WAHYU 1:7 - Allah Wene Fano Wene Hupla Inane

⁷ Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.

WAHYU 1:7 ပူးပေါင်းရင်းမြစ်များ

AYUB 33:26

Nen, aren samban ugunem he, At Allah nen endawiraterek, at agaiyek oba Allah fogeratunem he, At Allah nen at ebe hilingik mene a'nogo mondogat fanot fikhi logogin.

MAZMUR 22:16

Nalonggop elema re iwak halongorek mene hakhogo mondogat kelok ikhe, namelinggen he nelanglang oba te'me ikhe. Neisena Tuhan an he afuni warek mene hakhogo re, ologoilong engge amboloba nobagegenma welagi o.

MAZMUR 68:1

Afuni nen wuni wulak fuluk inebe seberogo ugunem yanggulinafarek mene faget, At Daud awuni.

MAZMUR 97:2

Ohena inom, o mum inomen he At ebe maserogo kwelabek werek, At ebe lego logolik melalinaferek mene andi ero re Aren wene katokhogo hilingiterek mene andi inom Awene melalek werek mene andi inom oba werek.

YESAYA 19:1

Mesir mene inoba hilingfisagain mene yagaisoageluk isikhe mene re yi. Tuhan o Mesir lageluk ohena weak-weak lagarek meneba weri'logo a'li yethani! O Mesir oba tugwi kembu werek mene omanogore At elokhoma inoak leigetik, nen afuni Mesir mene re inendawinggen eak agik hilingiri'lagwingge andi.

DANIEL 7:13

O hubanggo andi sambul nabikanggo a'nogo yethigirik, neilenggen oba mondok were'ma nen At ekhe abat ta'lagaikhe mene ohena oba huli'liphogo re, At eluk mondok welagarek mene a'nogo oba higit lagasik he, era'lu horokhogo lagasik hai wat-wat ugunem yethigi.

NAHUM 1:3

Eberogo nenat At Tuhan andi re a'mage weak-weak lagaikherek lek. A'nogo meneat he, o yi awi ti awi At enek sagarek werek andi nen he afuni ekhe nen weak hilingitu halok he Aren unggum inoba fisikherek mene a'nogoba nen ekhe longgo u lek hak. At Tuhan ebe koma kwe lagu halok he, andoma sogoi sielu wiliferek. Nen At eisok sebelhugukwe andoma re, wul age hena higit palogo lagaikherek.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

ZAKHARIA 12:11

Inenggi andi sambul he o Yerusalem oba andoma lenggu-lengga mondok hokhorogo ugun, andi re o lembah Megido Hadad-Rimon faget le aga lagaikha hakhogo le asugun.

BILANGAN 24:17

An at ebe neilenggen higi meneat he, o yogondak hilinglasigin mene faget higi fuk. An at ebe neilenggen yethigi meneat he, yatma nen yethigi o. At ap ebe kain enupogot ekhe Israel mene, ebe hesagal eil tibelengge mene hangge hobuk wesigin o. Wesimbik he, afuni o Moab mene inogogwi kaindek mondok wulil tagalogo inoatik, afuni inunggulenu Set mene wulil tagalogo legetfisigik, igin o.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MATIUS 16:28

Nen, hit mendek welagep yoma mene ekhe wa'lagi'lek logolik, an abat ta'lasi wagagi a'nogo kain nenupogot logoigeluk afuni mondogat nawe a'ma inobagai wagunem hineilenggen neogoinaro, iluk eberogoat yagahisigi, iluk yagaisasikhe.

MATIUS 24:30

A'nogo hilingitu kwelek, an abat ta'lasi wagagi a'nogo arat wesigin iluk, afuni inendawinggen wenggelogo futfouwageluk pogoroba ekhe hilinglasigin oba nen, afuni inunggulenu lombok le agu kwelek nomamerogoat ohena anggele'ma pi wagunem, ineilenggen neambik hokhorogo foge'nabugun o.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MATIUS 26:64

at Yesus nen he, ”Haren egen andi aro. Menere, an wene yi an nen hit mondogat yagahisak. Huli yogondagen he, an abat ta'lasi wagagi a'nogo, at Allah omame hokho yi mene ti mene hilingisigin enek a'nogo nemberek era'lu enggi ebekwe kainat logombik he, hobuk pogoroba andoma nen ohena anggele'ma pi wagunem hineilenggen neogoin o, iluk yagahisigi,” iluk yagatikhemo,

MARKUS 13:26

Andi sambul he, an abat ta'lasi wagagi a'nogo ineilenggen neambik, hokhorogo fogetnabugun o.

MARKUS 14:62

Heinok a'nogo wokhasikhemo, at Yesus nen he, mel yagatikhe ”Andi, an nebe yi aro. An abat ta'lasi wagagi a'nogo, at Allah omame hokho yi mene ti mene hilingisigin enek a'nogo era'lu enggi ebekwe kainat logombik he, pogoroba andoma nen ohena anggele'ma pi wagunem hineilenggen neogoin o” iluk yagatikhe.

LUKAS 21:27

Andi sambul he, an abat ta'lasi wagagi a'nogo nomamerogo ohena anggele'ma pi wagunem, ineilenggen neambik hokhorogo fogetnabugun o.

YOHANES 19:34

A'nogo herakfesukwa meneat he, ap tentara omanogo mene ekhe nen he, Yesus abelenggenma sige taukhogo watikhemo, elelekwe amep inom, i inom, wulibi wagaikhe.

YOHANES 19:37

Nen, ekhe re: ”At ebe sige taukhogo watfuluk ineilenggen logogun,” iluk, isukwama Allah aneba lisu palogo fesukwa mene were'ma higit asuageluk a'nogo hilingitukwa andi.

1 TESALONIKA 4:17

Hobuk nit nineluk logogun mene ninomat ohena anggele'ma hambokhogo wo'ninarek lagagunem he, ninoe Enupogot ninom tulem po ya ambi asi lagambik he, At ninom mondogat logoguno.

IBRANI 10:29

Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.

1 YOHANES 3:2

Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.

YUDAS 1:14

Omanggum Adam huliba nen ta'larik waga lagaukwasik, huli 7 ba mene huli, at Henokh ta'lagaikhe mene nen, it afuni andi wene inoba fagain mene faget mel isikhe: ”Yethani. Ninoe Enupogot a'nogo nen agoromi at onggwaregen yonggo pelakfisa wagarek mene inebe mondok hokhorogoat woginarek pi wesigin o.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.

WAHYU 22:4

A'nogo logolik, Allah enu it inelhaba lisu pale'ma re, iren at elokhonggen ineilenggen hikhi logogun.

HAKIM–HAKIM 5:31

Nineisena Tuhan, at Sisera wato andi hak, afuni hat haselei mene ogo, a'nogo wa'lasuak. A'nogo meneat he, hat hagainafuri hendawi mene nek he, mo eil tilelek-walelek wagarek andi hak, it mondogat liarogo logouwago, iluk wuni watukwa. A'nogo hilinglagaikhesik oba nen, 40 tahun weim lek liolek fano welagaukwa.