WAHYU 14:13 - Allah Wene Fano Wene Hupla Inane

¹³ Wene a'nogo ugunem holhiri'mo nen, ombo'ne re, pogoroba nen ane yi'nogo yaganetunem nesanggo holhi: ”Yogondak afuni ninoe Enupogot inom hundik logolik, at faget fano hilingitunem inoasugun mene re, inendawimo inagaiyek asugun o, iluk lisu palogo feino o,” iluk yaganetunem Allah Areagun pogoroba nen ane hokhorogo mel yaganete: ”Andi eberogoaro. It afuni andi Yesus faget set kwil-kwalhogo hilingiri'lagwi mene andi, ebe hilingiri'lagwi mene waluk logoin andi nen, set fanorogo walogoin o,” iluk yaganetunem nesanggo holhi.

WAHYU 14:13 ပူးပေါင်းရင်းမြစ်များ

MAZMUR 19:11

Emas fano mene andi endep elo'lek hangge, meneat he, Tuhan nen komotninafikhe wene andi re mondok esin hokho mene o. Kin amusu fano mene andi re endep elo'lek hangge, meneat he, ebe wene andi re enduk mit mirengge mene.

MAZMUR 85:13

At Tuhan obabut fano nen hilingninobagagu halok he, andiba nit ninanggweang oba nen enggen ugu fano mene wo'nisikherek.

YESAYA 35:10

Afuni Tuhan nen inagap telinabigin mene re inambotkwe sugulogo o kota Yerusalem inagaiyekhogo kwi waga logogun, it inagaiyek hokho mene asumo inelokhe heanerogo logogun. Iren inagaiyek higik, inanggilugetik, ikhi logogun. Inendawi ou hagarek mene inom, anggolo hurane hagarek mene inom andoma mondogat legasigin.

DANIEL 12:13

Hat Daniel he tiphogo nek hilingiti logolik were'ma nen he, o wurep kobokhogo asigin huli andomaba asi lagain. Hat hebe re wa'lasigin, oba nen he o wurep kobok igin sambul andoma onggo helagain nen he heluk menlasigin o,” iluk yaganete.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

LUKAS 16:9

Andi halok he, an wene ekhe yagahisak: ”Hinagarek yi mene ti mene kweangma mene, ineilmasirogo weak hilingitarek mene andi lek aga halok, hinawi fano mondok logogun oba wokhinabuageluk he, yogondak ya hinagarek andiba hinagaila'lak hinom enggawerakhikhi logoni o,” iluk yagaisasikhe.

ROMA 14:8

We, nit nineluk welago halok Nineisena Tuhan fagerat welago. Nen, wa'lasugun halok at fagerat wa'lasugun o. Halok he, nineluk logogun inom, wa'lasugun inom, at faget enek welago.

1 KORINTUS 15:18

Andi hak, it ekhe Kristus inom hundik logolik wa'lagaukwa mene andi re, nong a'lep aro.

1 KORINTUS 15:20

A'nogo meneat he, at Kristus wa'lagaikhemo, Allah nen eberogoat eluget fesikhemo werego. A'nogo eluget fesikhe andi re, yi mene ti mene attak mene tak wanharek andi hak, it wa'lagaukwa mene, at Kristus tak eluget fesikhe andi.

1 KORINTUS 15:58

Andi nenat, nerugwi nagaila'lak. Hinebe nendawi e. Hinendawinggen en wurikhogo, hambukhogo logoino. Ninoe Enupogot ninom hundik logolik he, at faget yi mene ti mene hilingitunem alomat lasigin lego, iluk, hundik-handik ninghogo hilingitu mondok logoino o.

2 KORINTUS 5:8

Andi nenat ninendawimo se welago. Ninagap yi nonggologo herakfisaluk, ninoe Enupogot were'ma kwimbik ninom logoilo ninamolo e, anggikhi lago.

FILIPI 2:17

Mene re, afuni nen wam domba Allah faget fisaluk, warogo endu nolesuogeluk, amboloba enggen amusu pelafarek hak, hit hinendawinggen Allah oba himbiret fuluk wogetunem, amboloba afuni nen an nebe warogo namep pelafa halok, an nendawimo nagaiyek anggugunem hit mondogat hinendawimo hinagaiyek anggogoin aro.

1 TESALONIKA 4:14

At Yesus ebe wa'lagaikhesigen eluk agaikhe andi eberogoat iluk futfikhi lago. Andi nen, afuni at inom hundik logolik wa'lari'lagwi mene hobuk Allah nen inelugerinabimbik, Yesus inom mondok logouwageluk eberogoat woginabigin iluk futfikhi logouwagaro.

1 TESALONIKA 4:16

Ninoe Enupogot pogoroba nen pi wagunem he, it malaikat inoe kain mene ane hokhorogo igik, Allah ambinggong ane, futhugunem ane pak igik, ugunem, afuni Kristus inom hundik logolik wa'lari'lagwi mene tak inelugerinabigin.

