WAHYU 10:3 - Allah Wene Fano Wene Hupla Inane

³ mene olo mene hangge enu singa andi mene ane kwe ikherek andi hak ane hokhorogo ugunem, wene onggo re, unggunggu ebe 7 nen mene inane pakhogo yagati lagaikha.

WAHYU 10:3 ပူးပေါင်းရင်းမြစ်များ

MAZMUR 29:3

Tuhan ane re i laut agum oba nen ili'logo, Allah andungdang werek mene a'nogo ane re i laut hokho talek mene agum oba andoma nen supuk eri'logo.

AMSAL 19:12

Raja a'mage re mene singa nen ngineterek andi higit lagaikherek, oba nen he at raja nen fano hilingiterek mene andi re lilengge enggabene sakhoraterek andi higit werek.

YESAYA 31:4

Tuhan nen an noba ikhi logolik he, ”Singa nen ninggerek engge sebelek logolik, it ap wam domba konharek mene esa logalek omanogo nen inane hokhorogo kwetu mene omanogo faget ailo agi'lek welagarek andi hakhogo re, An nen hobuk Punu Sion a'nogo faget weim yabimbik sebelogo fisogo logogin o.

YESAYA 42:13

At Tuhan he ap weim aninirogo yaferek mene hangge inom, tentara mene nen weim inomamerogo yafarek andi hangge inom, Aren weim a'nogoat yaferek. Aren weim yafi logolik he ami'mit suphogo At omame werek mene a'nogo it aselei mene omanogo inoba inugisikherek.

YESAYA 5:29

It mene inagoromi tentara re mene singa nen at ninggeregengge ket senggelfakhaluk ane kouwaterek hak hilingiti logolik he mondok felelenghogo helaluk nanimuk ilagunem he aben ogo ekhe fakfou re elo'lek.

YEREMIA 25:30

Yeremia ahwi, An nen hat hoba nane igi mene andem he haren mondogat yagaisano. It inoba yagaisikhi logolik, ”Tuhan ane re pogoroba nen pararak eri'lago o. At ebe werek oba obalik mondok fano hore'ma omanogo nen he againafuri inom weim yabigiluk hum liabi'logo. Ap anggur enggen perelharek oba nen abologet hugunem hilingiterek hak, Aren abologet hamo re yi afuni ti afuni o kweangma welagaikharek mene mondogaren holugun.

YEHEZKIEL 10:5

Kerub andoma inogolabi lambun hugunem abolok he, Allah Omame Mondok Hokho mene a'nogo ane ugunem hangge o senggelek hokho mene a'nogo abel endakwe fikhiren holhi lagaikha.

HOSEA 11:10

Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.

YOEL 3:16

Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

AMOS 1:2

A'nogo yagatikhemo, at Amos nen isikhe mene re yi, ”Nineisena Tuhan ebe andom Sion oba logolik, ane kweri'lago. Nen o Yerusalem logolik, ane unggunggu ane hangge pak ili'lago. A'nogo ugunem, o leimo wam fisogo welagaikharek oba engga mondogat puk agik, engga tom Karmel oba welagarek mene mondogat sawet agik, ikhe o,” iluk isikhe.

AMOS 3:8

Mene singa ane kouwatu halok, sa hagen ailo'lek hambuk haluk logou hak nogo? Nen At Tuhan Lego Mondok welagarek mene ane ikhe halok, sa nen it afuni ekhe yagaisigi'lek kamo u hak nogo?” iluk isikhe.

WAHYU 14:2

A'nogo logolik, inane pogoroba nen he, i hut hokho mene ane hangge igik, unggunggu ane hokhorogo ikherek hangge igik, it afuni ekhe gitar watarek mene nen ebe watunem ane ikherek hangge igik, inane hokho ugunem nesanggo holhi.

WAHYU 15:1

Neilenggen a'nogo yethigiri'mo nen, ombo'ne re, afuni nen futfouwageluk, elalin hokho inailo mene yi'nogo pogoroba weinam agunem yethigi. Allah a'mage wurep kobokhogo afuni inoba fembik weagerinabigin andi nen he, inenggi 7 ba weagerinabigin mene, malaikat inebe 7 nenat weinam agunem yerisigi.

WAHYU 15:7

A'nogo wulibi wagaikhama re, it Allah nen elalinafikhemo ineluk welagaikharek mene inebe enggaminogo omanogo ekhe iwak ebe 7 nen emas oba hilingik meneba Allah eluk mondok welagarek mene a'mage i hak hinago a'nogo, Allah nen it malaikat inebe 7 mene omanogo wogisikhi laga yethigi.

WAHYU 4:5

A'nogo were'ma, at kain welagarek obuluk andiba nen eilabut hobugalep yararethigik, unggunggu ane hokho pak ilugen ane lulu lagik, ugu kwelek, at kain welagarek obuluk a'nogo elokhoma re, esage ibilik eisok telek 7 nen welaga. Andi ebe re, Allah Areagun mondok higitsek mene ebe 7 nen a'nogo.

WAHYU 8:5

A'nogo hilingitesik, hobuk he, at malaikat a'nogo nen endu yi mene ti mene Allah faget noletarek a'nogo mene wanhesik, lemesak a'nogo elonggoma kwalogo re, kweangma woukhogo pelakfisa waga laga. A'nogo pelakfisa wagunem he, eilabut hobugalep yararethikhi logolik, unggunggu ane hokho mene pak ilugen ane lulu lagik, lugul hokho lang-fanget higik, ugunem higi o.