RUT 1:6 - Allah Wene Fano Wene Hupla Inane

⁶ Enggi miren hakhogo were'ma nen he, afuni ekhe nen ikhi logolik, ”Afuni Israel mene re, ineisena Tuhan nen yi mene ti mene awi yatha mene fanot fisikhemo, elok nili'lagwi,” iluk ugunem esanggo holhikhe. A'nogo holhikhesik, a'logomi amlogomi inagagwi aremnogo inom o Moab herakfisaluk wesuogeluk inasunggwe tegelogo fesukwa.

RUT 1:6 ပူးပေါင်းရင်းမြစ်များ

KEJADIAN 21:1

At Tuhan nen Abraham oba abok wene waretikhe higithogoat, he Sara fanotfesikhe.

KEJADIAN 28:20

A'nogo salhikhesik, Allah enu hombuk palogo mel isikhe: ”An laga lagi yi, neisena Tuhan nen fetnarek welagik, lebetniigik ikhi logolik, sumburu inom, nasu inom, wo'netunem,

KEJADIAN 48:15

A'nogo sebelinafikhesik, Allah nen fanorinafi logouwageluk Yusuf mel yagatikhe: ”At Allah Abraham inom, Ishak inom, fogerati lagaukwa mene a'nogo nen an ogo wo'narek o attagaren, huli yogondagen mondok nikho o.

KEJADIAN 50:25

A'nogo yagaisasikhesik, at Yusuf ogogwi agoromi inagainafuri inom mel yagaisasikhe: ”Hit hinebe Allah nen o andoma wokhinarek lagu halok, an nebe warek woknarek lobagaigen iluk wene wa'ne'ni o,” iluk yagaisasikhemo wene waretukwa.

MAZMUR 102:14

Haren Sion hendawi hundik hilingisigin oba a'nogo arat asi wagunem he, Hat hebe menla'luk hendawi hundik hilingisigin werego.

MAZMUR 111:5

Aren afuni wene warisikherek mene andi re eberek mondok welagarek, Nen At oba lomborogo logolik futfuluk hilingitarek mene andoma re yi mene ti mene higithogo nek wogisikherek.

MAZMUR 132:15

it yi mene ti mene helugu mene oba heilarogo wogisikhi logogin o. It afuni inelagaik mene, inamburu An nen wogisugunem, sik-pikhogo ninggi logogun.

MAZMUR 145:15

Yingge-tingge ineluk welagaikharek mene omanogo nen nunggu mene wo'nisoagen iluk Hat hoba nek eberek were'ma, Haren it inamburu wogisa higit obaat wogisikhi lagen.

MAZMUR 146:7

Afuni sebelogo fisagarek mene re At Tuhan nenat inebikhit a'luk inili woginaferek, afuni inamburu nele were'ma Aren nunggu mene wogisikherek. It afuni hele warek were'ma Aren lologo wulak fisikherek,

MAZMUR 147:14

Nen hit hinailoba andoma hinailo legengge logouwageluk Aren kagalhinarek welagik, nen gandum enggen mondok fano meneba hinoba homot hinobagagik, ikherek.

KELUARAN 3:16

Afuni Israel mene inogogwi mondogat andogorinabi lan o. Lambik he, hit hinombalak Abraham inom, Ishak inom, Yakub inom, ineisena Allah a'nogo An arat nelokhoma menlaga o. Menlagasik yi'nogo yaganete: An hit afuni Israel mene it afuni Mesir mene nen hilinginabi'lagwi andi, An arat neilenggen isa pi wagi yi o.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

AMSAL 30:8

An nen neranhogo wene inom, homan fisagarek awene inom igi hanogo, nen an nen nenggi werek asuageluk inom nenggi lek asuageluk inom obokhogo herak nobagau fuk. We an nendawimo namolo mene higithogo hilingnobagagin fano.

YESAYA 55:10

O meiso pogoroba nen pelabi wagaresik, hobuk ambotkwe sugulogo lagaikherek lek, meneat he kweangma mondogat sakhorarik lagaresik, yi mene ti mene yago mene inom, nunggu mene inom oba fisoget figik, mulit figik, nen enggen igisogo awi feik folhik, yatik, uageluk hilingfigik, ikherek,

YEREMIA 29:10

Andi nen Tuhan ane ekhe inom ikhi logolik, ”Babel oba were'ma tujuh puluh tahun arat tibi laga halok enek he, An nen hit hinoba ebesimbik, wene wathisasigi mene a'nogo higithogo hobuk hinambotkwe wokhinarek o yoma wesigin o.

YOEL 2:19

A'nogo anggasikhesik Aren mel yagaisasikhe: ”Yogondak An nen hit hinalabut ninghogo ninggi logobagaigeluk, gandum inom, anggur inom, e zaitun amusu inom, wokhisagain o. A'nogo wokhisambik, afuni inunggulenu hunogo mene nen inendawimo seramet hinobagali'lagwi mene andi inom, endo yakhinabi'lagwi mene andi inom, arigin hinafi logouwageluk herak hinobagagin lego.

ZEFANYA 2:7

It afuni Yehuda mene fena endebengge wulibugun mene re hinawilokwe andoma logogun. Iren he inanggo kwe andoma konhi logolik o hubagunem it afuni Askelon mene inawilokwe andoma nogokhi logogun. Andi re it ineisena Tuhan Allah nen awe a'ma ferinarek were'ma, it inebeba inom inangge yi mene ti meneba inom hobuk ambotkwe fanotfisugunem he sik-pikhogo mondok logogun andi.

MATIUS 6:11

Nit ninamburu yogondak nogoin mene higithogoat wo'nisame o.

LUKAS 1:68

”Nit afuni Israel mene andi nineisena Tuhan Allah nen eilenggen nisa wagasik telninafe andi nen he, at fogerati logouwogo.

1 TIMOTIUS 6:8

Menere, ninggi logogun mene inom, ninagap oba labeti logogun mene inom, werek halok he, ”Andi elogat werek,” iluk anggogoino.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

RUT 1:5

he Naomi eagwi ap inebe pire aremnogo emberegat wa'lagaukwa. A'nogo wa'lagaukwama, at he Naomi eagwi inom, agun inom, le'ma amunek welagaikhe.

RUT 1:7

A'nogo hilingitukwasik, o welagaukwaba andoma herakfisaluk, a'logomi inom o Yehuda wesuogeluk wagaukwa. A'nogo waga logolik,

1 SAMUEL 2:21

A'nogo hilingitunem, At Allah nen Hana fanotfesikhemo, eagwi ap inebe henagan, nen helime inebe pire taginafikhe. Nen, at Samuel a'nogo re, ebe ekhe inom alue aga logolik Allah obaget hilingiti lagaikhe.