:3

Hat hendawi hundik hilingninafi lagen mene a'nogo faget he o huberat ineluet figik, nen Haren tiphogo nek hilingiti lagen mene a'nogo faget he o hubanggo ineluet figik,

MAZMUR 93:4

Meneat he, At Tuhan omame re, i laut yenggele'ma esinggen founalhi logolik ane ikherek andi inom, nen ha'labu wasi waga logolik eindep ane mileterek andi inom hak he fuk, lego. we, o pogoroba andoma At Tuhan omame mondok hokho meneba sagarek welagarego.

MAZMUR 98:5

Hiren hinambinggong kecapi kongeti logolik, At Tuhan obaget wuni fogeratarek awuni wati logoni.

KELUARAN 19:16

O inenggi henaganek mene weirogo hubet-habet he, unggunggu hokho mene ane pak igik, eilabut kulung higik hilingitikhe. A'nogo hilingiti logolik, ohena mumweak mene tom oba weinam agaikhesik he, pinggong ane hokho mene isikhe. A'nogo ugunem afuni hokhorogo o sabu wurikwe welagaukwa mene omanogo inesanggo holhukwasik he inailo hokho mene agaukwasik inoak lei'leik hilingitukwa.

KELUARAN 20:18

At nineisena Tuhan nen a'nogo yagaisasikhe andi re, tom a'nogoba eilabut pakhogo so'le hokhorogo lagagunem, ineilenggen higik, unggunggu pak igik, pinggong anethigik, ugunem ane inesanggo holhi logolik inailo nen inoak lei'leik inebe yatmaat hekhogo mendek welagaukwa.

YESAYA 17:13

It wagunem he i fu waga logolik esinggen founalik wagarek hak weri'lagwi. Oba nen he Allah nen inoasigiluk ugu nen it a'nogo heise re yatma lili'lagwi. It heise lagunem he sogoi en engga puk mene punu alilukwe nen furogo lagarek hak, athe kweang age sogoi sielu nen funhugunem hak, lili'lagwi.

YEHEZKIEL 43:2

andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.

ZAKHARIA 9:14

Nen At Tuhan ebere At againafuri mene inoba inugisigik, Nen At andok he eilabut hakhogo pising-pasang isigik, Tuhan Omame Mondok Hokho mene a'nogo nen weim yabi kwikhi logolik enekhogo iluk he trompet ane futhigik, nen selatan fikhiren sogoi sielu hokho mene funha wagik, igin.

1 KORINTUS 13:1

An nen afuni inunggulenu lombok ekhe inaneba igik, malaikat Allah nen yonggo pelakfisa wagarek mene omanogo inaneba igik, ikhi logolik meneat he, afuni inebe nendawirogo logogin lek halok he, an we, iwak hokho mene endep mene i elonggoma hinago le'ma ane pak igik, tololang igik, ikherek hak ikhi logogun o.

WAHYU 1:10

A'nogo were'ma, o ninoe Enupogot awi wei ikhemo re, Allah Areagun noba louk ikhemo, nambotma nen at ekhe ane pinggong hokho mene ane hangge oba mel yaganetunem nesanggo holhi:

WAHYU 1:15

Nen, eisok he, tembaga endumo weratunem amulit papaget hikherek hangge. Nen, ane re, i hut hokho mene ane hangge.

WAHYU 11:12

A'nogo inailo asimbik werek kwelek, pogoroba nen ane hokhorogo it ap pire wene yagaisikhi logogun mene a'nogo mel yagaisagain: ”Lagai we'ni o,” iluk yagaisugunem, it ap a'nogo inom weak mene omanogo ineilenggen yerinarek werek kwelek pogoroba ohena anggele'ma lagagunem, isigi o.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.

WAHYU 15:2

A'nogo higiri'mo nen, ombo'ne re, i laut elokhonggen muli inafumak hangge mene endu inom nanggelek-hanggelek yenggelek mene yethigi. A'nogo higirik yethigi hak he, afuni ekhe inendawinggen mene olo mene hangge a'nogo inom, ilirengge at ebe hangge hilingitarek a'nogo inom, inoba himbiret fuluk fogerinafi'legat, nen enu inenggi wenagaisogo lisu palek mene a'nogo wanhi'legat, hilingiti lagaikhaba inomame agaikhasik, pinggong gitar hangge Allah nen wogisikhemo inenggimo waluk, i laut yenggelek andi esanggokwe mendek were'ma yerisigi o.

WAHYU 18:22

Afuni o yi awi ti awi onggo oatarek mene, inenu lek hangge meneat he, ap hit mene nek he, inenuwerek welagaikha. Nen, hiren hinawesa meneba afuni yi awi ti awi inunggul enu lombok, lalinafi lagebat. A'nogo hilingiti lagep meneat he, it gitar watarek mene inom, endawi watarek mene inom, longgop anggwe folelogo futhagarek mene inom, pinggong hokho mene anet hagarek mene inom, hobuk watunem ane holugun legat. Nen, ap ekhe yi mene ti mene ambugun weak hilingiterek mene hilingitunem ineilenggen hogoin legat. Nen, inamburu gandum enggen mene sagalhunem helep ane ikherek mene andi, hobuk ane ugunem inesanggo holugun legat. Nen, hinaesage amulok ineilenggen hogoin legat. Nen, aben hemi woginafunem inendawimo inagaiyekhogo inane agarek mene inesanggo holugun legaro,” iluk ugunem holhi.

WAHYU 5:8

A'nogo enggimo wanhunem he, it Allah nen elalinafikhemo ineluk welagaikharek mene ekhe inebe 4 en omanogo inom, ap inaluendek inebe 24 en omanogo inom, Domba Eak a'nogo awe a'ma kuluk ineindep awi yagaisogo fogerati lagaikha. A'nogo fogerati logolik, it ap inaluendek omanogo inebe lombok gitar hangge mene inom, kemenyan amusu iwak emas mene hilingik meneba hinago mene inom, inenggimo fisogo logolik endawi wati lagaikha. Kemenyan andi ebe re, Allah againafuri samban agarek andi aro.

WAHYU 6:1

A'nogo higirik oba nen, hobuk silo fagarek andi hak, suesingga uan mene amusu ebe 7 ba te'merogo fesukwa mene a'nogo, Domba Eak a'nogo nen, ekhe omanggum fikhalhunem he, it Allah nen elalinafikhemo ineluk welagaikharek mene inebe enggaminogo mene ekhe nen omanogo mene ekhe nen he, ”Eme o,” iluk ane unggunggu ane hangge ugunem nesanggo holhi.

WAHYU 8:7

A'nogo hebelfuluk he, attak malaikat ekhe ambinggong anet hugunem he, meiso sogonggen inom, endu inom, mep inom, inom nanggelek-hanggelek hilingisogo kweangma woukhogo pelabi wagunem he, kweang inom, e hokhondek inom, ebe henagan oba minggilogo fagasik pire herakfikhi logolik, ekhe hali luphogo ninggik, engga helengga ket mene mondogat ninggik, ugunem yethigi.