RUT 3:14 - Allah Wene Fano Wene Hupla Inane

¹⁴ A'nogo yagatikhemo, at he Rut a'nogo at Boas eiso'ma horokhogo andoma nogo isikhe. Nogo isikhesik, at Boas endawimo nen he, ”Afuni nen he, Rut ap Boas werek oba andoma wagasik, iluk inelu asinogo,” iluk anggasikhe andi nen he, at Rut afuni nen ineilenggen hanogo iluk, o wei igiluk ugu kwelek eluk a'luk wulifikhe.

RUT 3:14 ပူးပေါင်းရင်းမြစ်များ

PENGKHOTBAH 7:1

Amusu onggo hokho mene andi re horok harek hak oba nen, inenu fano agarek andi nek he mondok esin he andi, nen inebe ta'lagaikharek oba andi re harek hak oba nen wa'lagaikharek oba andi nek he mondok fano.

ROMA 12:17

It afuni ekhe nen weak hilinghinafunem he, hiren onggo lagakhogo weak hilinginafi logogubo. Afuni mondogaren ineilenggen hisaluk he: ”It fano hilingiri'lagwi o,” iluk hinabok fano ikhi logouwageluk he, hinendawimo anggalugen fanorogo hilingiti logoino o.

ROMA 14:16

Allah awe a'ma logolik he, yi mene ti mene ninggik, herakfisigik, agarek andi ebe esin fuk. Ebe esin he, Allah Areagun inendawimo logolik, Allah endawimo amolo mene higithogo hilingitik, inendawinggen hambukhogo welagik, inendawimo inagaiyek anggigik, agarek andi nen he, hat hendawimo nen, ”An fano hilingiti lagi,” iluk anggikhi lagen mene re, it afuni ekhe nen habok weak inogo iluk he, a'nogo hilingiti logogun o.

1 KORINTUS 10:32

Afuni Allah againafuri mene inom, nen, it Yahudi mene inom, Yunani mene inom inendawinggen Yesus oba himbiret figi'lek mene inom, weak asinogo iluk hinobabut higithogo hilingiti logoino o.

2 KORINTUS 8:21

A'nogo hilingiti logolik he, ninoe Enupogot eilhanem enek ninobabut higithogo hilingiti logouwogeluk ikhi lago lek. Athe, ninoe Enupogot inom, afuni inom, ineilhanem ninobabut higithogo hilingiti logouwogeluk anggikhi lago.

1 TESALONIKA 5:22

Weak mene halok, mondogat hilingiti'lek logoino.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

RUT 3:15

Wilibigeluk ugunem, at Boas nen he, ”Su endakwe mene ugu mene ari nonggologo ya talfein o,” iluk yagatikhemo, nonggologo talfesikhemo, at Boas nen he jelai enggen ibilik 20 kilo mene kwalogo wogetikhesik, he Rut ungguloba fesikhemo, waluk wagu kwelek, at Boas o kota wagaikhe.