WAHYU 12:7 - Allah Wene Fano Wene Hupla Inane

⁷ A'nogo lagasik werek kwelek, pogoroba weim kagalagunem yethigi. Malaikat Mikhael agoromi inomen kisu a'nogo wasuogeluk ugunem, at a'nogo agoromi malaikat at werekwe mene inom agaikhasik weim yafi lagaikha.

WAHYU 12:7 ပူးပေါင်းရင်းမြစ်များ

MAZMUR 78:49

At a'mage mondok hokhorogo lagakhi lagaikhe mene a'nogo it inendawimo mondogat weak asuageluk, malaikat ap inoatarek mene esa misik lakfisa wagaikhe.

YESAYA 34:5

Tuhan he pogoroba karok foukhogo fikhesik werek, enggere yogondak karok andiba re inunggulenu Edom mene inoba unggum wogisambik inebe legaphogo fisa wesigin.

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

DANIEL 10:13

Malaikat o Persia kagalinarek logolik werek mene a'nogo nen enggi 21 hari andem oba re an nomame leget nobagagin iluk hilingite. A'nogo hilingitemo nen he it malaikat melalinafarek mene misik ekhe enu Mikhael a'nogo nen an lebetnabi waga. Nen at ebere an nen o Persia andoma fuluk wagi o,” iluk yaganete.

DANIEL 12:1

A'nogo yaganetesik malaikat asu lenan su meneba laberek mene a'nogo nen nekhengge yaganeti logolik, ”Linggene andi sambul he, at Mikhael malaikat hokho mene hat hunggulenu mene kagalinarek welagarek mene andi weinam asi wesigin. Andi nen he inenggi ekhe enggin-fenggin hokho mene hogoin oba attak yi afuni ti afuni inunggulenu lombok welagaukwaba ogo ekhe hasukwa lek mene logogin. Oba nen he afuni hat hunggulenu mene mondogat inenu buku Allah nen meneba lisu palek werek mene andoma re inagap telinabigin.

MATIUS 13:41

An abat ta'lasi wagagi a'nogo nen nagoromi malaikat Allah pogoroba nen yonggo lakfisa wagarek mene yonggo lakfisa wagunem, iren he, Allah awe a'ma fisikhere'ma andoma nen, yi mene ti mene afuni nen weak hilingisuageluk hilinginafarek mene inom, yi afuni ti afuni weak hilingitarek mene inom, andogorogo fisaluk,

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 26:53

Yogondak an nebe elele wo'nabuageluk he, neisena kino yagasumo, aren it malaikat Allah nen pogoroba yonggo pelakfisa wagarek mene omanogo inebe esa 12 nen endebat meneat he, esa mondok hokhorogo inayonggo foumo, folfuluk telnabi wesugun elo'lek anggegen?

2 KORINTUS 12:7

An nen, ”Nabikanggo elalin mene neilenggen higi andi nailo e,” iluk nonggwaregen fogerakhanogo iluk he, afuni inebene alok kugunem heinet watarek hak, ou noba agunem heinet wati logouwageluk, nobagasikhemo, Iblis nen ayonggo fesikhe mene hangge noba were'ma, ninoe Enupogoren henegeisogo wulakfisoageluk nenggi henagan oba ayonggo figi meneat he,

EFESUS 6:12

Nit weim hak yafi lago andi re, afuni mene ninom yafi lago fuk. Lego. Athe, kain mene, inane werek mene, o mum oba kweangma yoma ferinarek welagaikharek mene, munggwarengge inobabut weak mene pogoroba honggolek kweangma honggolek were'ma ninom yafi lago.

IBRANI 2:10

At Allah andi re, yi mene ti mene at onggwarek faget, onggwaregenat elalhikhe mene nen, afuni at againafuri hokhorogoat fogerinafi logogun oba woginarek loageluk, kwe wanhikhe mene ebe Yesus aro. Arenat afuni elok telinabimbik woginarek laga logouwageluk yi enggin ti enggin hilik-hilik wa'lasuageluk anggasikhe andi re, elok angga hagat higithogo anggasikhe.

2 PETRUS 2:4

It malaikat Allah nen yonggo pelakfisa wagarek mene ekhe weak hilingitukwama Allah nen herakfisigi'lek, we, wene hobuk inoba feigeluk he, o mum wea'ma inenggi hele warek logouwageluk pelakfisasikhe andi.

YUDAS 1:9

At Mikhael, malaikat Allah nen yonggo pelakfisa wagarek mene inoe kain andi nen, it ap andi hilingiri'lagwi andi hak hilingisu ailo welagaikhe. Athe, Musa ebe warek faget, Iblis emberek wene palhi logolik, ane ninghogo wenagetikhesik wene oba fou elok meneat he, ailorogo, mel yagatikhe: ”Nineisena, Enupogoren wenakhesuago,” iluk yagatikhe.

WAHYU 12:8

A'nogo yafi logolik he, at kisu hokho a'nogo mabenet fagasik, at ebe inom, malaikat at agoromi mene inom, ”O pogoroba yoma logogun mondok lego,” iluk kweangma pelakfisa wagunem isigi. Kisu hokho andi, enu re, Iblis igik, Setan igik, agarek mene attagaren afuni mondogat lalinaferek mene a'nogo aro.

WAHYU 13:7

Andi hagat, afuni inunggulenu lombok, inane lombok, inagap lombok, inawi lombok, mondogat aren awe a'ma fisaluk ferinarek logouwageluk menfikhemo eisewerek a'luk, Allah againafuri inom weim yafi logolik, mabenetfisikhi laga higi.

WAHYU 20:2

A'nogo waluk pi wagasik, at kisu hangge hokho o endam en welagaikhe mene enu Iblis igik, Satan igik, agarek mene a'nogo, ebe fakfuluk, yi afuni ti afuni lalinaferek andi hak lalinafi'lek 1.000 tahun enggi hele warek kweang a'ma ma'lima logouwageluk pelafesik, kwe kolok yagarogo kwelakfisagarek andi hak, kwe kunci yagarogo fugunem higi. Andoma logombigen, fikhalogo liakfei wesugun obaat we endebat faget fikhalek logouwageluk fikhalogo liakfei wesigin.