RUT 4:6 - Allah Wene Fano Wene Hupla Inane

⁶ A'nogo yagatikhemo, at ap a'nogo nen he, ”Halok he, a'nogo hilinglasu ha'ma re, an he elo'lego. Yogondak, an nebe manggusa mene hak esin logolik, kweang andi onggo feigiluk ikhi lagi mene andi herakfisaluk wulibigin o. Kweang andi an nen taginabigin mene eise logogun lek andi nen he, an alomarogo onggo fou ha'ma re, an nabit. Hat onggo palin o,” iluk yagatikhe.

RUT 4:6 ပူးပေါင်းရင်းမြစ်များ

KEJADIAN 38:8

Wat fesikhemo at Yehuda nen Er agot Onan a'nogo yagati logolik, ”Hat he, at agot hilingik welagenma re, hoe agwe sogwe andi ambit laluk he hinom nogoi lan o. Nen, hoe nen tago mene hak logouwageluk haren at hoeba hilingisu hak mene andi hat hoba hilingfikhi logogin,” iluk yagatikhe.

IMAMAT 25:25

Nen, Israel mene ekhe enggi lek elagaik a'luk logolik ninggi'nogo hilingisigin iluk kweang aren mene a'nogo onggo wanigin anggaluk halok he, at erugwi agaila'lak at werekwe mene inoba onggo wanigin fano.

ULANGAN 25:7

A'nogo meneat he, ap agot andi nen, he oe nen sogwe fikhe mene andi wanigin abit halok he, he andi kaindek o kota andoma mene inoba lambik he, mel yagaisogoin: An nagun agoren he, an nebe wo'nabimbik, at oe obali'mo omalik ekhe tasumo aren tagongge mene unggulenu afuni Israel meneat logouwagaluk, an wo'nabu meneat he abiren heraknobagaikhemo wagi o,

ULANGAN 25:8

iluk ikhe halok, it ap kaindek o kota mene a'nogo nen he, ap wa'laga mene agot a'nogo woletunem wagunem he, komoti logogun. Komosugun meneat he, Lego. Wanigin nabit aro, iluk ninghogoat ikhe halok,

ULANGAN 25:9

he at oe agwe sogwe a'nogo agun agot oba horokhogo lambik, ap kaindek o kota mene omanogo ineilhanemat ap a'nogo eisok sandal ugu mene nonggol fuluk he, elokhonggen oba wesi suphogo lakfikhi logolik, mel yagasugun: Ap ekhe oe obali'mo tasu abiren nabit ikhe halok he, yi'nogo hilingitorego, iluk, komoti logogun.

RUT 2:20

A'nogo yagatikhemo, at Naomi nen he, ”Neak. Ap andi re, nit ninebe misigat tago mene o,” iluk yagatikhe. A'nogo yagatikhesik ekhe mel yagatikhe: ”Aren nit ninebe wo'ninapluk, nit faget yi mene ti mene wo'nisa higit obaat hilingite o. Tuhan nen, Yi'nogo hilinghinabigin, iluk wene watnisikherek higithogoat afuni arat wa'lagaukwa mene inom, ineluk werek mene inom, leberisikherek mene a'nogo nen ap andi fanotfikhi logouwago,” iluk yagatikhe.

RUT 3:13

Ohealek hubet halok, ap andi nen eilenggen hat wokhabimbik, hat faget elok hilingisigin a? Lega, iluk yagasigen he, yogondak enek he, ya nogo in o. An nen a'nogo yagasigin mene re, aren hat faget a'nogo hilingisigin ikhe halok he, fano meneat he, aren, An nen a'nogo hilingisigin nabit, iluk ikhe halok, an nenat neilenggen wokhabimbik he, hat faget hilingisigin iluk nineisena Allah eluk mondok werek mene enu hombuk palogo yagaheti o. Ma re, o wei ikhe halok lanogen he, yaat nogo in o,” iluk yagatikhe.

RUT 3:9

A'manggen a'nogo lagaikhesik, aren he, ”Hat sa,” iluk heinok wokhasikhemo, at Rut en he, ”An Rut o, neisena. Hat he, ap nit mene welagenma re, an nebe faget haren heilenggen futnobagambik an hat nemberek logouwogo,” iluk yagatikhe.