WAHYU 10:11 - Allah Wene Fano Wene Hupla Inane

¹¹ A'nogo higirik hobuk pogoroba nen wene mel yaganete: ”Haren wene Allah nen afuni inunggulenu lombok, inawi ero lombok, inane lombok, inogogwi kaindek inenupogot hokhorogoat inenu lombok hobuk hilinginabigin wene andi, yagaisikhi logoino o,” iluk yaganete.

WAHYU 10:11 ပူးပေါင်းရင်းမြစ်များ

YEREMIA 25:13

Babel he An nen enggin mene yi afuni ti afuni inunggulenu lombok inoba fagain iluk wenggelogo figirik, An nen Yeremia bene nen enggin mene inoba asi wesigin mene faget yagaisigi mene mondogat buku yiba palek werek mene andomaba unggum wogosigin.

YEHEZKIEL 37:4

A'nogo yagatigimo, Tuhan nen he ap oak iringik weak mene omanogoba wene yagaisoageluk mimingnafi logolik mel ikhe,

YEHEZKIEL 37:9

Allah ane an noba ikhi logolik, ”Afuni wa'lagaikharek mene yi re, sogoi oba hane in o. Hat hane ikhi logolik he An Tuhan Lego Mondok welagirek mene a'nogo nen at oba re o unggut fena-fena mondogaren sogoi funha waga logolik ap warek oma inambotkwe ineluk asuageluk set kwelakfisa wesuak ikhe,” iluk yagaisan yaganete.

WAHYU 10:10

Yaganetemo, lisu mage mene palek andi enggimo nen wanhirik ebe nunggunem he, nambema kin amusu hangge enduk fano meneat he, nelonggoma pelafunem ale mondok weak hilinglagunem higi o.

WAHYU 11:1

A'nogo yaganetasik hobuk he, e ilirengge sige tomuk hangge mene wo'netasik he, mel yaganeta: ”Allah awi wurik inom, at anggo warogo noletarek mene obuluk a'nogo inom, ilirenggeba walhigik, afuni Allah awi wuri'mo at fogerasi kwili'lagwi mene halok mondogat henggi wenaginabi lan o.

WAHYU 11:9

A'nogo fisamo were'ma, afuni inunggulenu lombok, inane lombok, inagap lombok, inawi lombok, inebe mondogaren warek salinafi'lek herakfisaluk, ineilenggen kwelaginarek werek kwelek, inenggi henagan logombigen inenggi ekheba linggene huliba logogun.

WAHYU 14:6

A'nogo higiri'mo nen, ombo'ne re, at malaikat ekhe wene fano wene mondok logogin mene afuni kweangma mene inunggulenu lombok, inane lombok, inagap lombok, inaiba lombok, yagaisilik pogot ebene tarogo nugunem yethigi

WAHYU 17:10

Nen, it kaindek inebe 7 nen andi mene, inebe 5 arat kobokhogo pagama re, inebe pire werek mene andi, ekhe arat kain logolik, afuni awe a'ma fisaluk ferinarek werek. Nen, ekhe hobuk halok weinam asigin. Weinam asimbik, aren afuni awe a'ma fisaluk ferinarek mondok logogin lek. We, enggi endebat logogin o.

WAHYU 17:12

Nen, andimuk unggul oba 10 nen wulibik hegen andi ebe re, ap inebe 10 nen kain asugun mene oan werek mene hegen meneat he, it kain menfisamo, at mene olomene hangge a'nogo inom, we, satu jam faget enek kain logolik afuni ferinarek logogun mene hegen o.

WAHYU 17:15

At malaikat a'nogo nen a'nogo yaganetesik, ekhe mel yaganete: ”At he yanani nilik nikherek mene hangge andi, ebe kain welagarek oba i hegen andi ebe re, afuni mondogat inunggulenu lombok, inagap lombok, inawi lombok, inane lombok mene heilenggen isegen o.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.