WAHYU 13:2 - Allah Wene Fano Wene Hupla Inane

² At mene olomene hokho mene wulibi wagunem higi andi ebe re, mene hak enu harimau hangge. Nen, eisok he, paik inum hangge hokho mene enu beruang andi eisok hangge. Nen, ambe re, mene olomene hangge enu singa ambe hangge mene a'nogo weinam agasi'mo re, at kisu hokho a'nogo nen, mene olo mene hangge andi yagati logolik, ”An kain nomame hokho logolik, yi mene ti mene eisewerek welagirek a'nogo hak, hat an nobali'mo kain logoinogeluk menhobagagi o,” iluk yagatunem holhi.

WAHYU 13:2 ပူးပေါင်းရင်းမြစ်များ

2 RAJA-RAJA 2:24

A'nogo yagatukwama, at Elisa elokhe lagokhogo eilenggen yenggerugwi omanogo yerisasikhesik Tuhan enu hombuk palogo homan ikfisasikhemo, paik unum hangge hokho mene enu beruang helou mene ebe pire enggama nen wulibi wagaukwasik, yenggerugwi omanogo inebe 42 nen mane aigen libi'labakhogo inoatikhe.

MAZMUR 22:21

An neluk yi karok ambisangma agi hanogoluk, Haren telnabime o. Mene nen libilinaferek hak, noasuogoluk ili'lagwi yi, haren an telnabime o.

AMSAL 17:12

No beruang eak longgot fuluk agaisa nek lagunem inom ambi agaikharek andi re fano, oba nen ap kembu mene nen kembu-kembu aple omanogo faget asengseng aple hilingitu welagaikharek andi nek he mondok weak.

AMSAL 28:15

Mene singa nen ane kouwarik lagarek hak, athe no beruang en muginarek lagarek hak, ap weak mene nen ferinarek logolik he afuni inenggi lek inelagaikhogo welagaikharek mene omanogo inoba lalfalhogo hilinginafu welagaikharek andi.

YESAYA 5:29

It mene inagoromi tentara re mene singa nen at ninggeregengge ket senggelfakhaluk ane kouwaterek hak hilingiti logolik he mondok felelenghogo helaluk nanimuk ilagunem he aben ogo ekhe fakfou re elo'lek.

YEREMIA 13:23

Afuni inagap sing mene re inagap elokhe amu mene inom agam esumo re elok nogo, athe no harimau esi lel fenggenek mene andoma leget foumo re eloga? Mondok elo'lego! Andi higit he hit hinaniniba nek hilingiti lagep mene andoma re fano mene hilingisu re elo'lek welagebo.

YEREMIA 5:6

Andiba it inebe re mene singa enggama nen senggelinafik, nen olomene serigala o leimo nen senggel fogat inafik, igin o. No macan tutul he it inawi kota horok-horokwe andoma lagik wagik hilingiti logolik senggelinabigiluk heraginafi logogin, nen afuni wulibi lagu mene omanogo re senggelinafi logogin. Andoma mondogat he iren inaweak hokho pokhorogo hilingik welagik, nen hundik-handik Allah inambot woge'luk welagik, hilingiri'lagwi andiba hilinglasigin andi.

HOSEA 11:10

Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.

AMOS 3:12

Ap gembala misik ekhe anggo domba mene singa nen senggelhunem, oak pire sanoksek hea, esanggo tilipsek hea, nek heratarek hak, afuni Samaria mene inagaiyekhogo inebe nogoli'lagwikwe mondok fano meneba yinggilogo werek mene andoma re, we inebe endebat enek telinabumo re ineluk logogun o,” iluk ikhe.

AMOS 5:19

O andi sambul wei ikhi logolik hilingisigin he, afuni ekhe mene singa inailo nen agaiserogo heise logoin meneba nen, no beruang inom ambi asu hak hilingitik, nen inambotkwe inaiba we'luk inenggi o hobat oba fakhugunem, kisu aigen palinabu hak hilingitik, igin o.

