A'nogo yagatukwama, at Yesus nen he, ”An yi enggin ti enggin hilingnabugun andi hak, hit a'nogoat hilinghinabugun meneat he, hat ekhe an nenggi ebekwe, nen ekhe nenggi harekwe ninom kain logouwogeluk, andi nek he, an nen menhinobagagin elo'lego. We, an neisena nen endamaren logouwageluk wenagaisogo fisasikhe meneat inobagagin o,” iluk yagaisasikhe.
WAHYU 1:9 - Allah Wene Fano Wene Hupla Inane9 An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o. အခန်းကိုကြည့်ပါ။ |
WAHYU 1:9
35 ပူးပေါင်းရင်းမြစ်များ
ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.
Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.
Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.
Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.
Hit Allah againafuri kwelaginarek welagep andi hak, an a'nogoat kwelaginarek welagirek mene nen ekhe komothinabik. At Kristus oba yi enggin ti enggin hilik-hilik wa'lagaikhe andi, an neilenggen hasigi. Nen, hobuk Allah nen ebe weinamhogo lakfei wesigin andi wagunem, afuni nen fogerasugun sambul andi, an ninomat fogerasugun aro. An nane liokhogo komothinabik.
Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.
An Yohanes nen hit o propinsi Asia 7 gereja andogoti lagep mene andoma nerugwi nagaila'lak. Nineisena Allah ebe etok mondok logolik, endam welagaikhe, yogondak weregat, hobuk mondok logogin mene wesigin andi inom, Allah ebe kain welagarek obuluk oba werek kwelek Areagun ebe katoksek mondok iluk 7 nen elokhoma welagaikharek andi inom, at Yesus Kristus obabut humbunhogo logolik Allah abok fakhogo yaganisikherek mene a'nogo inom, inobabut fano a'nogo nen kwelakhinarek logolik fano mene wokhisigik, hinendawinggen hambugethinafik, ikhi logouwago iluk, hai wathinafi. At Yesus ebe wa'lagaikhesi'mo nen eisena Allah nen omalik manggusa taginafarek andi hak, at tak ambotkwe eluget fesikhemo, afuni kaindek inenupogot kweangma mene yoma inebe elo'lek meneat he, at enek he, esin welagarek. A'nogo logoigeluk, niren weak hilingiti lagagu andi nen, ninebe hele warek hangge fetninarek were'ma, aren nit endawitninafikhesik, amep wulagaisogo wa'lagaikhe andiba he-le fikhalninfikhe andi.
A'nogo fikhalninafikhesik, nit at eisena faget hilingiti logouwageluk, ninebe kain Allah eisewerek menninobagasikhemo welago. A'nogo menninobagasikhemo logolik ninendawimo nen he, ”At Yesus Kristus andi, omame hokho werek,” iluk nit at ebe eberogoat fogeratu mondok logouwogo, iluk, u hak, ”Amin,” igi andi.
A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.
A'nogo higiri'mo nen, ombo'ne re, ap kaindek inobuluk hokho were'ma andoma inebe hokhorogoat kain logolik, afuni ekhe inawe a'ma fisaluk ferinarek logolik wene inoba figik, kotik, ikhi logouwageluk eisewerek fisagama isigi. Nen, ekhe higi re, it afuni mene olomene hangge hokho mene a'nogo inom, ilirengge at ebe hangge hilingitarek a'nogo inom, fogerinafi'lek, enu hangge lisu palek a'nogo inendawinggen wenggelogo inelhaba hea? Inenggiba hea, wanhi'lek herakfisaluk, Yesus hilingiti lagaikhe mene yagaisilik nikharek mene faget inom, Allah ane faget inom, inalonggop palogo inoatukwa mene arat inambotkwe inelugetfisaluk menfisikhesik, at Kristus inom afuni ekhe inawe a'ma fisaluk ferinarek, mo lagagik pigik ugu kwelek 1.000 tahun welagaikha isigi.
A'nogo fisa wesigin andi re, an nen, hinafe morogo logoino o, iluk yagahisasigi mene andi, nane hologo higithogo hilingiti lagep andi nen, o hobuk Allah nen afuni kweangma yoma welagaikharek mene mondogat yi enggin ti enggin inoba fagain sambul andi fugu kwelek, hit enek he, an nen nawe a'ma fano fethinarek logogin o.
A'nogo isigiri'mo nen, ombo'ne re, silo fagarek andi hak, suesingga uan meneba amusu te'merogo fesukwa a'nogo mene, Domba Eak a'nogo nen enggi enggaminogo oba arat fikhalhesigen, ekheba fikhalhunem he, afuni Allah ane ninghogo wanhukwasik, it ekhe yagaisikhi lagaukwa andi faget inoatukwa mene inareagun he, Allah anggo warogo endu noletarek oba a'ma andoma were'ma yerisigi o.
Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.
ကြော်ငြာတွေ