WAHYU 1:3 - Allah Wene Fano Wene Hupla Inane

³ Wene andi mondogat he, weak-weak hilinglasigin andi nen he, it afuni ekhe wene lisu palek mene yi enu salugun mene inom, it ekhe inesanggo holimbik, wene andi hologo higithogo hilingiti logogun mene inom, Allah nen inebe fanorinafunem inendawimo inagaiyek hikhi logogun o.

WAHYU 1:3 ပူးပေါင်းရင်းမြစ်များ

AMSAL 8:34

It afuni an nane hologo hilingisuogoluk hundik-handik an nawi kweba hurek welagik, an welagirek oba leget pa'leget ambe pale'ma andoma kagalek welagik agarek mene andi re, inendawimo inagaiyek anggikhi logouwak.

YEREMIA 51:61

A'nogo hilingfigirik an nen at Seraya ba ikhi logolik, ”Hat hebe o Babel mondogat asi lambik he buku ariba lisu palek werek mene oma mondogat afuni andoma werek mene inoba pilingisogo enu salino.

MATIUS 24:15

A'nogo yagaisasikhesik he, hobuk ekhe mel yagaisasikhe: Hiren lisu palek yi enu salhi logolik he, fanorogo futfikhi logoino o. Ap Daniel Allah ane yagaisikhi lagaikhe mene a'nogo nen ikhi logolik, Allah aiba fano hore'ma omanogo menlasi wagunem hineilenggen hambik he,

LUKAS 11:28

at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.

ROMA 13:11

A'nogo hilingiti logogun andi nenahalok. Andi re, nit attak ninendawinggen Allahba himbiret fesugu andem sambul he, o fanotninabigin sambul yatma welagaikhe. Mene re, yogondak he, horogat asi weri'logo andi nen he, hit nogo ikhi lagep andi, hineluk asugun higit aga andi, futfikhi lagebo.

ROMA 13:12

O hup welagosik wei igiluk werek andi nen, afuni o mum oba logolik hilingitarek mene andi herakfisouwogo. We, sikhe sige wanharesik inebe hebelogo welagaikharek hak, nit selek mene wanimbik hebelogo logouwok.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

2 PETRUS 3:8

Mene re, nerugwi nagaila'lak. Hinebe nendawi e. Wene misigat yi hinonggoragup. Ninoe Enupogot endawimo anggikhi logolik, o lingge misigat welagorek andi re, 1.000 tahun hangge anggikherek. Nen, 1.000 tahun andi re, o lingge ninenggi misigat welagorek andi hanggeat anggikherek. Mene re, emberek higit enek anggikherego.

WAHYU 22:10

A'nogo yaganetesik, hobuk yaganeti logolik: ”Yi wene ti wene Allah nen ikhe mene yi weak-weagat hilinglasigin andi nen he, silo fagarek andi hak, afuni yagaisagain lek, iluk wene hendawimo asimbik kamo igi'lek yagaisikhi logoino o.

WAHYU 22:12

A'nogo yaganetemo, at Yesus nen yaganeti logolik: ”Ero inom, erembul inom, anatma re, omanggum eroba nen pikhit hobuk wurep oba netok mondok logogin mene nen, afuni inebe lombok inobabut hilingitarek mene higithogoat onggo wogisageluk waluk weak-weak wesigin o.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.

WAHYU 3:11

An weak-weagat wesigin o. A'nogo wesimbik he, sa awewerek-sa awewerek laga logolik, inomame asugun mene onggo kware-kware ikfisagarek andi hak, onggo hit wokhisagain mene, it afuni ekhe nen telogo helanogo iluk, hit ebe wanhigip mene andi, hinenggi ninghogo fisogo logoino o.