RUT 4:13 - Allah Wene Fano Wene Hupla Inane

¹³ A'nogo yagatukwama, at Boas agwe Rut helasikhe. A'nogo helasikhesik emberek nogo isukwama, at nineisena Tuhan nen, he Rut fanotfesikhemo, eak a'ma agaikhesik eak ap takhasikhe.

RUT 4:13 ပူးပေါင်းရင်းမြစ်များ

KEJADIAN 20:17

Wene hun Abraham agwe Sara faget hilinglagaikhe a'nogo oba re, Tuhan nen it hemi hun Abimelekh awi istana ba welagaukwa mene omanogo mondogat abili mene hilingfisasikhe mene andi faget, Abraham en Allah ayonggo fesikhemo, Allah nen Abimelekh ebe fanot figik, agwe inom, it hemi amingmingengge omanogo inom fanot fisasikhemo, inomalik taginabik lagaukwa.

KEJADIAN 25:21

Itikhe mene re, at Ribka eak legen he, nineisena Tuhan kino yagatikhe. A'nogo yagatikhemo, nineisena Tuhan Ishak ane esanggo holhikhesik, Ribka omalik a'ma agaikhe.

KEJADIAN 29:31

At nineisena Tuhan, Yakub agwe Lea abel marogo logolik, Rahel enek he, endawinggen tulemhogo were'ma eilenggen hasikhesik, ”Lea eagwi taginafi logouwak,” iluk isikhe. Meneat he, Rahel eagwi takhigi'lek welagaikhe.

KEJADIAN 30:2

A'nogo yagatikhemo, at Yakub en he, he Rahel wenagati logolik mel yagatikhe: ”An nebe yi Allah fugo. Arenat hat heak takhanogeluk hilinghabi'lago o,” iluk yagatikhemo,

KEJADIAN 33:5

At Esau nen hemi inom, yenggerugwi inom omanogo isasikhesik heinok wokhikhi logolik, ”Hat hinom welagep oma sani?” iluk heinok wokhasikhe. Heinok wokhasikhemo at Yakub en yagati logolik, ”Allah endawinggen fano nen an nagainafuri oma wo'netikhemo re it oma re, an nagainafuri o,” iluk yagatikhe.

MAZMUR 113:9

Arenat he hemi ibili mene inoba inomalik we onggo lek wogisikherek, nen it hemi nen hilingitarek hagat hemi sogwe andi ineagwi inom inaiba andoma agaiyekhogo were'ma along anggaluk legeisogo fikhi logouwageluk hilingfikheregat. Allah hai wasuok!

MAZMUR 127:3

Nit ninagainafuri andi re At Allah nenat wo'nisikherek. At obabut fano andiba ibi-eberogo nen, onggolegat wo'nisikherek.

RUT 3:11

Andi nen he, Rut na'logo e. Ninggi'nogo hilingisigin he, iluk hendawi fitun o. Hat hobabut he, fano mondok hilingiti lagen andi nen, afuni o kota yoma mene mondogat inelu o. Ma re, haren yaganeten andi an nen hane hologo mondogat hilingisigin o.

RUT 4:12

Hat hagainafuri nineisena Tuhan nen wokhesumo, at he tugum yi nen taginabigin andi, at he Tamar en Yehuda amlogo Peres tatikhemo, aren tagomangge mene welagaikharek andi hangge logouwago,” iluk yagatukwa.

1 SAMUEL 1:27

An neak yi re, neisena Tuhan samban oba kino yagatigi a'nogo, Aren nane esanggo holhesik, wo'netemo nen he, omalik yi ebe Tuhan onggwarek faget mondok logouwageluk wogosigilugen waluk wagi o,” iluk yagatikhe. A'nogo mondogat hilingitukwasik, iren Tuhan fogeratukwa.

1 SAMUEL 2:5

Attagat afuni inamburu oba heilarogo ninggi logolik, inalabut ninghogo ninggi lagaikha meneat he, yogondak sumburu legen helouwogeluk, inenggi onggo wogisoageluk hilingiri'lagwi o. Mene re, afuni attagat sumburu nele welagaikha meneat he, yogondak inamburu elok weregen inalabut ninghogo nili'lagwi o. He ekhe attak abili welaga mene yogondak eagwi inebe 7 nen taginafesik endawimo agaiyek hili'lago meneat he, at he ekhe eagwi inebe hokhorogot taginafe mene andi maben agasik werego,” iluk isikhesik,