HABAKUK 1:8

It inangge kuda uarek lagunem he no posi hangge enu macam tutul andi eisok lek oba nen he mondok furung warogo lagarek. Nen anini re mene olomene ambe nele nen hubanggo wagarek andi obabut endebat fano hangge meneat he, it inanggo kuda andoma re obabut mondogat weak. It ap andi inaiba yatma nen kuda amboroba lagaluk uarek wagunem he sue pim en at nunggu mene hikheresik indu-wandunggwe sebeli pikherek andi hak, inoasi kwi wesugun o.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

WAHYU 12:13

A'nogo pelabi wagaikhemo logolik, ”An yi'nogo kweangma pelaknobagai wagama welagi,” iluk futfikhesik andi nen he, he eak ap takhikhe mene a'nogo wasigeluk murok nikho.

WAHYU 12:15

A'nogo were'ma, at kisu a'nogo nen, at he a'nogo i fu nen waluk loageluk, i ambelema nen elesi hokho mene wulagaisogo, he a'nogo ebe werekwe higithogo lakfikhi laga.

WAHYU 13:12

Weinam agasik, mene olomene hangge attak mene a'nogo eisewerek logolik hilingiti laga mene, at mene olomene hangge hobuk weinam aga mene andi eisewerek agasik, aren afuni yagaisikhi logolik he, ”Afuni kweangma welagep mene mondogat, at mene olomene hangge attak mene a'nogo watukwama re, ebe wa'lasu hak mene fano agaikhe mene andiat hinendawinggen oba himbiret fuluk fogerasugun o,” iluk ane ninghogo yagaisugunem holhi.

WAHYU 13:4

At kisu a'nogo nen, at mene olo mene hangge hokho a'nogo yagati logolik, ”Hat kain homame werek logoinok,” iluk menfikhe andi nen, it afuni inendawinggen kisu a'nogo inom, mene olo mene hangge hokho a'nogo inom, inoba himbiret fuluk fogerinafi logolik mel ikhi lagaikha: ”Kisu hokho yi emberek higit he, sa anggegep, Emberek higit ekhe lek. Sa hagen at emberek weim yabugun anggegep, Elo'lego,” iluk ikhi lagaikha isigi.

WAHYU 16:10

At malaikat fuaben mene ekhe nen Allah a'mage i hak hinago a'nogo mene ekhe kweisalogo mene olomene hangge hokho mene a'nogo kain welagarek obuluk oba pelafunem he, o at kain logolik ferinarek welagarek oba mondogat mum aga laga. A'nogo mum agunem, it afuni heinet wati logolik, inameli inaigen himbiret fuluk, mel ikhi lagaikha: ”Ninoumo ou weak yoma nabire,” iluk,

WAHYU 17:12

Nen, andimuk unggul oba 10 nen wulibik hegen andi ebe re, ap inebe 10 nen kain asugun mene oan werek mene hegen meneat he, it kain menfisamo, at mene olomene hangge a'nogo inom, we, satu jam faget enek kain logolik afuni ferinarek logogun mene hegen o.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.

WAHYU 2:13

Hit he, Iblis ebe kain logolik afuni ekhe awe a'ma ferinarek welagarek oba welagep andi an nelu o. A'nogo Iblis awibaat logolik, an namlogo Antipas nen nabok aberali agi'lek, obabut humbunhogo yagaisilik nugunem, it ekhe nen ebe hinendawimo nen watunem, hiren he, nit ninendawinggen Yesus oba eberogoat himbirik welagorek andi lek, ninabit, iluk kobokhogo heraknobagagi'lek, ninom hundigat mondok welagep andi, hinobabut an nelu o.

WAHYU 20:2

A'nogo waluk pi wagasik, at kisu hangge hokho o endam en welagaikhe mene enu Iblis igik, Satan igik, agarek mene a'nogo, ebe fakfuluk, yi afuni ti afuni lalinaferek andi hak lalinafi'lek 1.000 tahun enggi hele warek kweang a'ma ma'lima logouwageluk pelafesik, kwe kolok yagarogo kwelakfisagarek andi hak, kwe kunci yagarogo fugunem higi. Andoma logombigen, fikhalogo liakfei wesugun obaat we endebat faget fikhalek logouwageluk fikhalogo liakfei wesigin.