WAHYU 1:19 - Allah Wene Fano Wene Hupla Inane

¹⁹ An a'nogo welagi andi nen he, heilenggen hegen mene yi wene ti wene yogondak ya hilinglari'logo mene inom, hobuk hilinglasigin mene inom, mondogat lisu palin o.

WAHYU 1:19 ပူးပေါင်းရင်းမြစ်များ

HABAKUK 2:2

iluk igimo, Tuhan nen wene onggo mel yaganete: ”Kweang tangge meneba An nen yagahesigin mene andi enegenggerogo hugu mene faget hesesengge weinamhogo wokfeino o.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 1:11

”Hat heilenggen hagain mene andi, lisu palino o. Palogo re, it Allah againafuri 7 gereja nen andogotarek mene, o enu Efesus inom, Smirna inom, Pergamus inom, Tiatira inom, Sardis inom, Filadelfia inom, Laodikia inom, inoba lakfeino o,” iluk yaganete.

WAHYU 1:12

A'nogo yaganetemo, ”Ane andi sa nen yaganeri'logo,” iluk nambotkwe neilenggen hebekhogo yethigi hak he, esage ibilharek mene ebe 7 nen eisok telik emas mene hilingitarek mene were'ma higi o.

WAHYU 10:4

Unggunggu ane a'nogo ugunem he, an lisu paligeluk igi meneat he, pogoroba nen mel yaganeta: ”Unggunggu ane 7 nen ugunem hesanggo holhen mene andi, lisu paligin lego. We, hendawimo kamo ino,” iluk yaganetama holhirik he, kamo igi.

WAHYU 19:9

A'nogo ugunem holhiri'mo nen, at malaikat a'nogo nen yi'nogo yaganete: ”It afuni Domba Eak agwe hak ikhikhi logolik, seni isago na wesuageluk inayonggo faga mene halok inendawimo inagaiyek asuago, iluk lisu palino o,” iluk yaganetesik, hobuk yaganeti logolik: ”Wene yi re, eberogoat Allah nen ikhe mene o,” iluk yaganete.