WAHYU 11:12 - Allah Wene Fano Wene Hupla Inane

¹² A'nogo inailo asimbik werek kwelek, pogoroba nen ane hokhorogo it ap pire wene yagaisikhi logogun mene a'nogo mel yagaisagain: ”Lagai we'ni o,” iluk yagaisugunem, it ap a'nogo inom weak mene omanogo ineilenggen yerinarek werek kwelek pogoroba ohena anggele'ma lagagunem, isigi o.

WAHYU 11:12 ပူးပေါင်းရင်းမြစ်များ

2 RAJA-RAJA 2:1

Tuhan nen Elia ebe sogoi oba hambokhogo kini-wani waluk pogoroba lagagin oba arat asi wagaikhe. A'nogo asi wagaikhemo, at Elia Elisa emberek o Gilgal en wagaukwa.

2 RAJA-RAJA 2:11

Emberek seberogo laga logolik weneane marik wonghogoat lagunemen he, ferekhogo aremnogo kereta endu kulunghogo wam kuda nen li'luk waga logolik it emberek aremnogo minggilinabik wagaikhesik he at Elia a'nogo sogoi sielu nen hambokhogo kini-wani waluk pogoroba lagasikhe.

2 RAJA-RAJA 2:5

A'nogo lagaukwama, ap Allah ane yagaisikhi lagaukwa mene o Yerikho welagaukwa mene esa logalogo Elisa oba wulibi wagaukwasik he, mel yagatukwa: ”Hat he o yogondak yiba Allah nen hat hoe ebe hambogoisogo waluk pogoroba lagaumo, herakhobagagin mene andi re helu welagen a?” iluk heinok wokhasukwa. A'nogo heinok wokhasukwama, at Elisa nen he, ”An ogo nelu welagi hilingi'mo re, hinane lega'ni o,” iluk yagaisasikhe.

2 RAJA-RAJA 2:7

A'nogo lagu kwelek, it ap Allah ane yagaisikhi lagaukwa mene inebe 50 nen inombo'ne lagaukwa. A'nogo lagaukwama, it Elia Elisa emberek a'nogo i Yordan esanggoma lagaukwasik kamo isukwa. A'nogo kamo isukwama, it ap Allah ane yagaisikhi lagaukwa mene inebe 50 nen omanogo re inombo'ne lagaukwasik yatma hagen mendek logolik yerinarek welagaukwa.

MAZMUR 112:10

Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 15:1

Tuhan neisena, Hat hawi su mene wuri'mo andoma sani elok ku hak nogo, Hat honggwarek Handom Horek meneba andoma, sani elok logou hak nogo?

MAZMUR 24:3

Tuhan andom oba andi re it sani higiren lagaluk, At awi hore'ma andi elok kugun nogo?

MAZMUR 86:17

It afuni an noba inabiret nobagali'lagwi mene andoma re, Haren lebetnafunem ineilenggen nealuk inenggali asuakhogo re, neisena Tuhan Haren enegengge ekhe wo'nomo, iluk samban isikhe.

KELUARAN 14:25

Inangge kereta eisok nong-honget fesikhemo inoba wesu re, mondok elo'lek agaikhe. A'nogo hilingfesikhemo, it afuni Mesir mene nen he, mel isukwa: ”Afuni Israel mene ineisena Tuhan it werekwe agasik nit ninoasigiluk hilingiri'lago higi. Halok nit ya nenat heise louwogen we'ni o,” iluk isukwa.

YESAYA 14:13

Hat hebe pogot hophogo lagai lagagendik he, hat hebe hurek welagen mene a'nogo re hesagalenggen amu mene amboloba legeisogo fesigin. Haren anggikhi logolik abel utara fikhit it dewa kabogetarek oba andoma an raja mendek logogin anggasigin.

YESAYA 40:31

Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.

YESAYA 60:8

Ohena hakhogo tari'logongge andi re nena mene nogo, sue abiang hak mene aiba tarogo lageluk hangge andi re nena mene nogo?

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

LUKAS 16:23

Nen, ebe re, wa'la'luk lagaikhare'ma andoma lagaikhesik mondok weagat logolik he, elokhe hebekhogo liakhasikhe re, Lazarus Abraham era'lu were'ma eilenggen liagisasikhe.

KISAH PARA RASUL 1:9

Wene a'nogo arat yagaisasikhemo, Allah nen at ebe pogoroba liakfugunem, ineilenggen werek kwelegat ohena nen salhikhemo re, ineilenggen hobuk higi'lek.

1 TESALONIKA 4:17

Hobuk nit nineluk logogun mene ninomat ohena anggele'ma hambokhogo wo'ninarek lagagunem he, ninoe Enupogot ninom tulem po ya ambi asi lagambik he, At ninom mondogat logoguno.

WAHYU 12:5

A'nogo werek kwelek, afuni nen sige tomuk waluk wam konharek andi hak, at he a'nogo eak ap mene tatikhesik he, sige tomuk posiemanggen mene waluk afuni inunggulenu lombok mondogat awe a'ma fisaluk omamerogo ferinarek logogin mene takhikhe. A'nogo tatu kwelek, aremnogoat omalik a'nogo telogo waluk Allah kain welagarek oba obuluk a'nogo elokhoma fei lagunem yethigi o.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

WAHYU 4:1

A'nogo yaganetunem higirik oba nen ombo'ne re, nabikanggo ekhe yi'nogo yethigi. Pogoroba re, kwe ekhe hurik were'ma, at attak ane pinggong ane hokho meneba yaganetunem nesanggo holhi mene a'nogo nen hobuk mel yaganete: ”Wene ya logombigen hobuk hilinglasigin mene heilenggen yethanogeluk, yagahesigen he, lagai me o,” iluk yaganete.