WAHYU 14:1 - Allah Wene Fano Wene Hupla Inane

¹ A'nogo yethigiri'mo nen, ombo'ne yethigi hak he, at Domba Eak a'nogo tom Sion oba mendek were'ma yethigi. Andi re, at ebe inom, it afuni inebe 144.000 nen, at Domba Eak inom, Eisena inom, emberek inenu it andi inebe lombok inelhaba lisu palek were'ma yerisigi.

WAHYU 14:1 ပူးပေါင်းရင်းမြစ်များ

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

YESAYA 49:14

Oba nen he, afuni Yerusalem werek mene nen ikhi logolik, ”Tuhan en nit mondogat oboget nisikhe o, Tuhan nit nineisena a'nogo nen nit ninoba onggoret ninobagaikhe,” iluk ili'lagwi.

YEREMIA 1:11

Tuhan nen an heinok wo'niikhi logolik, ”Yeremia ahwi, nena mene heilenggen hegen?” iluk heinok wo'niikhemo, An nen he, ”Tuhan neisena, E badam enggi neilenggen higi o,” iluk yagati.

YEHEZKIEL 1:4

A'nogo nunggul legeisogo liakhasigi re, sogoi hokho mene o abel utara fikhiren funha waga laga. A'nogo funha wagunem he, ohena hokho logoumsek meneba nen, eilabut hobugalep yararet hugunem he, o pogot esanggo-esanggo mondogat lia-fiarogo hilinglagunem higi. Nen eilabut yararet hikhi laga mene andi ebe re endu hangge mene re, elonggoma re, elokhonggen tembaga hangge ombak-bak hokho mene were'ma hasigi.

YEHEZKIEL 10:1

Andi nen an neilenggen liakhigi re helage palek mene ambolkwe it kerub inunggulmo andoma re, no ekhe takhta hu'lagungge helep nilan meneba pugunhogo hilingik mene hangge were'ma higi.

YEHEZKIEL 10:9

An ekhe inomat neilenggen hugunemen he it kerub andoma ogore inebe lombok ineisok pirim etu mene andoma re misiktek higik inabelma higit welaga. Roda ebe enggaminogo andem he ebe higitse'ma no permata eil mondok fano amulit yabelanget hugu mene hilingik welaga. Inebe lombok he roda ekhe amu mene tulem andoma tiagansek welaga.

YEHEZKIEL 2:9

A'nogo yaganetemo neilenggen yethasigi re, enggimo suesingga yinggilik mene fisogo logolik noba pisarogo lakfei wagunem higi.

YEHEZKIEL 44:4

Andi nen ap a'nogo nen an wo'narek lagasik kwe abel utara fikhit Tuhan awi wuri'mo obalik hore'ma elokhe fikhit andoma nobagai laga. Lagama re an nen futfikhi logolik, Tuhan awi wuri'mo omanogo kwelakhugunemen he, Tuhan ebe werek iluk enekhogo re selek ombak-bak a'nogo yararet hikhi laga. Ma re, an nelokhe sogoum fogerati,

YEHEZKIEL 8:7

Andi ikhesik he an a'nogo wo'narek o kwe ambe palek abel endakwe wulibi lagaikharek meneba wo'narek lagaikhesik he pa'leget andiba folelek ekhe were'ma hoageluk inukniikhe.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

DANIEL 12:5

A'nogo yaganetemo nen he, an nen ap pire mene were'ma isigi. An neilenggen isugunem en he ap ekhe re i esanggo yoma fikhit mendek welaga, nen ekhe re i esanggo elikwe fikhit mendek welaga.

YOEL 2:32

A'nogo meneat he, ap sa nen An hineisena Tuhan nen lebetninabuageluk yaganesugun mene halok enek he An nen mondogat telinabigin. An Tuhan nen ikhi logolik he, An nagainafuri o Yerusalem oba andoma nen wolinafigi mene nek he inagap telinabigin o,” iluk ikhe isikhe.

AMOS 8:2

A'nogo higimo nen, Tuhan nen an yaganeti logolik, ”Amos. Nenamene heilenggen hegen?” iluk heinok wo'niikhemo, an nen he, ”Mul ugu misik meneba re enggen yugulik mene nek taganegengge kwalek were'ma higi o,” iluk yagatimo, Tuhan en yaganeti logolik he, ”E enggen wurik agunem palu higit agarek andi hak, afuni Israel mene an nen hilinginabigin mene horok agasik werego. Ma re, an nen hilinginabigiluk anggigi mene andi, sugulhi'lek, eberogo nenat wene arat inoba fagain o.

