Andi nen he, hiren afuni o andoma welagaikharek mene ekhe hinom wene wa'luk hinom hunitubo. Hunogo mene faget anggo warogo noletarek oba obalik andi meisak'lambukhgo potfisano o, iluk yagahisasigi andi. A'nogo meneat he, An nen, Yi'nogo hilingiti logoino, iluk yagahisasigi a'nogo hak hilingiti'lek logolik, An nen, Hilingitup, iluk wene palhigimene andiat hilingiti lagep andi. Ma re, yogondak wene yagahisagain yi hinesanggo fanorogo holini o.
ULANGAN 7:2 - Allah Wene Fano Wene Hupla Inane2 Nineisena Tuhan Allah nen it afuni andi hit hinenggiba foumo, hiren it mabenet fisambik inebe hinendawi nen ekhe herakfisambik, ninom hundik logouwok, iluk wene warisogoin mondok lego. We, inebe mondok felelenghogo inoa'no o. အခန်းကိုကြည့်ပါ။ |
ULANGAN 7:2
45 ပူးပေါင်းရင်းမြစ်များ
A'nogo yagaisasikhemo re, it ap inebe pire aremnogo nen he, mel yagatukwa: ”Haren nit ninabok afuni ekhe yagaisagain mondok lek halok, nit nineisena Tuhan nen o yoma nit ninenggiba fugunem hilingiti logolik he, hit fano hilinghinabugun o, iluk wene watheto o. A'nogo wene watheto meneat he, niren eberogoat fano hilinghinafi'lek halok he, nit nineisena Tuhan nen homan ninobagauwago,” iluk Allah enu hombuk palogo wene waretukwa.
At hineisena Tuhan Allah nen hit hinebe hinawi sabu wuri'mo omanogo awe a'ma fethinarek were'ma, it hinaselei mene inelokhoma hit hinebe hinalonget hinobagakhi logogin. Andi nen he hit hinawi sabu wurikwe andoma mondogat fanorogo pugunhogo logoino. Nen a'nogo logogun lek halok he hit hinanggele'ma andoma obabut weak mene ekhe were'ma, At hineisena Tuhan Allah hit hinebe herak hinobagaluk laga logoinogo o,” iluk yagaisasikhe.
(Afuni Gibeon mene andoma re it Israel inap inom seberek mene re lek, athe ap Amori mene inap oba nen he irogo andogorogo inamu welagaukwa inap. Afuni Israel mene nen he it wene abok yagaisikhi logolik, Niren hit he hinoasugun lek we hineluk hinobagagun, iluk yagaisasukwaba nen he it Israel mene inom, Yehuda mene inom inobaget wenggelhi logolik he, it inebe mondogat inoatukwa.) A'nogo hilingfisasukwama nen he at Daud en wolinafikhesik he,
A'nogo hilingitukwama re Tuhan nen it inambu-inomba inoba wene warisasikhe mene higithogo kweang andiba re At Tuhan nen omame a'ma ferinarek were'ma re inailo legengge inambong serogo welagaukwa. It inaselei mene misik iluk ogo it inom weim kagalasu hak mene ekhe hilingiti lagaukwa mondok lek, andi re Tuhan nen it inoba inalonget fisasikhemo a'luk hilingiti lagaukwa.
O kweang andoma mondogat at Yosua nen sebelasikhe. Aren he it raja-raja o tomkwe welagaikharek mene inom, tonggokwe welagaikharek mene inom, mo liabi wagarek fikhit welagaikharek mene inom, tom alem mo ubuk ikherek fikhit welagaikharek mene inom, nen o lei abel a'ma selatan fikhit welagaikharek mene inom mondogat inomame legaphogo fisasikhe. A'nogo hilingfisasikhe andi re Tuhan Allah Israel mene ineisena a'nogo nen isikhe mene higithogo ineluk ekhe fisigi'lek mondogat inoatikhe.
Linggene a'nogo sambul Yosua nen he o kota Makeda a'nogo sebeli kwikhi logolik inoe raja ogo ebe pinggi watukwa. Afuni o andiba werek mene re mondogat inoatukwaat, misik iluk ogo ineluk ekhe fisasukwa lek. At Yosua nen ap raja Makeda mene andi re attak raja Yerikho mene oba hilingfesikhe a'nogo higithogo hilingfesikhe.
