WAHYU 14:15 - Allah Wene Fano Wene Hupla Inane

¹⁵ Andi ombo'ne re, at malaikat ekhe Allah awi wuri'mo nen wulibi wagasik, ane hokhorogo, at ohenaba hurek welaga mene a'nogo mel yagate: ”Kweangma enggen arat wurik agama ebe palugun oba arat horok asi wagama andi nen he, henggarok andi waluk he, yogondak enggen pali pin o,” iluk yagatemo,

WAHYU 14:15 ပူးပေါင်းရင်းမြစ်များ

KEJADIAN 15:6

A'nogo yagatikhemo re, at Abram endawinggen Tuhan oba himbiretfesikhe andi nen, At Tuhan nen he, ”Hat hobabut higithogo hilingiti lagen hak, hendawinggen An noba eberogoat himbiret fegen andiba, wene hoba mene korogo wokhigirik, hambotkwe hunogo hobagagi andi aro,” iluk wanhikhe.

YESAYA 62:1

O Yerusalem faget he An nane igi'lek logogin lego, nen o Sion faget he An nebe yamukhogo logogin legaro, fano wene andi yagaisugu were'ma o hubanggo ombak-bak eterek andi hak asigin. nen telinabigin mene andi re esage ibil fugunem hangge hilingik logogin.

YEREMIA 51:33

It he, no gandum enggen sagalhuba nen hilingitarek hakhogo we welagi'legat ap selei mene nen inomame leget fisaluk al perelogo fisouwogeluk werek. Iluk An Tuhan Nomame Mondok Hokho mene, Israel mene ineisena Allah a'nogo nen nane mondogat igi o,” ikhe.

YOEL 3:13

It afuni andoma inobabut weak mondok hokhorogo hilingiri'lagwi andi nen he, awi yago mene enggen arat wurik agunem palharek andi hak, karok waluk lambik inoasi lan o. Nen, anggur enggen sagalharek oba sagalhunem, amusu keralogo ambem hetok ikherek andi hak, inebe wulil tagalogo inoa'no o.

MATIUS 13:30

Gandum enggen oan palhi'le'ma re, inom a'nogo mangorogo lagakhi logouwago. Nen, enggen palugun higit aga halok he, an nen it ap enggen palharek mene yagaisikhi logolik: Engga weak mene andi endu nolfisouwogen he, andi tak henegeisogo hele homagaisogo fembigen, fano mene andi andogorogo figirek oba andoma feni o,” iluk yagaisagain, iluk amingmingengge mene omanogo yagaisasikhe,” iluk Yesus nen yagaisasikhe.

MATIUS 13:39

At ap yabu eisewerek emberek weak logolik, awi weak mene yatikhe andi ebe re, at Iblis andi aro. Enggen palugun higit andi ebe re, o wurep oba fageraro. Nen, it ap enggen palharek mene andi ebe re, it malaikat Allah pogoroba nen yonggo pelakfisa wagarek mene andi aro.

MATIUS 23:32

Halok he, hinambu-hinombalak eroba nen hilingiti lagaukwa andi hak, hit wurep oba a'nogoat hilingiti logoni o!

MARKUS 4:29

Wurik agunem he, ”Enggen palugun oba arat horogasi waga, iluk, enggen palharek mene waluk ebe weak-weagat palharego,” iluk yagaisasikhe.

1 TESALONIKA 2:16

Allah nen it afuni enda'ma mene telinabuageluk niren fano wene yagaisilik lagunem, afuni inanggwe palharek hak, it afuni Yahudi mene andi nen he, ”Wene fano wene andi yagaisogoin lek,” iluk wene pali'lagwi andi. A'nogo hilingiti logolik, hundik-handik weak hilingitarek meneat he ekhe inom hilingiri'lagwi andi nen, Allah a'mage lagaikhesik, wene hokho mene inoba fikhe andi.

WAHYU 11:19

A'nogo ugunem isigirik yethigi hak he, pogoroba Allah awi wuri'mo kwe hu'lagunem he, Allah nen wene komotninafikhe wene lisu palek peti elonggoma kwalek welagaikhe a'nogo weinam aga. A'nogo weinam agunem he, eilabut hobugalep yararethigik, unggunggu ane pak ilugen ane lulu lagik, lugul lang-fanget higik, meiso sogonggen hokho mene pelafik ninggik ugunem yethigi o.

WAHYU 13:12

Weinam agasik, mene olomene hangge attak mene a'nogo eisewerek logolik hilingiti laga mene, at mene olomene hangge hobuk weinam aga mene andi eisewerek agasik, aren afuni yagaisikhi logolik he, ”Afuni kweangma welagep mene mondogat, at mene olomene hangge attak mene a'nogo watukwama re, ebe wa'lasu hak mene fano agaikhe mene andiat hinendawinggen oba himbiret fuluk fogerasugun o,” iluk ane ninghogo yagaisugunem holhi.

WAHYU 14:14

A'nogo yaganetesi'mo nen, ombo'ne re, ohena kut mene were'ma, ap ebe abat ta'lasi wagaikhe mene a'nogo hangge mene kware-kware emas mene unggul oba ugu, nen, karok enggat hokho mago mene maserek mene enggim fisogo logolik, ebe ohena a'nogoba hurek were'ma yethigi.

WAHYU 14:16

at ohena oba hurek welaga mene a'nogo enggarok a'nogo waluk he, kweangma enggen pali pi wagunem yethigi.

WAHYU 14:17

A'nogo higiri'mo nen, ombo'ne re, at malaikat ekhe pogoroba Allah awi wuri'mo nen, enggarok enggat mago maserek mene waluk wulibi wagunem yethigi.

WAHYU 14:18

A'nogo higiri'mo nen ombo'ne re, at malaikat ekhe endu eisewerek mene Allah anggo warogo noletarek oba nen wagasik, at malaikat enggarok enggat mago mene waluk pikhe mene a'nogo ane hokhorogo mel yagatunem holhi: ”Kweangma anggur enggen arat wurik agama werek andi nen he, henggarok andi waluk, pali pin o,” iluk yagate.

WAHYU 15:6

A'nogo kwe hurik were'ma re, it malaikat inebe 7 nen inasu mene enu lenan elokhonggen amulit habul-habalengget hikherek mene laberek mene nen sing itarek hak, emas mene inamik oba laberek mene, Allah nen enggi 7 ba afuni weagerinabigin mene waluk wulibi wagaikha yerisigi.

WAHYU 16:17

A'nogo higiri'mo nen, ombo'ne re, at malaikat mene sabit mene a'nogo nen, Allah a'mage i hak hinago a'nogo mene ekhe kweisalogo pogot abel manggwe ohena obali'mo pelafunem he, Allah awi wuri'mo at kain welagarek obuluk oba nen ane hokhorogo mel ikhe: ”Arat wurep kobokhogo hilinglaga o,” iluk ikhe.

WAHYU 6:10

It a'nogo logolik, inane hokhorogo mel ugunem holhi: ”Nineisena Allah homame hokho tegelek mondok logolik, higithogo nek hilingitendek mene nineisena. Henggi miren logombigen afuni kweangma mene nen nit ninoatukwa a'nogo ninunggulmo wene inoba fembik inoasigin nogo?” iluk yagati lagaikhama,