WAHYU 11:4 - Allah Wene Fano Wene Hupla Inane

⁴ It ap inebe pire andi re, e zaitun pire inom, esage ibilharek mene eisok telik pire mene inom, nineisena Enupogot yi mene ti mene mondogat eisewerek welagarek mene elokhoma welagaikharek a'nogo, it ap andi aro.

WAHYU 11:4 ပူးပေါင်းရင်းမြစ်များ

1RAJA-RAJA 17:1

A'nogo hilinglagaikhe andem sambul he, ap ekhe Allah ane yagaisikhi lagaikhe mene enu Elia, aiba Gilead mene, o kota enu Tisbe andi welagaikhe. Logolik, inenggi ekhe sambul he, at Elia andi ap raja Ahab oba lagaikhesik mel yagatikhe: ”Nit afuni Israel mene nineisena Tuhan Allah eluk mondok welagarek mene, an nen At obaget hilingitirek mene a'nogo oak. Hobuk tahun pire hea? henagan hea, logogun andem oba re, lilengge engga bene ekhe welagik, o meiso endebat halok ekhe ninggik, igin mondok lego. We, an nen lilengge hea, moiso hea, wesuak igin halok enek he, wesigin o,” iluk yagatikhe.

MAZMUR 52:8

A'nogo hilingitunem ineilenggen hisaluk he, ap Allah ane hologo hilingitarek mene omanogo inailo nen, endo yakhafi logolik, yi'nogo ikhi logogun:

KELUARAN 8:22

A'nogo meneat he, haren he, andi Tuhan nen hilingiri'lago higi, iluk futfeinogen iluk, An nagainafuri inaiba welagaikharek oba o Gosyen andoma nek he, sobon mondok lek logogin o.

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

YEREMIA 11:16

An nen it faget ikhi logolik, it he e zaitun engga mulirek logolik, enggen mondok fano mene nek si'nogo kwani ugu mene iluk isigi aro. Oba nen yogondak he An nane sup polang eti logolik he e andi engga inom enggi segelet inom mondok felelenghogo endu noligin.

MIKHA 4:13

Tuhan nen ikhi logolik, ”Hit afuni o Yerusalem welagep mene yi. It hinaselei mene andoma hineisogen alperelogo fisobagaigen he lani o. An nen wam sapi andimuk besi meneba inom, eisok a'lip tembaga meneba inom hilingik hak hilingisogo hinobagagin. Nen, hiren he afuni inunggulenu lombok inebe hokhorogo alperelogo inoatik, inangge yi mene ti mene onggo hokho mene hugul helasukwa mene andoma hiren wanimbik he, An hineisena Tuhan o kweangma yi awi ti awi mondogat faget welagirek mene a'nogo nobaget feino o,” iluk yagaisikhe.

LUKAS 11:33

A'nogo yagaisasikhesik he, ”Afuni ekhe re, esage ibilogo hinagoma figik, iwak a'ma sebelogo figik, hilingitarek mondok lek. Athe ibilogo re, afuni oloba kwikhi logolik o selek were'ma ineilenggen enegat hoageluk he, eisok legeisogo telik oba fagarek.

LUKAS 21:36

Yi'nogo ti'nogo mondogat hilinglasigin igi a'nogo hilinglagu kwelek he, hinomamerogo hinafe morogo logolik, hinenggali legat nelokhoma mendek were'ma, an abat ta'lasi wagagi a'nogo hisa wesigen he, hundik-handik sambanat ikhi logolik he, hinebe hebelogo logoino o,” iluk yagaisasikhe.

ROMA 11:17

E zaitun ero fano mene were'ma re, enggi ekhe palogo lakfisaluk he, obali'mo e zaitun enggama mene enggi palogo hunesi wesumo re, e ero hundik logolik amusu werek logou hak, hit andi re, hinebe enda'ma mene Allah nen it Yahudi mene omanogo hinom hunogo hinobagasikhemo fano welagebo.

ULANGAN 10:8

Wagaukwama, At nineisena Tuhan tom andiba nen afuni inunggulenu Lewi mene At faget hilingitik, Peti Wene Warogo Aren wo'ninafikhe mene elema kwalek andi waluk lagik, Aren afuni ekhe fanorinafi logouwagaluk enu hombuk palogo yagaisigik, ikhi logouwageluk inebe At onggwarek faget hilingitikhe andi. A'nogo hilingitikhemo, it yabu andi mene hilingitu mondok huli yogondak hilingitoat welagaikharek.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.