A'nogo yagaisasikhemo iren onggo ikhi logolik he, ”Nineisena, niren a'nogo hilingito andi re, nit ninesanggo holho re, Tuhan Allah hat nineisena nen apne wanhi lagen mene andi nen Musa at amingmingengge andi mimingiti logolik he, nineisena hat hebe nen o kweang yi sebeli kwi waga logolik afuni yoma werek mene mondogat inoatik, nen kweang yi abirengge nineisena hat wokhetik, hilingisuageluk mimingite mene andi faget ninesanggo holhosik he, nit ogo ninomat ninoasugun hea iluk ninailo nen a'nogo hilingito andi.
Allah Mondok Lego mene a'nogo nen haselei mene henggiba fikhemo mabenet fisaluk wagen o,” iluk yagatikhe. A'nogo yagatikhemo, at Abram en he, yi mene ti mene hugulengge kwikhi logolik helasukwa mene ambotkwe telogo waluk wagaikhe mene omanogo ebe lombok enggi wenakhigik, 10 asi lagunem, 9 nen at fakfikhi logolik, 10 mene re andogorogo at Melkisedek wogetikhe.
Nit he haren komo wene yaganisagain mene inom, it Allah wene melalek yaganisugu mene a'nogo esinet fuluk hilingitu inaben inom, komotninabugun mene andoma niren higithogo nek hilingitik, At Allah nen wene melalek yi'nogo hilingi'no ti'nogo hilingi'no iluk werek mene a'nogo hologo hilingitik, hilingisugun en he, hemi andoma ineagwi inomat mugusogo wilaginabugun iluk Allah elokhoma nen hombuk paluok.
A'nogo fisasikhemo, it afuni Israel mene nen he, ”Niren yi'nogo hilingisugun,” iluk, nineisena Tuhan mel yagatukwa: ”Nineisena. Haren afuni inunggulenu andi mene mabenetfisoageluk anggegen halok he, niren afuni inebe inom, inawi kota inom, mondok wulil tagalogo legetfisouwogen he ninomamet ninobagain o, neisena,” iluk inane hombuk palogo wene waretukwa.
A'nogo meneat he, yogondak at nineisena Tuhan Allah ebe endu nen yi mene ti mene felelenghogo nilik lagarek andi hak, hinelokhoma attagat laga logolik it afuni andi mondok mabenetfisilik lagunem hineilenggen tomok hogoin aro. A'nogo mabenetfisilik lagunem, At nineisena Tuhan Allah nen, hobuk yi'nogo hilingisugun, iluk wene wathisasikhe higithogoat, hiren it afuni andi weak-weagat mugisigik legetfisigik, ugun o.
It hinendawimo a'nogo kagalhi logogun mene andi helep oba mondok pinggiat inoa'no o. Inoati logolik, we, sa nen helep oba attak-attak fugethikhe halok, afuni mondogaren wasuago. It afuni andi nen nineisena Tuhan Allah afuni Mesir mene nen inamingmingengge higit fethinarek were'ma wokhinarek wulibi wagaikhe mene a'nogo herakfisaluk wulibuageluk miminghinabugun andi nen he, inebe herakfisigi'lek inoa'no o.
Nen, Tuhan nen it Israel mene a'nogo it ap andomaba nen inomamet fisasikhe. Ap Israel inaben pin kwikhi logolik it inebe muginarek he, o Misrefot-Maim en uanhogo andoma huli nen he. o Sidon abel utara fikhit andoma nen he, o Mizpa tonggoma mo liabi wagarek fikhit yatmaat andoma huli fisa lagaukwa. Weim andi yafu werek kwelek enek he it Israel mene inaselei omanogo ineluk ekhe wulifukwa lek mondogat inoatukwa.
A'nogo lagasukwasik, at Benhadad en ikhi logolik he, ”An nen he, o kota hat heisena nen meneba an neisena nen telasikhe mene omanogo re, nekhengge oak waganogo noe hat wokhesigin o. Nen, noe haren he, an neisena nen o kota Samaria oba yi mene ti mene onggo palhik, hunitik, hilingituba wute andi hak, noe haren ogo re o Damsyk oba wusigin fano aro,” iluk yagatikhe. A'nogo yagatikhemo at Ahab en ikhi logolik he, ”Noe, haren wene watneten mene andiba re, an nen noe hat hebe fikhalogo wulak hobagagin,” iluk isikhe. A'nogo isikhesik at Ahab en Benhadad inom wene wat-wat isukwasik he, Ahab en at a'nogo fikhalogo wulakfesikhe.
ကြော်ငြာတွေ