RUT 4:17 - Allah Wene Fano Wene Hupla Inane17 A'nogo tegelhu were'ma, it hemi Naomi inom inawi sili misi'mo mene nen omalik a'nogo enu Obed salhukwa. A'nogo salhukwasik, afuni mondogat mel yagaisikhi lagaukwa: ”Naomi eak ap mene ekhe werego,” iluk ikhi lagaukwa. Ma re, Isai eisena Obed andi. Nen, Daud eisena re, Isai andi. အခန်းကိုကြည့်ပါ။ |
Daud ambu-ombalak at Peres huli nen ta'larik wagaukwa re, inebe yi'nogo: Peres nen he, Hezron tatik, Hezron nen he, Ram tatik, Ram en he, Aminadab tatik, Aminadab en he, Nahason tatik, Nahason nen he, Salmon tatik, Salmon nen he, Boas tatik, Boas nen he, Obed tatik, Obed en he, Isai tatik, Isai nen he, Daud tatik, a'nogo ta'larik wagaukwa andi.
At Samuel enggi ekhe inom endawimo a'nogo weak were'ma, nineisena Tuhan nen mel yagatikhe: ”Hat Saul faget henggi miren oba hendawimo a'nogo weak logogin nogo? An nen he, at Saul afuni Israel mene inoe raja logogin mondok lek, iluk arat igi lek nogo? Andi nen he, hat yogondak zaitun amusu ekhe wanimbik he, o Betlehem lan o. Lambik, ap enu Isai amlogo ekhe raja logouwageluk arat wenagaisogo figimo werek andi nen he, lan o,” iluk yagatikhe.
At Daud andi ap Efrata mene, Isai amlogo. Aiba re, o it afuni Yehuda mene inaiba andoma, o sili enu Betlehem mene. At Isai andi againafuri ap inebe 8 nen taginafikhe. A'nogo taginafikhemo re, at Saul en afuni Israel mene ferinarek welagaikhe andem sambul he, at Isai ebe mondok yaman agaikhesik welagaikhe.