WAHYU 11:10 - Allah Wene Fano Wene Hupla Inane

¹⁰ A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.

WAHYU 11:10 ပူးပေါင်းရင်းမြစ်များ

1RAJA-RAJA 18:17

Lagaikhesik, at eilenggen Elia ebe yethasikhesik, ane hokhorogo mel yagatikhe: ”Nit afuni Israel mene ninaiba yoma o elokhenggen weagerarik nikherek mene a'nogo ari yethani,” iluk yagatikhe.

1RAJA-RAJA 21:20

A'nogo yagatikhemo, at Elia ebe at Ahab oba lagunem, at Ahab en eilenggen Elia yetha wagaikhesik he, mel yagatikhe: ”Hat an nemberek weak welagorek a'nogo yogondagen noba wagenma ambi aga lago ari a!” iluk yagatikhe. A'nogo yagatikhemo, at Elia nen he, ”Eberogoat egen o. Hat Allah eilhanem honggwaregen hebe weak hilingisogo fakhikhi logogiluk wenagaisogo fakhegendik hilingiti lagen yoma re!

1RAJA-RAJA 22:18

A'nogo yagatikhemo, at Ahab en ap Yosafat mel yagatikhe: ”At Mikha nen wene hobuk hilinglasigin mene faget fano mene ekhe yaganeterek mondok lego, we weak mene nek yaganeterek, iluk yagaheti a'nogo re, eberogoat wene mondok weak meneat yaganete andi hegen a?” iluk yagatikhe.

1RAJA-RAJA 22:8

A'nogo yagatikhemo, at Ahab en he, ”Hun Yimla amlogo Mikha andi nek misik ekhe werek. A'nogo meneat he, aren wene hobuk hilinglasigin mene faget wenggelogo ekhe yaganeterek mondok lek, we weak mene nek yaganeterek andi nen, an at ebe mondok nabit higirek mene andi nek werego,” iluk yagatikhemo, at Yosafat en he, ”Ah, a'nogo ugun o,” iluk yagatikhe.

MAZMUR 13:4

Tuhan Allah neisena, an noba heil kwela'nealuk he, an nen samban ikhi lagi mene andi onggo yaganom o. An nebe wa'lasuageluk hera'nobagau fuk, an nomame mondok lek aga mene yi nobali'mo asuakhogo hilingnobagaino.

MAZMUR 35:19

Wene ero lek kwelek it afuni an ninom eilhogo hilingnobagali'lagwi mene andi nen, an yenggerugwi kwil kwalhogo hilingnobagauwageluk heraknobagagun o. Wene ebe inonggorengge nen an inabiret nobagali'lagwi mene andoma iren inane weak hokhorogo noba fouwageluk herak nobagagun o.

MAZMUR 89:42

Afuni mondogat kwe laga logolik he at angge yi mene ti mene omanogo helili'lagwi. Afuni at inom horok horokwe werek mene omanogo nen inane asegen wokhili'lagwi.

AMSAL 24:17

Hat haselei mene weagerinafu halok he hagaiyek esu fuk, nen at pule pugu halok ogore hagaiyek esu fugat.

YEREMIA 38:4

Andiba re ap yabu legoma hilingitarek inap aremnogo nen raja were'ma lagaikhasik yagati logolik he, ”Eberogo nen he ap yi nen wene ili'lago mene andoma re ap tentara inom nen ap amu mene inom o kota yiba inaberali kwelabi'lago hilingi'mo re at ebe pinggi wasugun o. Aren afuni leberisili'lagore fuk, oba nen he alomat fisili'lago o,” iluk yagata.

YEREMIA 50:11

Tuhan nen ikhi logolik, ”Yago hit Babel hinap yi re, hit he An nagainafuri mene telogo woginabuogeluk hilingitep. Hit he wam kuda nen ane kweti logolik agaiyegen hukhogo lagagik pigik hilingiterek hak, nen wam sapi engga tekhigik nilik laga logolik hilingiterek hak hilingiti lagep.

OBAJA 1:12

It afuni Yehuda meneba wene weak mene andi inoba asi wagu kwelek inom, nen it hagaila'lak andi inebe alomat larik wagunem inom haren hagaiyek hikhi lagen mene andi re a'nogo hilingisu lek mene hilingiti lagen o. Nen, it inebe mondok enggin-fenggin hugu kwelek oba nen hat hane nen weregabet hikhi lagen mene andi re, hilingisu lek meneat hilingiti lagen.

MIKHA 7:8

O Yogondak he, nit o mum oba welagoba nen, nineisena Tuhan nen seleget ninabigin. Nen peikhogo warogoin oba nen, ninambotkwe menlasugun. Andi nen he ninaselei mene nen nit hilingik welago mene ineilenggen nisaluk inagaiyek asugun mene ekhe werek lek.

MATIUS 10:22

Nen, afuni mondogaren an nenu iluk, hit he, at agoromi iluk inabiret hinobagakhi logogun o. Meneat he, sa nen afe morogo logogin halok he, o wurep oba Allah nen teligin o.

YOHANES 16:20

Hobuk hit hinendawimo nen he li le aga logogun meneat he, it afuni kweangma mene inendawimo inagaiyek asigin o. A'nogo meneat he, hit hinendawimo weak logogun mene andi, hobuk fano agunem hinendawimo hinagaiyek hokhorogo asigin o, iluk eberogoat yagahisigi.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

KISAH PARA RASUL 5:33

A'nogo yagaisasikhemo re, it ina'mage hokhorogo lagasukwasik ap Yesus nen wenagaisogo inayonggo fuluk lakfisasikhe mene omanogo inoasuogeluk isukwa.

1 KORINTUS 13:6

A'nogo inendawirogo logolik he, it ekhe nen higithogo hilingiti'lek kwanirogo hilingitunem inendawimo inagaiyek agi'lek logolik, higit hilingitunem enek inendawimo inagaiyek agarek.

WAHYU 12:13

A'nogo pelabi wagaikhemo logolik, ”An yi'nogo kweangma pelaknobagai wagama welagi,” iluk futfikhesik andi nen he, he eak ap takhikhe mene a'nogo wasigeluk murok nikho.

WAHYU 13:14

A'nogo ekhe hilingiti laga andi, at mene olomene hangge hokho attak mene a'nogo nen, elalin mene at eilhanem hilingiti logouwageluk eisewerek fikhe mene a'nogo ebe hilingiti logolik, afuni kweangma welagaikharek mene eranenat lalinafi laga. A'nogo lalinafi logolik, it afuni omanogo nen, mene olo mene hangge hokho karok oba watukwama ebe wa'lasu hak mene ambotkwe fano agaikhe mene a'nogo ebe hangge hilingisogo ilirengge ekhe wusuageluk yagaisasikhemo ebe wutama yethigi.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

WAHYU 16:10

At malaikat fuaben mene ekhe nen Allah a'mage i hak hinago a'nogo mene ekhe kweisalogo mene olomene hangge hokho mene a'nogo kain welagarek obuluk oba pelafunem he, o at kain logolik ferinarek welagarek oba mondogat mum aga laga. A'nogo mum agunem, it afuni heinet wati logolik, inameli inaigen himbiret fuluk, mel ikhi lagaikha: ”Ninoumo ou weak yoma nabire,” iluk,

WAHYU 3:10

A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.