1 TESALONIKA 5:10

At Yesus ebe nit faget ninom nineluk mondok logouwogeluk wa'lagaikhesik he, hobuk wesigin andi, ninebe wa'lasumo wesigin he a? Nineluk were'ma wesigin he a. Fano nek. At ebe wesimbik, ninom nineluk mondok logogun andi.

1 TIMOTIUS 5:24

It ekhe weak hilingitarek mene andi wene inoba figik, kotik, agarek oba oan lagi'le'ma, weinam agarek andi. Nen, it ekhe weak hilingitarek mene sebelek logombigen hobuk weinam asigin mene werego.

1 TIMOTIUS 5:25

Andi hagat, it ekhe fano hilingitarek mene weak-weagat weinam agarek andi. It ekhe a'nogo fano hilingitunem hinago mondok logogin lek. We, weinam asigin aro.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

WAHYU 10:4

Unggunggu ane a'nogo ugunem he, an lisu paligeluk igi meneat he, pogoroba nen mel yaganeta: ”Unggunggu ane 7 nen ugunem hesanggo holhen mene andi, lisu paligin lego. We, hendawimo kamo ino,” iluk yaganetama holhirik he, kamo igi.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.

WAHYU 11:19

A'nogo ugunem isigirik yethigi hak he, pogoroba Allah awi wuri'mo kwe hu'lagunem he, Allah nen wene komotninafikhe wene lisu palek peti elonggoma kwalek welagaikhe a'nogo weinam aga. A'nogo weinam agunem he, eilabut hobugalep yararethigik, unggunggu ane pak ilugen ane lulu lagik, lugul lang-fanget higik, meiso sogonggen hokho mene pelafik ninggik ugunem yethigi o.

WAHYU 16:17

A'nogo higiri'mo nen, ombo'ne re, at malaikat mene sabit mene a'nogo nen, Allah a'mage i hak hinago a'nogo mene ekhe kweisalogo pogot abel manggwe ohena obali'mo pelafunem he, Allah awi wuri'mo at kain welagarek obuluk oba nen ane hokhorogo mel ikhe: ”Arat wurep kobokhogo hilinglaga o,” iluk ikhe.

WAHYU 19:9

A'nogo ugunem holhiri'mo nen, at malaikat a'nogo nen yi'nogo yaganete: ”It afuni Domba Eak agwe hak ikhikhi logolik, seni isago na wesuageluk inayonggo faga mene halok inendawimo inagaiyek asuago, iluk lisu palino o,” iluk yaganetesik, hobuk yaganeti logolik: ”Wene yi re, eberogoat Allah nen ikhe mene o,” iluk yaganete.

WAHYU 2:1

A'nogo yaganetesik hobuk mel yaganete: ”An nenggi ebekwe hesagal ebe 7 nen fisogo logolik, esage ibilogo fagarek mene ebe 7 nen eisok emas meneba hilingisogo telik omanogo esanggokwe werek kwelek, anggele'ma tulem nikhi lagi mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Efesus andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palin:

WAHYU 2:7

Wene igi mene andi, at Allah Areagun en Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o. At sa nen omame asigin halok he, Allah eabumo enggen inelugerinaferek mene noageluk wogosigin o, iluk wene mondogat yagaisigi mene andi, lisu palogo inoba lakfeino o,” iluk yaganete.

WAHYU 20:6

It afuni attak wa'lagaukwa mene ekhe hobuk warek mondok logouwageluk wene inoba fembik inoasumo wa'lasugun. Meneat he, it ekhe attak inambotkwe inelugerinabimbik, inebe Allah faget inobagagin mene andi nek he, inendawimo mondok inagaiyek hogoino. It andi hobuk wa'lagi'lek logolik, inebe Allah inom, Kristus inom, emberek eisewerek a'luk, o mo lagagik, pigik, ugu kwelek 1.000 tahun oba, it Kristus inom afuni ekhe inawe a'ma fisaluk ferinarek logogun isigi.

WAHYU 21:5

Nen, at Allah ebe kain welagarek mene obuluk a'nogoba logolik, mel ikhe: ”Yi mene ti mene mondogat ket mene elalogo figi yoma yethani!” iluk ikhesik, an mel yaganete: ”Wene yi faget, afuni nen he, Wene andi eberogoat, iluk futfogoin mene andi nen he, lisu palin o,” iluk yaganete.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

WAHYU 6:11

aren he, ”Hinerugwi hinagaila'lak fenakwe hinom an faget hilingiti lagagip mene, hit hinoatukwa andi hak, inoasugun mene oan werek andi nen he, it faget nenangorogo set walogo eil misik logoino,” iluk yagaisikhesik, inasu kut mene inebe lombok ikfisugunem yerisigi o.