MIKHA 4:7

It afuni andoma re, ineisok endenek mene hakhogo hilingfisaluk it inawi eroma nen he, yatma woginarek fisa lagagi mene andomaba nen, it fena ineluk werek mene andoma re An nen inunggulenu ket mene salogo fisamo, inunggulenu hokho mene hilinglagik, inomame hokho agik, ugun o. A'nogo hilingfisambik An nebe Tuhan At logolik Tom Sion oba andoma melalinafu mondok logogin,” iluk ikhe.

ZAKHARIA 4:2

”Haren yogondak ya nenamene hikhi lagen?” iluk heinok wo'niikhemo re, an nen onggo ikhi logolik, ”Lampu eisok emas mene misik enek hilingik engge were'ma higi o. Nen, lampu andi aiyogouk ambol ebene andoma re minyak fuguba obalik hilingik were'ma re ebe maserogo lampu tujuh nen werek oba omanogo amu-amu re asu endu amulok wialhu mene faget obalik ebe sabiren mene hilingik welaga.

LUKAS 12:8

A'nogo yagaisasikhesik, ekhe mel yagaisasikhe: ”Ap sa nen, Yesus andi an noe o, iluk afuni ineilhanem fakhogo ugu halok he, An Abat ta'lasi wagagi a'nogo nen ogo re, At yi an nagoro, iluk, it malaikat Allah nen yonggo lakfisa wagarek mene omanogo ineilhanem nane fakhogoat yagaisagain o.

ROMA 9:33

Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.

WAHYU 14:14

A'nogo yaganetesi'mo nen, ombo'ne re, ohena kut mene were'ma, ap ebe abat ta'lasi wagaikhe mene a'nogo hangge mene kware-kware emas mene unggul oba ugu, nen, karok enggat hokho mago mene maserek mene enggim fisogo logolik, ebe ohena a'nogoba hurek were'ma yethigi.

WAHYU 14:3

A'nogo inane hokho ikhi logolik, Allah ebe kain welagarek mene obuluk oba werek kwelek, it aren elalinafikhe mene ekhe inebe enggaminogo omanogo inom, ap inaluendek omanogo inom, ineilhanem wuni ket mene felalogo it afuni fena yanggulhi'lek inonggot, we, it afuni inebe 144.000 kweangma nen arat telinafe mene omanogo nek inelumo watunem inane nesanggo holhi.

WAHYU 15:5

A'nogo higiri'mo nen ombo'ne re, pogoroba Allah awi wuri'mo kwe hu'lagunem elonggoma re, at Allah ebe welagarek iluk, o su mene wurik a'nogo were'ma yethigi o.

WAHYU 22:4

A'nogo logolik, Allah enu it inelhaba lisu pale'ma re, iren at elokhonggen ineilenggen hikhi logogun.

WAHYU 3:12

Nen, sa nen omame asigin mene halok, o anduli liafarek andi hak, at a'nogoat Allah onggwarek awi wuri'mo menogo fagain, neisena Allah enu inom, awi kota Yerusalem ket mene pogoroba nen pelabi wesigin mene andi enu inom, an nenu ket mene inom, an nen, at andi oba lisu palogo foumo re, at ebe o andoma nen wulibi wesigin mondok lego,

WAHYU 4:1

A'nogo yaganetunem higirik oba nen ombo'ne re, nabikanggo ekhe yi'nogo yethigi. Pogoroba re, kwe ekhe hurik were'ma, at attak ane pinggong ane hokho meneba yaganetunem nesanggo holhi mene a'nogo nen hobuk mel yaganete: ”Wene ya logombigen hobuk hilinglasigin mene heilenggen yethanogeluk, yagahesigen he, lagai me o,” iluk yaganete.

WAHYU 6:8

Holhirik, yethigi hak he, wam kuda esi afuni wa'lasuogeluk inelokhonggen mola agarek andi hak mene nugunem yethigi o. Nen, inebe wa'lagaikharek andi ero, afuni hangge agasik he, wam andi amboroba oba hurek nikhi laga. A'nogo nugunem, at ombo'ne re, kweang a'ma pagarek andi, afuni hanggeat agasik he, emberek nugunem yerisigi. A'nogo nikhi logolik, afuni kweangma mene mondogat inebe enggaminogo oba nen minggilogo fisaluk, henagan oba inoati'lek herakfisaluk, ekhe nek afuni ekhe nen karok oba inoatunem wa'lagik, sumburu nele nen wa'lagik, ou ero hokho meneba wa'lagik, mene olomene inom, wam maro inom inaigen libilinafunem wa'lagik, ikhi logouwageluk eisewerek fisagama nugunem yerisigi o.