RUT 1:16 - Allah Wene Fano Wene Hupla Inane

¹⁶ A'nogo yagatikhe meneat he, at Rut en mel yagatikhe: ”Nagaisa. Haren an hat herakhobagaluk loagaluk yaganetun o. An hat nemberek logoin namolo o. Hat koma lagen halok, an nemberegat andoma logoin o. Hat koma welagen halok, an nemberagat andoma logogunaro. Afuni hat mene andi, an mene asuak, nen, hat hendawinggen heisena Allah oba himbiret fuluk fogeratendek mene andi, an neisena asumo nendawinggen at oba himbiret fuluk fogerati logogin aro.

RUT 1:16 ပူးပေါင်းရင်းမြစ်များ

2 SAMUEL 15:21

A'nogo yagatikhe meneat he, at Itai nen he, mel yagatikhe: ”Nineisena Tuhan eluk welagarek mene inom, nen noe hat hebe inom, hinoak. An hat herakhobagaluk lagain he, nabiro. We, hat hebe o koma lagen halok nemberegat nikhi logogun o. Heluk welagen halok, nemberegat nineluk logogun. Wa'lagen halok, nemberegat wa'lasugun o, noe,” iluk yagatikhe.

MAZMUR 45:10

O sili at raja werek oba andi helime silerik mene inanggele'ma re at raja a'logomi andoma kaboksek. Nen at raja hurek werek oba takhta enggi pikhit kwe a'nogo re at raja agwe ebene emas meneba nek alilingge li'louksek engge a'nogo mendek werek.

AMSAL 17:17

Ap ekhe agailak endawi hundik mene andi re inom hundik mondok werek, oba nen inagaila'lak enggawerogo werek mene re inoba enggin were'ma nek leberisouwogeluk wagaikharek.

YESAYA 14:1

Tuhan nen he nekhengge At againafuri Israel mene endawirinabimbik At onggwarek mene asuageluk tegelinabigin. Aren he it inebe nekhengge inawi eroma inonggwaregen mene omanogoba logouwageluk fisa wesumo re ap pok mene yatma nen it inoba sebesi we'luk inom andoma logogun.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

DANIEL 3:29

Andi halok, afuni nen, Nineisena ebe yi aro, iluk agarek mene ekhe Allah nen it telinafe andi hangge ekhe hilingitarek mondok lek andi nen he, hit afuni hinunggulenu lombok, hineisok erokwe lombok, hinane lombok, ekhe nen he, Sadrakh, Mesakh, Abednego, ineisena Allah it fogeratarek mene andi faget weak iluk abok weak ugu halok, inebe libik-labakhogo inoasimbik, inawi wurik mondok meisa'-lambukhogo potfisogoin o, iluk an nebe nenat wene wulafi andi,” iluk yagaisasikhe.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

HOSEA 13:4

Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.

ZAKHARIA 8:23

Inenggi andem oba re, ap pok mene inebe nomolo nen mene re ap Yahudi mene misik ekhe ambit wesimbik oba yagati logolik, ’Nit ninesanggo holhunemen he, hit he hineisena Allah nen fanot hinobagali'lago ugunem holhi lago o, andi nen he, nirogo a'nogo hilingninobagaumo ambisangma enggen ugu helikhi logoilo, iluk anggikhi lago,’ ikhi logogun,” iluk Tuhan Omame Mondok Hokho mene a'nogo ane yaganetunem holhi.

MATIUS 8:19

A'nogo yagaisasikhesik were'ma, it ap Allah ane lisu palek eisewerek mene ekhe Yesus oba wagaikhesik he, mel yagatikhe: ”Noe. An he, hat koma kwe lagen halok he, hombo'ne mondok nikhi logogin o,” iluk yagatikhe.

YOHANES 13:37

at Petrus nen at oba heinok wokhikhi logolik he, ”Noe. An hat faget wa'lasu hak welagi meneat he, haren he, yogondak an nombo'ne wesigin elo'lek egen andi nenahalok,” iluk yagati lagaikhemo,

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

1 TESALONIKA 1:9

Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.

YOSUA 24:18

Nen, hobuk nit o yoma kwi wagunem, Tuhan nen it afuni inunggulenu Amori mene yoma welagaukwa mene mondogat mugusogo wulakfisasikhe andi. Halok he, nit nineisena Tuhan Allah Ebe At amuat andi nen he, nit At amingmingengge logogun o,” iluk yagatukwa.

WAHYU 14:4

It afuni andi inebe re, tegelek logouwogeluk, hemi inom nogo igi'lek logolik, inambeba nen ineranen ekhe agarek legat, nen, afuni ekhe nen he, ”It andi weak ekhe hilingitama,” iluk wene inoba fou legat mene, logolik, Domba Eak a'nogo kwe komakwe lagu halok, ombo'ne nugunem, sumburu ebe oan werek kwelek, attak mene nenggarek andi hak, Allah nen yi afuni ti afuni inanggele'ma nen kigilogo inonggo palogo telinafikhemo, it inebe Allah inom, andomba fisagasik, were'ma isigi o.

RUT 1:15

A'nogo kamo isikhemo, at Naomi nen he, at mel yagatikhe: ”Rut, neak. Yethan! haipar Orpa a'nogo afuni at mene inom, nen, iren hunogo mene faget, Nineisena ebe yiaro, iluk inendawinggen oba himbiret fuluk fogeratarek mene inom, inoba ambotkwe laga o. Ma re, harogo at ombo'ne lan o, neak,” iluk yagatikhe.

RUT 1:17

Koma nen hat hebe wa'lagen halok, an nebe andomaat wa'lagunem kweangma salnabugun namolo o. Ninebe wa'lago halok enek he ninamu-ninamu asugun o. Ma re, an noan herakhobagaluk nale'ma lagi halok, Tuhan nen wene mondok engginhogo noba fouwago,” iluk yagatikhe.

RUT 2:6

A'nogo heinok wokhasikhemo, aren he, ”He ari re, aiba Moab mene, o kerat ya he Naomi emberek o Moab en wagaikha mene.

RUT 4:15

Hat heagwi ap inebe 7 nen taginabilenma iren lebethiikhi logoilep andi endebat hak. A'nogo meneat he, ha'logo andi nen enek he, mondok hokhorogo endawithafesik, yogondak hombalo ap ekhe hat hendawinggen hambukhogo hebe yaman agunem tegelhafi logogin mene takhetesi'mo re, ha'logo andi esin mondogo,” iluk yagatukwa.