WAHYU 10:10 - Allah Wene Fano Wene Hupla Inane

¹⁰ Yaganetemo, lisu mage mene palek andi enggimo nen wanhirik ebe nunggunem he, nambema kin amusu hangge enduk fano meneat he, nelonggoma pelafunem ale mondok weak hilinglagunem higi o.

WAHYU 10:10 ပူးပေါင်းရင်းမြစ်များ

MAZMUR 104:34

Aren an nendawimo nagaiyeget fugunem an wuni wati lagi andiba, At oba liok ikhi logouwak.

MAZMUR 119:103

Hat hane andi re enduk mondok mitsekma re, kin amusu enduk we endep harek hak oba nen andi nek he enduk mondok fano mit-mirengge o.

MAZMUR 19:10

Allah faget fogerati logogun mene andi re mondok fano, lek asigin lek mene. komotninafikhe wene andi mondogat he ibi-eberogo nen higithogo hilingiti logogin mene.

AMSAL 16:24

Inane liokhogo agarek mene andi re kin amusu enduk mit-mirengge andi higit werek, enduk mit-mirengge andiba inebe fano hilinginaferek.

YEHEZKIEL 2:10

Noba pisarogo lakfei wagasik, funggulhunem kwelakhigi re, abel fena-fena wene ebe re, le asugun mene inom, Eige, nabire, iluk ikhi logogun mene inom, heinet wati logolik inane kweti logogun mene inom, palek were'ma higi.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

YEHEZKIEL 3:3

A'nogo ninggimo nen Aren yaganeti logolik, ”Hat afuni wa'lagaikharek mene yi re! buku huli'lip segengge yi halamutmo kwalin o,” iluk yaganetemo ninggiri'mo nen he enduk he kin amusu enduk mit-mirengge andi hangge hilingik welaga.

WAHYU 10:11

A'nogo higirik hobuk pogoroba nen wene mel yaganete: ”Haren wene Allah nen afuni inunggulenu lombok, inawi ero lombok, inane lombok, inogogwi kaindek inenupogot hokhorogoat inenu lombok hobuk hilinginabigin wene andi, yagaisikhi logoino o,” iluk yaganete.

WAHYU 10:9

iluk yaganetemo, wo'nesuageluk kino oba lagunem he, aren mel yaganete: ”Wanimbik he, nano o. A'nogo nunggunem he, hambema kin amusu hangge enduk fano nagain meneat he, helonggoma pelafunem he, enduk ale weak hilinglasigin a'naga o,” iluk yaganete.