WAHYU 1:12 - Allah Wene Fano Wene Hupla Inane

¹² A'nogo yaganetemo, ”Ane andi sa nen yaganeri'logo,” iluk nambotkwe neilenggen hebekhogo yethigi hak he, esage ibilharek mene ebe 7 nen eisok telik emas mene hilingitarek mene were'ma higi o.

WAHYU 1:12 ပူးပေါင်းရင်းမြစ်များ

KELUARAN 25:37

Lampu eisok 7 nen wutfembik he, lampu eisok liabek mene wurep ebene andoma mondok pugun-paganhogo hilingfoumo esage ibilfugunem ombak-bak he, ero fikhit andoma wial fikhi logouwak.

KELUARAN 37:23

Lampu eisok andiba re lampu sabiren inom, sumbu puguneti logogun mene inom, elonggoma re emas mondok fano meneba hilingfesikhe.

MIKHA 6:9

Tuhan omame werek iluk anggikhi logolik hilingitarek mene andi re, ap mondok hebelek mene nen hilingitarek he andi aro. Nen, Aren afuni o kota ba werek mene inoba yagaisikhi logolik, ”Yago, hit afuni o kota ba welagep mene andoma hinesanggo holini o!

ZAKHARIA 4:2

”Haren yogondak ya nenamene hikhi lagen?” iluk heinok wo'niikhemo re, an nen onggo ikhi logolik, ”Lampu eisok emas mene misik enek hilingik engge were'ma higi o. Nen, lampu andi aiyogouk ambol ebene andoma re minyak fuguba obalik hilingik were'ma re ebe maserogo lampu tujuh nen werek oba omanogo amu-amu re asu endu amulok wialhu mene faget obalik ebe sabiren mene hilingik welaga.

WAHYU 1:13

Nen, esage andi elonggoma tulem abat ta'lagaikhe mene a'nogo elokhonggen hangge, su uan endakwe mene huli eisok oba pikhit laberek, nen amik enggen oba emas mene laberek.

WAHYU 1:19

An a'nogo welagi andi nen he, heilenggen hegen mene yi wene ti wene yogondak ya hilinglari'logo mene inom, hobuk hilinglasigin mene inom, mondogat lisu palin o.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.

WAHYU 2:1

A'nogo yaganetesik hobuk mel yaganete: ”An nenggi ebekwe hesagal ebe 7 nen fisogo logolik, esage ibilogo fagarek mene ebe 7 nen eisok emas meneba hilingisogo telik omanogo esanggokwe werek kwelek, anggele'ma tulem nikhi lagi mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Efesus andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palin:

WAHYU 4:1

A'nogo yaganetunem higirik oba nen ombo'ne re, nabikanggo ekhe yi'nogo yethigi. Pogoroba re, kwe ekhe hurik were'ma, at attak ane pinggong ane hokho meneba yaganetunem nesanggo holhi mene a'nogo nen hobuk mel yaganete: ”Wene ya logombigen hobuk hilinglasigin mene heilenggen yethanogeluk, yagahesigen he, lagai me o,” iluk yaganete.